ତାଙ୍କ ଅଭିଯୋଗ ଥିଲା କି କୃଷ୍ଣନଗର ଲୋକସଭାରେ ତାଙ୍କୁ ବାରମ୍ବାର ବିଜେପିର କାର୍ଯ୍ୟକର୍ତ୍ତା ଏବଂ ସମର୍ଥକଙ୍କ ବିରୋଧ ଏବଂ ଆକ୍ରମଣର ସାମ୍ନା କରିବାକୁ ପଡ଼ୁଛି । ଏହି କାରଣରୁ ତାଙ୍କୁ ନିଜ ସଂସଦୀୟ କ୍ଷେତ୍ରରେ କାମ କରିବାରେ ଅନେକ ପ୍ରତିବନ୍ଧକ ଆସୁଛି । ଏହି ମାମମଲାର ଶୁଣାଣି କରି ଜଷ୍ଟିସ ସୌଗତ ଭଟ୍ଟାଚାର୍ଯ୍ୟଙ୍କ ସିଙ୍ଗଲ୍ ବେଞ୍ଚ କୃଷ୍ଣନଗର ଜିଲ୍ଲାର ଏସପିଙ୍କୁ ସାଂସଦଙ୍କ ସୁରକ୍ଷା ବଢାଇବାକୁ ନିର୍ଦ୍ଦେଶ ଦେଇଛନ୍ତି । କୋର୍ଟଙ୍କ ଆଦେଶ ଅନୁସାରେ ମହୁଆ ମୋଇତ୍ରଙ୍କୁ ଆଗାମୀ ୩୦ଦିନ ଭିତରେ ନିଜ ଲୋକସଭା କ୍ଷେତ୍ରର ଗସ୍ତ ସମୟରେ ଦୁଇ ଅତିରିକ୍ତ ପୋଲିସ କର୍ମୀଙ୍କ ନିୟୋଜିତ କରାଯିବ । ପ୍ରକାଶ ଯେ, ଅଦାଲତ ସାଂସଦଙ୍କ ଲାଗି ଏକ ସର୍ତ୍ତ ବି ରଖିଛନ୍ତି । ନିଜ ସଂସଦୀୟ କ୍ଷେତ୍ରରେ କୌଣସି ବି ଗସ୍ତରେ ଯିବା ପୂର୍ବରୁ ପ୍ରାୟ ୪୮ଘଣ୍ଟା ପୂର୍ବରୁ ମହୁଆ ମୈତ୍ରାଙ୍କୁ ଇମେଲ୍ ମାଧ୍ୟମରେ ଜିଲ୍ଲା ଏସପିଙ୍କୁ ଲିଖିତ ସୂଚନା ଦେବାକୁ ହେବ ।

ଆହୁରି ପଢନ୍ତୁ : ମହାରାଷ୍ଟ ସରକାରଙ୍କ ବଡ଼ ପଦକ୍ଷେପ, ରେଶରେ ବିଜୟୀ ମହିଳାଙ୍କୁ କରିବେ ସାହାଯ୍ୟ

କୋଲକାତା ହାଇକୋର୍ଟଙ୍କ ତରଫରୁ ଜାରି କରାଯାଇଥିବା ଅନ୍ତରୀଣ ଆଦେଶ ୧ ଅକ୍ଟୋବର ୨୦୨୬ପର୍ଯ୍ୟନ୍ତ ଲାଗୁ ରହିବ । ଅଦାଲତ ମାମଲାର ଆାଗାମୀ ଶୁଣାଣି ଲାଗି ୧ ଅକ୍ଟୋବରର ତାରିଖ ଧାର୍ଯ୍ୟ କରିଛନ୍ତି । ଏହାସହ ଏହି ବେଞ୍ଚ୍ ପୋଲିସ ପ୍ରଶାସନକୁ ଆଗାମୀ ଶୁଣାଣି ସମୟରେ କୋର୍ଟରେ ମହୁଆ ମୋଇତ୍ରଙ୍କ ସୁରକ୍ଷା ବ୍ୟବସ୍ଥା ଏବଂ ଉଠାଯାଇଥିବା ପଦକ୍ଷେପକୁ ନେଇ ରିପୋର୍ଟ ଦେବାକୁ ବି ନିର୍ଦ୍ଦେଶ ଦେଇଛନ୍ତି ।