ବାଲିଅନ୍ତା,୧/୯(ପୀତବାସ ଦାଶ): ରାଜଧାନୀ ଉପକଣ୍ଠ ବାଲିଅନ୍ତା ଓ ବାଲିପାଟଣା ଦେଇ ପ୍ରବାହିତ କୁଆଖାଇ ଏବଂ କୁଶଭଦ୍ରା ନଦୀପଠାରେ ଜମି ମାଫିଆ ଓ ବିଲ୍ଡରଙ୍କ ଲୋଲୁପ ଦୃଷ୍ଟି ପଡ଼ିଛି । ସରକାରୀ ଜମିକୁ ଜବରଦଖଲ କରି ବେଆଇନ କୋଠାବାଡ଼ି ଓ ପାଚେରି ନିର୍ମାଣ କରାଯାଉଛି । ଏଥିସହ ହୋମ୍ ପାଇପ୍ ଓ ତାରବାଡ଼ ବୁଲାଇ ଶହ ଶହ ପଠା ଜମି କରାୟତ କରାଯାଉଛି ।
ଫଳରେ ନଦୀର ସ୍ୱଭାବିକ ଜଳ ନିଷ୍କାସନ ବାଧାପ୍ରାପ୍ତ ହୋଇ ଆଗାମୀ ଦିନରେ ଭୟଙ୍କର ବନ୍ୟା ବିଭୀଷିକା ସୃଷ୍ଟି ହେବାର ଆଶଙ୍କା ଦେଖାଦେଇଛି ।
ବିଲ୍ଡରମାନେ ସ୍ଥିତିବାନ ଜମି କିଣିବା ଆଳରେ ନଦୀଶଯ୍ୟା ପର୍ଯ୍ୟନ୍ତ ସରକାରୀ ପଠାଜମିକୁ ପ୍ରାଚୀର ଘେରାଇ ନେଉଛନ୍ତି । ମହାତ୍ମା ସେତୁ ନିକଟବର୍ତ୍ତୀ କୁଶଭଦ୍ରା ନଦୀଠାରୁ ଆରମ୍ଭ କରି ଭୁବନପୁର ସାଇଫନ୍ ମୁହଁ, ଇନ୍ଦ୍ରପାଳ, ରଙ୍ଗବଜାର, କଣ୍ଟାଗୋଠ, ବଇଁଚୁଆ, ପଥରକୋଟ, ରଥିଜେମା, ଟଙ୍କପାଣି ବଜାର ଓ ପ୍ରତାପ ଶାସନ ପଞ୍ଚାୟତ ପର୍ଯ୍ୟନ୍ତ ସର୍ବତ୍ର ବେଆଇନ କବ୍ଜା ଦେଖିବାକୁ ମିଳୁଛି । ଏହା ସହିତ ନଦୀପଠାରେ ବେଆଇନ ଭାବେ ମାଟି ଚିମିନି ଭାଟି ଚାଲୁଥିବାବେଳେ ରାତିଅଧିଆ ମାଟି ଚୋରି କରି ହାଇୱା ଓ ଟ୍ରାକ୍ଟର ଯୋଗେ ଚାଲାଣ କରାଯାଉଛି । ଏସବୁ ସତ୍ତେ୍ୱ ବାଲିଅନ୍ତା ତହସିଲ ପ୍ରଶାସନ ଓ କେନାଲ ସବ୍ ଡିଭିଜନ୍ କର୍ତ୍ତୃପକ୍ଷ ନିରବଦ୍ରଷ୍ଟା ସାଜିଛନ୍ତି ।
ଶ୍ୱଶୁର ଘରେ ପ୍ରଜାକୋର୍ଟରେ ଜ୍ୱାଇଁଙ୍କୁ ଦଣ୍ଡ, ବେକରେ ଜୋତାମାଳ ଓ ମୁଣ୍ଡରେ ରଙ୍ଗବୋଳି ଗାଁ ଦାଣ୍ଡରେ ବୁଲିଲେ...
ତହସିଲଦାର ଲିଲନ ପ୍ରସାଦ ସାହୁଙ୍କ କହିବା ଅନୁଯାୟୀ, ବାଳକାଟି, ରଙ୍ଗବଜାର, କଣ୍ଟାଗୋଠ ଭଳି ସ୍ଥାନରୁ କିଛି ଜବରଦଖଲ ଉଚ୍ଛେଦ ସରିଛି ଓ ଜଳସମ୍ପଦ ବିଭାଗ ନିଦ୍ଦି ର୍ଷ୍ଟ ଅଭିଯୋଗ କଲେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ସେହିପରି ଅଭିଯୋଗ ଆସିଲେ ଜବରଦଖଲ ହଟାଯାଉଛି ବୋଲି ବାଲିପାଟଣା କେନାଲ ସବ୍-ଡିଭିଜନ୍ ସହକାରୀ ଯନ୍ତ୍ରୀ ଜଳନ୍ଧର ସାଠୁଆ ପ୍ରକାଶ କରିଛନ୍ତି । ତେବେ କେବଳ ଅଭିଯୋଗକୁ ଅପେକ୍ଷା ନକରି ସରକାର ଦୃଢ଼ ଓ ସ୍ଥାୟୀ କାର୍ଯ୍ୟାନୁଷ୍ଠାନ ନନେଲେ, ପଡ଼ୋଶୀ ନେପାଳ ଭଳି ପ୍ରଳୟଙ୍କରୀ ଜଳ ବିଭୀଷିକାର ସାମ୍ନା କରିବାକୁ ପଡ଼ ିବ ବୋଲି ବୁଦ୍ଧିଜୀବୀ ଓ ପରିବେଶବିତ୍ମାନେ ପ୍ରକାଶ କରିଛନ୍ତି ।