ଡିଜିଟାଲ୍ ଠକେଇ ଏବଂ ସ୍କାମ୍‌କୁ ରୋକିବା ପାଇଁ ଆରବିଆଇ ୟୁପିଆଇ ପେମେଣ୍ଟ ପାଇଁ ଏକ ନୂଆ ସୁରକ୍ଷା ବ୍ୟବସ୍ଥା ଉପରେ ବିଚାର କରୁଛି ।

କ'ଣ ରହିଛି ନୂଆ ପ୍ରସ୍ତାବ ?

ବଢ଼ୁଥିବା ସାଇବର ଫ୍ରଡ୍‌କୁ ଆଖିଆଗରେ ରଖି ବ୍ୟାଙ୍କଗୁଡ଼ିକ ପକ୍ଷରୁ ଆରବିଆଇ ନିକଟରେ ଏକ ପ୍ରସ୍ତାବ ରଖାଯାଇଛି । ଏହା ଅଧୀନରେ ଟଙ୍କା ପଠାଇବା ପୂର୍ବରୁ ଗ୍ରାହକଙ୍କୁ "YES/NO" ର ଏକ ନୂଆ ବିକଳ୍ପ ମିଳିବ । ଆପଣ ସ୍କାନର କିମ୍ବା ନମ୍ବର ବାଛି ପିନ୍ କୋଡ୍ ଦେବା ପରେ, ସ୍କ୍ରିନ୍‌ରେ YES/NO ର ଅପସନ୍ ଆସିବ । YES କଲେ ଟ୍ରାନ୍ସଜାକ୍ସନ ତୁରନ୍ତ ପୂରଣ ହେବ । NO କଲେ ଟ୍ରାନ୍ସଜାକ୍ସନ ରଦ୍ଧ ହୋଇଯିବ । ଉତ୍ତର ନଦେଲେ ଯଦି ଆପଣ କୌଣସି ବିକଳ୍ପ ନ ବାଛନ୍ତି, ତେବେ ପେମେଣ୍ଟ ପ୍ରୋସେସ୍ ହେବାକୁ ପ୍ରାୟ ୧ ଘଣ୍ଟା ସମୟ ଲାଗିପାରେ ।

ଏହା ବି ପଢ଼ନ୍ତୁ... ​​​​​​​UPI Transactions Hit Record High in July ; UPIରେ ନୂଆ ରେକର୍ଡ, ୨୯.୮୮ ଲକ୍ଷ କୋଟିର ନେଣଦେଣ ସହ ରଚିଲା ଇତିହାସ

ସବୁ ଟ୍ରାନ୍ସଜାକ୍ସନ ପାଇଁ ଏହା ଲାଗୁ ହେବ କି ?

କହିରଖୁ କି, ଏହା ସମସ୍ତ ପେମେଣ୍ଟ ପାଇଁ ଲାଗୁ ହେବ ନାହିଁ । ପ୍ରତ୍ୟେକ ଟ୍ରାନ୍ସଜାକ୍ସନରେ ଏହି ନିୟମ ଲଗାଇଲେ ଅନଲାଇନ କାରବାରର ଗତି ଧୀମା ହୋଇଯିବାର ଆଶଙ୍କା ରହିଛି । ବ୍ୟାଙ୍କଗୁଡ଼ିକ କେବଳ ଅସାମାନ୍ୟ କିମ୍ବା ସନ୍ଦେହଜନକ କାରବାର ଉପରେ ଏହି ଅତିରିକ୍ତ ସୁରକ୍ଷା ସ୍ତର ଯୋଡ଼ିବାକୁ ପ୍ରସ୍ତାବ ଦେଇଛନ୍ତି । ବିଳମ୍ବିତ ରାତିରେ ହଠାତ୍ କୌଣସି ବଡ଼ ପରିମାଣର ଟଙ୍କା ପଠାଇଲେ । ପ୍ରଥମ ଥର ପାଇଁ କୌଣସି ନୂଆ ୟୁପିଆଇ ଆଇଡିକୁ ଟଙ୍କା ପଠାଉଥିଲେ । ୧୦,୦୦୦ ଟଙ୍କା କିମ୍ବା ତା'ଠାରୁ ଅଧିକ ପରିମାଣର କାରବାର କଲେ ଆପଣଙ୍କୁ YES/NO ବିକଳ୍ପ ବାଛିବାକୁ ପଡ଼ିବ ।

ଏହି ନୂଆ ବିକଳ୍ପରୁ କ'ଣ ଫାଇଦା ମିଳିବ ?

ସାଇବର ଠକମାନଙ୍କ କବଳରୁ ସାଧାରଣ ଲୋକଙ୍କ ଟଙ୍କା ସୁରକ୍ଷିତ ରହିପାରିବ । ଯଦି ଭୁଲ୍‌ରେ କୌଣସି ପେମେଣ୍ଟ ହୋଇଯାଉଥାଏ, ତେବେ ତାହାକୁ ଅଟକାଇବା ପାଇଁ ଗ୍ରାହକଙ୍କ ପାଖରେ ୧ ଘଣ୍ଟାର ପର୍ଯ୍ୟାପ୍ତ ସମୟ ରହିବ । ବଡ଼ ପରିମାଣର ଆର୍ଥିକ କାରବାର କରିବା ପୂର୍ବରୁ ଗ୍ରାହକଙ୍କୁ ପୁଣି ଥରେ ଯାଞ୍ଚ କରିବାର ସୁଯୋଗ ମିଳିବ । ବର୍ତ୍ତମାନ ଏହା କେବଳ ବ୍ୟାଙ୍କଗୁଡ଼ିକ ପକ୍ଷରୁ ଆରବିଆଇ ନିକଟରେ ରଖାଯାଇଥିବା ଏକ ପ୍ରସ୍ତାବ । ଆରବିଆଇ ପକ୍ଷରୁ ଏପର୍ଯ୍ୟନ୍ତ କୌଣସି ଚୂଡ଼ାନ୍ତ ନିର୍ଦ୍ଦେଶନାମା କିମ୍ବା ନିୟମ ଜାରି କରାଯାଇନାହିଁ ।