ଗତ ୪୦ ଦିନ ଧରି ଲାଗି ରହିଥିବା ଯୁଦ୍ଧ ପରିସ୍ଥିତି ଯୋଗୁଁ ଯେଉଁ ତେଲ ଦର ଆକାଶଛୁଆଁ ହୋଇଥିଲା, ତାହା ଆଜି ଗୋଟିଏ ଦିନରେ ୧୪% ରୁ ୨୦% ପର୍ଯ୍ୟନ୍ତ ହ୍ରାସ ପାଇଛି ।

ଏହା ବି ପଢ଼ନ୍ତୁ... ଟ୍ରମ୍ପଙ୍କ ବଡ଼ ଚେତାବନୀ: ହୋର୍ମୁଜ ପ୍ରଣାଳୀରେ ନଜର ରଖିବ ଆମେରିକା, ସାମାନ୍ୟ ଭୁଲ୍ ହେଲେ ରକ୍ଷା ନାହିଁ !

ବ୍ରେଣ୍ଟ କ୍ରୁଡ୍: ପ୍ରାୟ ୧୭ ଡଲାର ହ୍ରାସ ପାଇ ବର୍ତ୍ତମାନ ବ୍ୟାରେଲ ପିଛା ୯୧.୮୮ ଡଲାରରେ ପହଞ୍ଚିଛି ।

WTI କ୍ରୁଡ୍: ଆମେରିକୀୟ କ୍ରୁଡ୍ ଦରରେ ପ୍ରାୟ ୨୧ ଡଲାରର ବଡ଼ ପତନ ଘଟିଛି, ଯାହା ବର୍ତ୍ତମାନ ୯୧.୦୫ ଡଲାରରେ କାରବାର କରୁଛି ।

ଭାରତୀୟ ସହରରେ ପେଟ୍ରୋଲ-ଡିଜେଲର ସ୍ଥିତି:

ଅନ୍ତର୍ଜାତୀୟ ବଜାରରେ ତେଲ ଦର କମିବା ପରେ ଲୋକଙ୍କ ମନରେ ପ୍ରଶ୍ନ ଉଠୁଛି କି ପେଟ୍ରୋଲ-ଡିଜେଲ ଶସ୍ତା ହେବ କି ? ବିଶେଷଜ୍ଞଙ୍କ ଅନୁଯାୟୀ, କ୍ରୁଡ୍ ଅଏଲ୍ ଫ୍ୟୁଚର୍ସରେ କିଣାଯାଉଥିବାରୁ ଏହାର ପ୍ରଭାବ ତୁରନ୍ତ ଖୁଚୁରା ବଜାରରେ ପଡ଼ି ନଥାଏ । ତଥାପି ସରକାରୀ ତୈଳ କମ୍ପାନୀଗୁଡ଼ିକ (IOC, HPCL, BPCL) ଆଜି ଦେଶର ଅନେକ ସହରରେ ଦରରେ ସାମାନ୍ୟ ପରିବର୍ତ୍ତନ କରିଛନ୍ତି ।

ଆଜିର ପ୍ରମୁଖ ସହରର ଦର:

ଉତ୍ତର ପ୍ରଦେଶର ଗାଜିଆବାଦରେ ପେଟ୍ରୋଲ ୨୯ ପଇସା ଶସ୍ତା ହୋଇ ୯୪.୪୧ ଟଙ୍କା ଏବଂ ଡିଜେଲ ୩୪ ପଇସା କମି ୮୭.୪୭ ଟଙ୍କା ହୋଇଛି । ସେହିପରି ହରିୟାଣାର ଗୁରୁଗ୍ରାମରେ ପେଟ୍ରୋଲ ୩୪ ପଇସା ହ୍ରାସ ପାଇ ୯୫.୫୧ ଟଙ୍କା ଓ ଡିଜେଲ ୮୭.୯୭ ଟଙ୍କାରେ ପହଞ୍ଚିଛି । ବିହାର ରାଜଧାନୀ ପାଟନାରେ ପେଟ୍ରୋଲ ୧୧ ପଇସା ଶସ୍ତା ହୋଇ ୧୦୫.୪୮ ଟଙ୍କା ଓ ଡିଜେଲ ୯୧.୭୨ ଟଙ୍କା ରହିଛି । ସୂଚନାଯୋଗ୍ୟ ଯେ, ଷ୍ଟେଟ୍ ଅଫ୍ ହୋର୍ମୁଜ ଦେଇ ବିଶ୍ୱର ପ୍ରାୟ ୨୦ ପ୍ରତିଶତ ତେଲ ପରିବହନ ହୋଇଥାଏ । ଯୁଦ୍ଧ ବିରତି ଫଳରେ ଏହି ପଥ ଏବେ ସୁରକ୍ଷିତ ହୋଇଛି, ଯାହା ଯୋଗାଣ ଚିନ୍ତାକୁ ଦୂର କରିଛି । ଯଦି ଆଗାମୀ ଦିନରେ ଏହି ଶାନ୍ତି ବଜାୟ ରହେ, ତେବେ ଖୁବ୍‌ଶୀଘ୍ର ଭାରତୀୟ ଗ୍ରାହକଙ୍କ ପାଇଁ ପେଟ୍ରୋଲ ଓ ଡିଜେଲ ଦରରେ ଆହୁରି ବଡ଼ ଆଶ୍ୱସ୍ତି ମିଳିପାରେ ।