ନୂଆଦିଲ୍ଲୀ: ଇ-କମର୍ସ ପ୍ଲାଟଫର୍ମ ଆମାଜନ୍ ଓ ଫ୍ଲିପକାର୍ଟ ମାଧ୍ୟମରେ ସପିଂ କରୁଥିଲେ ସାବଧାନ। ନଚେତ୍ ଜିନିଷ ତ ମିଳିବନି ଓଲଟା ପଇସା ବି ହାତରୁ ଯିବ। ଗ୍ରାହକ ଏବଂ କମ୍ପାନୀଗୁଡ଼ିକୁ ଚୂନ ଲଗାଉଥିବା ଏକ ବଡ଼ ଗ୍ୟାଙ୍ଗ୍ର ପର୍ଦ୍ଦାଫାଶ ହୋଇଛି। ନୋଏଡ଼ା ପୋଲିସ ଓ ସ୍ପେଶାଲ ଅପରେସନ୍ ଗ୍ରୁପ(ଏସଓଜି)ର ମିଳିତ ଟିମ୍ ଚଢ଼ଉ କରି ଏହି ମାମଲାରେ ୫ ଜଣ ଠକଙ୍କୁ ଗିରଫ କରିଛି।ତା’ ବଦଳରେ ପ୍ୟାକେଟ୍ ଭିତରେ ଶସ୍ତା ଜିନିଷ କିମ୍ବା ରଦ୍ଦି ସାମଗ୍ରୀ ଭରି ପୂର୍ବପରି ଅବିକଳ ସିଲ୍ କରି ଦେଉଥିଲେ। ବିଜେପି ହାତରୁ ଗଲା ବାଙ୍କୀପୁର, ଜାଣନ୍ତୁ ଜନସୁରାଜ ବିଜୟର ୫ କାରଣ ୭୫ ଲକ୍ଷର ସାମଗ୍ରୀ ଜବତ ଗିରଫ ଅଭିଯୁକ୍ତଙ୍କଠାରୁ ବିପୁଳ ପରିମାଣର ପ୍ରୋଟିନ୍ ସପ୍ଲିମେଣ୍ଟ, ଦାମୀ ଜୁତା, ବ୍ରାଣ୍ଡେଡ୍ ପୋଷାକ, ଇଲେକ୍ଟ୍ରୋନିକ୍ସ ଗ୍ୟାଜେଟ୍, ସ୍ମାର୍ଟ ୱାଚ୍, ୱାୟାରଲେସ୍ ଡିଭାଇସ୍, କାନ ଯନ୍ତ୍ର ଓ ବିପି ମାପିବା ମେସିନ୍ ଜବତ ହୋଇଛି। ଏହାସହ ଅନଲାଇନ୍ କମ୍ପାନୀଗୁଡ଼ିକର ନକଲି ଟ୍ୟାଗ୍ ଓ ପ୍ୟାକିଂ ସାମଗ୍ରୀ ମଧ୍ୟ ଜବତ କରାଯାଇଛି। ଚୋରି ହୋଇଥିବା ଏହି ଦାମୀ ସାମଗ୍ରୀଗୁଡ଼ିକୁ ସେମାନେ କଳାବଜାରୀରେ ଶସ୍ତା ଦାମ୍ରେ ବିକ୍ରି କରୁଥିଲେ।
ଦୁଇ ଅଭିଯୁକ୍ତ ଫରାର୍, ପୋଲିସର ତଦନ୍ତ ଜାରି ନୋଏଡ଼ା ସେକ୍ଟର-୨୦ ଥାନାରେ ଏନେଇ ଏକ ମାମଲା ରୁଜୁ ହୋଇଛି। ଏହି ଗ୍ୟାଙ୍ଗର ଅନ୍ୟ ଦୁଇ ସଦସ୍ୟ ଭୂପେନ୍ଦ୍ର ଏବଂ ଅସଲମ୍ ଓରଫ୍ ରାଜୁ ଖାନ୍ ବର୍ତ୍ତମାନ ଫରାର ଅଛନ୍ତି। ସେମାନଙ୍କୁ ଗିରଫ କରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି। ଇ-କମର୍ସ ସେକ୍ଟରରେ ଏଭଳି ବଡ଼ ଧରଣର ଠକେଇ ପରେ କମ୍ପାନୀଗୁଡ଼ିକ ନିଜର ଡେଲିଭରୀ ସୁରକ୍ଷା ବ୍ୟବସ୍ଥାକୁ ନେଇ ଅଧିକ ସତର୍କ ହୋଇଛନ୍ତି।