ନୂଆଦିଲ୍ଲୀ,୨।୮: ଆମେରିକା ରାଷ୍ଟ୍ରପତି ଡୋନାଲ୍ହୋ ଟ୍ରମ୍ପ ୟୁକ୍ରେନ୍କୁ 'ପ୍ୟାଟ୍ରିୟଟ୍ ଇଣ୍ଟରସ୍ପେଟର ଟେକ୍ନୋଲୋଜି' ଦେବା ଓ ତାକୁ ନିଜେ ତିଆରି କରିବାର ଅନୁମତି ଦେବାକୁ ମନା କରିଦେଇଛନ୍ତି। ଟ୍ରମ୍ପ ୟୁକ୍ରେନ୍ ଉପରୁ ହାତ ଉଠାଇ ମାତ୍ରେ ଏପଟେ ରୁଷ କରିଛି ବଡ଼ ହମଲା। ୟୁକ୍ରେନ୍ ଉପରେ ରୁଷ ରାତିସାରା ୨୭ ବାଲାଷ୍ଟିକ୍ ମିସାଇଲ ମାଡ କରିଛି।
ବଦଳରେ ୟୁକ୍ରେନ୍ କେବଳ ଗୋଟିଏ ହିଁ ମିସାଇଲ ନଷ୍ଟ କରିପାରିଛି। ବାକି ୨୬ ମିସାଇଲ କିଭ୍ ସହିତ ବହୁ ସହରରେ ପ୍ରବଳ କ୍ଷୟକ୍ଷତି କରିଛି। ଆକ୍ରମଣରେ ୯ ଜଣଙ୍କର ମୃତ୍ୟୁ ହୋଇଥିବା ବେଳେ ୩୦ରୁ ଅଧିକ ଆହତ ହୋଇଛନ୍ତି। ଜବାବରେ ୟୁକ୍ରେନ୍ ମଧ୍ୟ କୃଷ୍ଣସାଗର (ବ୍ଲାକ ସି)ରେ ଏକ ବିଶାଳ କଣ୍ଟେନର ଜାହାଜକୁ ବୁଡାଇ ଦେଇଛି। ୟୁକ୍ରେନ୍ର ରାଷ୍ଟ୍ରପତି ଜେଲେନସ୍କି କହିଛନ୍ତି, ଦେଶ ପାଖରେ ଏବେ ପାଟ୍ରିୟଟ୍ ଇଣ୍ଟରସ୍ପେଟର ମିସାଇଲର ମଧ୍ୟ ପ୍ରବଳ ଅଭାବ ରହିଛି। ସେ କହିଛନ୍ତି, ଏହି କାରଣରୁ ରୁଷ ଲଗାତାର ବାଲାଷ୍ଟିକ୍ ମିସାଇଲ ଦ୍ବାରା ଆକ୍ରମଣ କରୁଛି। ଜେଲେନସ୍କି ପାଶ୍ଚାତ୍ୟ ଦେଶଙ୍କୁ ଅପିଲ କରିଛନ୍ତି, ପାଟ୍ରିୟଟ୍ ସିଷ୍ଟମ ଗୋଦାମରେ ରଖିବା ବଦଳରେ ଏବେ ୟୁକ୍ରେନ୍କୁ ଦିଆଯାଉ। କାରଣ ଇଣ୍ଟରସ୍ପେଟର ଲୋକଙ୍କ ଜୀବନ ବଞ୍ଚାଇ ପାରିବ।
କିଛି ସପ୍ତାହ ପୂର୍ବେ ନାଟୋ ସମ୍ମିଳନୀରେ, ଟ୍ରମ୍ପ୍ ସଙ୍କେତ ଦେଇଥିଲେ ଯେ ଆମେରିକା ୟୁକ୍ରେନକୁ ନିଜର ପାଟ୍ରିଅଟ୍ ଇଣ୍ଟରସେପ୍ଟର ବିକଶିତ କରିବାକୁ ଅନୁମତି ଦେଇପାରେ। ତଥାପି, କ୍ୟାମ୍ପ ଡେଭିଡରେ ହୋଇଥିବା ଏକ କ୍ୟାବିନେଟ୍ ବୈଠକରେ, ସେ କହିଥିଲେ ଏପରି ସମ୍ବେଦନଶୀଳ ଟେକ୍ନୋଳୋଜି ଯୋଗାଇବା ସହଜ ନୁହେଁ। ଆମେରିକାକୁ ଅତ୍ୟନ୍ତ ସତର୍କତା ଅବଲମ୍ବନ କରିବାକୁ ପଡିବ। ସେ ଏହା ମଧ୍ୟ କହିଥିଲେ ଯେ ଭବିଷ୍ୟତରେ ଏପରି ଟେକ୍ନୋଲୋଜିର ଅପବ୍ୟବହାର ହେବାର ଆଶଙ୍କାକୁ ସମ୍ପୂର୍ଣ୍ଣ ଅଣଦେଖା କରାଯାଇପାରିବ ନାହିଁ। ଏହି ନିଷ୍ପତ୍ତିର କିଛି ଘଣ୍ଟା ପରେ, ୟୁକ୍ରେନ ଉପରେ ରୁଷ ଏକ ବଡ଼ ଆକ୍ରମଣ ଆରମ୍ଭ କରିଥିଲା, ଯେଉଁଥିରେ ରାଜଧାନୀ କିଭ ସହିତ ସୁମି, ଖାରକିଭ ଏବଂ ପୋଲ୍ଟାଭାକୁ ଟାର୍ଗେଟ କରାଯାଇଥିଲା। ଆକ୍ରମଣରେ ୨୨ ବର୍ଷୀୟ ପୋଲିସ କର୍ମଚାରୀଙ୍କର ମଧ୍ୟ ମୃତ୍ୟୁ ହୋଇଥିଲା, ଯିଏକି ଲୋକଙ୍କୁ ବୁଞ୍ଚାଇବା ବେଳେ ଆଉ ଏକ ମିସାଇଲ ଆକ୍ରମଣର ଶିକାର ହୋଇଥିଲେ।
ଏହି ଆକ୍ରମଣର ସବୁଠାରୁ ଆଶ୍ଚର୍ଯ୍ୟଜନକ କଥା ଥିଲା ରୁଷ ଦ୍ୱାରା ଆକ୍ରମଣ କରାଯାଇଥିବା ୨୭ଟି ବାଲିଷ୍ଟିକ୍ କ୍ଷେପଣାସ୍ତ୍ର ମଧ୍ୟରୁ କେବଳ ଗୋଟିଏକୁ ୟୁକ୍ରେନ ନଷ୍ଟ କରିପାରିଥିଲା। ବାକି ପ୍ରାୟ ସମସ୍ତ କ୍ଷେପଣାସ୍ତ୍ର ସେମାନଙ୍କର ଲକ୍ଷ୍ୟସ୍ଥଳରେ ପହଞ୍ଚିଥିଲା। ଏହା ସ୍ପଷ୍ଟ ଭାବରେ ୟୁକ୍ରେନର ଏୟାର ଡିଫେନ୍ସ ସିଷ୍ଟମର ଦୁର୍ବଳତାକୁ ଦର୍ଶାଉଛି, ଏବଂ ପାଟ୍ରିଅଟ୍ ଇଣ୍ଟରସେପ୍ଟରର ଅଭାବ ସିଧାସଳଖ ଘାତକ ପ୍ରମାଣିତ ହେଉଛି।
ରୁଷର ଆକ୍ରମଣର କିଛି ଘଣ୍ଟା ପରେ, ୟୁକ୍ରେନ କୃଷ୍ଣ ସାଗରରେ ଏହାର ବଡ଼ ଧରଣର ଜବାବ୍ ଦେଇଛି। ଜେଲେନସ୍କି ଦାବି କରିଥିଲେ ଯେ ୟୁକ୍ରେନୀୟ ସୈନ୍ୟମାନେ ନିଷିଦ୍ଧ ରୁଷୀୟ କଣ୍ଟେନର ଜାହାଜ 'ୟାନିନା'କୁ ବୁଡ଼ାଇ ଦେଇଥିଲେ। ପ୍ରାୟ ୧ ଲକ୍ଷ ଟନ୍ କ୍ଷମତା ସହିତ, ଏହି ଜାହାଜକୁ ରୁଷର ସପ୍ଲାଇ ଚେନ୍ ଏବଂ ଯୁଦ୍ଧ କାର୍ଯ୍ୟ ପାଇଁ ଗୁରୁତ୍ୱପୂର୍ଣ୍ଣ ବୋଲି ମନେକରାଯାଉଥିଲା। ଜେଲେନସ୍କି କହିଥିଲେ, ୟୁକ୍ରେନ ବର୍ତ୍ତମାନ ରୁଷର ଯୁଦ୍ଧ ଯନ୍ତ୍ରକୁ ବଜାୟ ରଖୁଥିବା ସମସ୍ତ ଘାଟି ଏବଂ ସମ୍ବଳକୁ ଟାର୍ଗେଟ କରୁଛି। ଆକ୍ରମଣ ୟୁକ୍ରେନରେ ବିକଶିତ 'ମିଡିଲ ଷ୍ଟ୍ରାଇକ୍' ହତିଆରରୁ କରାଯାଇଥିଲା। କିଭ୍ ଇଣ୍ଡିପେଣ୍ଡେଣ୍ଟ ରିପୋର୍ଟ ଅନୁସାରେ, ରୁଷର ସରକାରୀ ପରମାରୁ କମ୍ପାନୀ ରୋସଟମ୍ ମଧ୍ୟ ସ୍ବୀକାର କରିଛି ଯେ, ଜାହାଜ କୃଷ୍ଣ ସାଗରରେ ଦୁଇ ୟୁକ୍ରେନୀୟ ନୌସୈନିକ ଡ୍ରୋନ୍ର ମାଡ଼ ପରେ ବୁଡି ଯାଇଛି। କମ୍ପାନୀ ଅନୁସାରେ,
କମ୍ପାନୀ ଅନୁଯାୟୀ, ଆକ୍ରମଣ ନୋଭୋରୋସିସ୍କ ବନ୍ଦରରୁ ପ୍ରାୟ ୧୩୦ ନଟିକାଲ୍ ମାଇଲ୍ ଦୂରରେ ଅନ୍ତର୍ଜାତୀୟ ଜଳସୀମାରେ ହୋଇଥିଲା। ରୁଷ ଦାବି କରିଛି ଯେ ଜାହାଜଟି କେବଳ ବେସାମରିକ ସାମଗ୍ରୀ, ଯେପରିକି ଫ୍ରିଜଡ୍ ଖାଦ୍ୟ ଏବଂ ନିର୍ମାଣ ସାମଗ୍ରୀ ନେଇଯାଉଥିଲା ଏବଂ ଏହି ଆକ୍ରମଣକୁ 'ସମୁଦ୍ର ଡକାୟତି' ବୋଲି କହିଛି। ଜାହାଜରେ ଥିବା ସମସ୍ତ ୧୭ ଜଣ କ୍ରୁ ସଦସ୍ୟଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି।
ଆହୁରି ପଢନ୍ତୁ : Ferry Accident : ୨୭୧ ଯାତ୍ରୀଙ୍କୁ ନେଇ ଯାଉଥିବା ଫେରୀରେ ଲାଗିଲା ନିଆଁ: ୫ ମୃତ, ୪୧ ନିଖୋଜ