ମୁମ୍ବାଇ : ବଲିଉଡ ବକ୍ସ ଅଫିସ୍ ଲଢ଼େଇ ଏବେ ଆହୁରି ରୋମାଞ୍ଚକର ହୋଇଯାଇଛି। ସୋମବାରର ବକ୍ସଅଫିସ କଲେକ୍ସନ୍ ରିପୋର୍ଟ ଆସିବା ପରେ ଅନେକ ଫିଲ୍ମର କଲେକ୍ସନରେ ବଡ଼ ପରିବର୍ତ୍ତନ ଦେଖାଯାଇଛି । ନିକଟରେ ସିନେମା ହଲରେ ରିଲିଜ ହୋଇଛି 'ହନୁମାନ ଅଂଶ' । ଗୋଟିଏ ପଟେ 'ହନୁମାନ ଅଂଶ' ସୋମବାର ଦିନ ଦମଦାର ପ୍ରଦର୍ଶନ କରି ବାଜି ପଲଟାଇଛି, ଅନ୍ୟପଟେ 'ଟକ୍ସିକ୍'ର ବକ୍ସ ଅଫିସ୍ ଖେଳ କିଛିଟା ବିଗିଡ଼ିଥିବା ଦେଖାଯାଇଛି।ସେହିପରି 'ଆୱାରାପନ 2' ମଧ୍ୟ ନିଜର କଲେକ୍ସନ୍ ଯାତ୍ରା ଜାରି ରଖିଛି। ଫିଲ୍ମଟି ପୁରୁଣା ଫ୍ରାଞ୍ଚାଇଜିର ଲୋକପ୍ରିୟତାର ଫାଇଦା ପାଉଛି କି ନାହିଁ, ତାହା ଆଗାମୀ ଦିନର କଲେକ୍ସନ୍ ରିପୋର୍ଟରୁ ସ୍ପଷ୍ଟ ହେବ। ଏପଟେ 'ଇରୁମୁଡି' ମଧ୍ୟ ବକ୍ସ ଅଫିସ୍ ରେସରେ ନିଜର ଉପସ୍ଥିତି ଜାହିର କରିଛି। ଭିନ୍ନ ଭିନ୍ନ ଭାଷା ଏବଂ ଅଞ୍ଚଳର ଦର୍ଶକଙ୍କ ପସନ୍ଦ ଏହି ଫିଲ୍ମଗୁଡ଼ିକର କଲେକ୍ସନ୍ ଉପରେ ସିଧାସଳଖ ପ୍ରଭାବ ପକାଉଛି।
Also Read : ପୁଣି ଫେରିବ 'ଘାତକ'ର ଆକ୍ସନ୍ ଅବତାର ! ସନିଙ୍କ ପୁରୁଣା ଅବତାରରେ ଦର୍ଶକ ଦେଖିବେ ନୂଆ ଅନ୍ଦାଜ... ତେବେ ସୋମବାରର ବକ୍ସ ଅଫିସ୍ ରିପୋର୍ଟ ଗୋଟିଏ କଥା ସ୍ପଷ୍ଟ କରିଦେଇଛି ସିନେମାର ସଫଳତା କେବଳ ବଡ଼ ବଜେଟ୍ କିମ୍ବା ଷ୍ଟାରକାଷ୍ଟ ଉପରେ ନିର୍ଭର କରେନାହିଁ। ଦର୍ଶକଙ୍କ ପସନ୍ଦ ଏବଂ ଫିଲ୍ମର କାହାଣୀ ହିଁ ଶେଷରେ ବକ୍ସ ଅଫିସର ଖେଳକୁ ପଲଟାଇ ଦେଇଥାଏ। ଆଗାମୀ ଦିନରେ 'ହନୁମାନ ଅଂଶ', 'ଟକ୍ସିକ୍', 'ଆୱାରାପନ 2' ଏବଂ 'ଇରୁମୁଡି' ମଧ୍ୟରୁ କେଉଁ ଫିଲ୍ମ ବକ୍ସ ଅଫିସ ରେସରେ ଆଗକୁ ବଢିବ ଏବଂ କାହାର ଖେଳ ବିଗିଡିବ ତାହା ଦେଖିବା ଏବେ ଖୁବ ରୋମାଞ୍ଚକର ହେବ।