ନୂଆଦିଲ୍ଲୀ : ଭୋଟର ତାଲିକାରେ ସଂଶୋଧନ ଯଥା SIR ପ୍ରକ୍ରିୟାରେ ସଂଶୋଧନ ପରେ ଡ୍ରାଫ୍ଟ ତାଲିକାରୁ କୋଟି କୋଟି ଭୋଟରଙ୍କ ନାମ କଟାଯିବାକୁ ନେଇ କଂଗ୍ରେସ ଏକ ମୋର୍ଚ୍ଚା ଖୋଲିଛି। ମହାରାଷ୍ଟ୍ର, ଦିଲ୍ଲୀ ଏବଂ ପଶ୍ଚିମବଙ୍ଗ ଭଳି ରାଜ୍ୟର ଆକଳନକୁ ଆଗକୁ ବଢାଇ କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ ନିର୍ବାଚନ ଆୟୋଗର ଭୂମିକା ଉପରେ ପ୍ରଶ୍ନ ଉଠାଇଛନ୍ତି ଏବଂ ସିଧାସଳଖ କେନ୍ଦ୍ର ସରକାରଙ୍କୁ 'ଭୋଟ୍ ଚୋରି' ଏବଂ ଗଣତନ୍ତ୍ରକୁ ଦୁର୍ବଳ କରୁଥିବା ଅଭିଯୋଗ କରିଛନ୍ତି।
ମଲ୍ଲିକାର୍ଜୁନ ଖାର୍ଗେ ଅଭିଯୋଗ କରିଛନ୍ତି ଯେ,ଯେଉଁଠାରେ ବିଜେପି ଲାଭ ଦେଖେ, ସେଠାରେ ନୂତନ ଭୋଟର ଯୋଡି ହୁଅନ୍ତି ଏବଂ ଯେଉଁଠାରେ କ୍ଷତି ହେବାର ସମ୍ଭାବନା ଥାଏ, ସେଠାରେ ନାମ କଟାଯାଇଥାଏ । ସେ ନିର୍ବାଚନ ଆୟୋଗର ନିରପେକ୍ଷତା ଉପରେ ପ୍ରଶ୍ନ ଉଠାଇ କହିଛନ୍ତି ଯେ, ନିରପେକ୍ଷ ନିର୍ବାଚନର ଜଗିବା ପରିବର୍ତ୍ତେ ଏହା ଏକ "ବିଜେପି ଚେୟାର-ସେଭିଂ କମିଶନ" ଭଳି କାର୍ଯ୍ୟ କରୁଛି। କଂଗ୍ରେସ ସଭାପତି ରାଜ୍ୟ ଗୁଡ଼ିକର ଆକଳନ ଉପସ୍ଥାପନ କରିବା ବେଳେ କିଛି ପ୍ରଶ୍ନ ଉଠାଇଛନ୍ତି।
- ଲୋକସଭା ଏବଂ ବିଧାନସଭା ନିର୍ବାଚନ ମଧ୍ୟରେ ମହାରାଷ୍ଟ୍ରରେ ହଠାତ୍ ୩୯ ଲକ୍ଷ ଭୋଟରଙ୍କ ବୃଦ୍ଧି ଘଟିଥିଲା। ବର୍ତ୍ତମାନ SIR ରେ ୨.୦୭ କୋଟି ଭୋଟର ଡ୍ରାଫ୍ଟ ତାଲିକାରୁ ବାହାରେ ଅଛନ୍ତି।
- ବେଙ୍ଗଲରେ, SIR ରୁ କଟିଥିବା ନାମ ଗୁଡିକର ୯୧% ଆବେଦନ ପରେ ପୁନର୍ବାର ଯୋଡିବାକୁ ପଡିଲା । ପ୍ରଶ୍ନ ହେଉଛି ବିଜେପି ଜିତିବା ପାଇଁ ନିର୍ବାଚନ ସମୟରେ ଏହି ଭୋଟରଙ୍କୁ ହଟାଇ ଦିଆଯାଇଥିଲା କି ?
-ଏବେ ଏହି ସମାନ ଖେଳ ଦିଲ୍ଲୀରେ ପୁନରାବୃତ୍ତି ହେଉଛି । ବିଧାନସଭା ନିର୍ବାଚନ ପୂର୍ବରୁ ଭୋଟରଙ୍କୁ ବୃଦ୍ଧି କରାଯାଇଥିଲା, ତା'ପରେ ଡ୍ରାଫ୍ଟ ତାଲିକାରୁ ୪୭.୫୬ ଲକ୍ଷ ଭୋଟରଙ୍କ ନାମ ହଜିଯାଇଛି ଏବଂ ଅନ୍ୟ ୩୩ ଲକ୍ଷ ଭୋଟରଙ୍କୁ ନୋଟିସ ପଠାଇବାକୁ ପ୍ରସ୍ତୁତି ଚାଲିଛି।
-ତେଲେଙ୍ଗାନା ଏବଂ କର୍ଣ୍ଣାଟକରେ କଂଗ୍ରେସ କର୍ମୀମାନେ ପ୍ରତିଦିନ ସମାନ କୌଶଳର ସମ୍ମୁଖୀନ ହେଉଛନ୍ତି।
ଗଣତନ୍ତ୍ରକୁ ଦୁର୍ବଳ କରିବାକୁ ଷଡଯନ୍ତ୍ର...
କଂଗ୍ରେସ ସଭାପତି ଖାର୍ଗେ ତାଙ୍କ ପୋଷ୍ଟର ଶେଷରେ ଲେଖିଛନ୍ତି ଯେ ଦେଶ ବର୍ତ୍ତମାନ ଭୋଟ୍ ଚୋରି ବିରୋଧରେ ଏକଜୁଟ ହୋଇଛି, ଦେଶ ବିଜେପିର ଷଡଯନ୍ତ୍ରକୁ ବୁଝିଛି, ଚୋର ଧରାପଡିଛି ଏବଂ ଗଣତନ୍ତ୍ରକୁ ବନ୍ଦୀ କରି ରଖିଥିବାରୁ ତାଙ୍କୁ ନିଶ୍ଚିତ ଦଣ୍ଡ ଦିଆଯିବ।