ନୂଆଦିଲ୍ଲୀ: କୋଭିଡ୍-୧୯ ଭୂତାଣୁର ଏକ ଅତ୍ୟନ୍ତ ପରିବର୍ତ୍ତିତ ପ୍ରକାର ଏବେ ପିଲାଙ୍କୁ ପ୍ରଭାବିତ କରୁଛି । ତେବେ ବୈଜ୍ଞାନିକମାନେ କହୁଛନ୍ତି, ଏହା ପିଲା କିମ୍ବା ବୟସ୍କଙ୍କ ମଧ୍ୟରେ ଅଧିକ ଗମ୍ଭୀର ରୋଗର କାରଣ ହେଉନାହିଁ । ବିଶେଷଜ୍ଞ କହୁଛନ୍ତି, କୋଭିଡ୍ ଭୂତାଣୁ ଯେଉଁଭଳି ଭାବେ ମୁଖ୍ୟତଃ ବୟସ୍କ ବ୍ୟକ୍ତିଙ୍କ ପାଇଁ ଆକ୍ରାମକ ଥିଲା, ତାହା ଏବେ ନିଜର ଧାରାକୁ ଭାଙ୍ଗିଛି ।ଏହାକୁ ‘ସିକାଡା’ ଭାବେ ନାମିତ କରାଯାଇଛି । Also Read...Mojtaba Khamenei unconscious: ଚେତାଶୂନ୍ୟ ହୋଇ ହସ୍ପିଟାଲ୍ରେ ଚିକିତ୍ସିତ ହେଉଛନ୍ତି ମୋଜତବା ଖାମେନୀ: କିଏ ଚଳାଉଛି ଦେଶ? ଦୀର୍ଘ ବର୍ଷ ଧରି ମାଟିତଳେ ଉଭାନ୍ ହେବା ପରେ ପୁନଃ ଦୃଶ୍ୟମାନ ହେଉଥିବା କୀଟର ସାମର୍ଥ୍ୟକୁ ଲକ୍ଷ୍ୟ କରି ଭୂତାଣୁକୁ ଏହି ନାମ ଦିଆଯାଇଛି ।ୟୁଏସ୍ ସେଣ୍ଟର୍ସ ଫର୍ ଡିଜିଜ୍ କଣ୍ଟ୍ରୋଲ ଆଣ୍ଡ ପ୍ରିଭେନ୍ସନ ଅନୁସାରେ, ୨୩ ଦେଶରେ ଏହି ଭୂତାଣୁର ପ୍ରକାର ଚିହ୍ନଟ ହୋଇଛି । ଆମେରିକାର ୨୫ଟି ରାଜ୍ୟର ବର୍ଜ୍ୟଜଳରେ ମଧ୍ୟ ମିଳିଛି ।
ଆମେରିକାରେ ଏହା ନିମ୍ନ ହାରରେ ବ୍ୟାପୁଥିବା ମନେହେଉଛି । କୋଭିଡ୍ ମହାମାରୀ ସମୟ ଭଳି ପରୀକ୍ଷଣ ହାର ଧିମା ହୋଇଥିବାରୁ ଏହାର ଭୟାବହତା ଜଣାପଡୁନାହିଁ । ଏହା ତା’ଠୁଅଧିକ ହାରରେ ବ୍ୟାପୁଥାଇପାରେ । ବର୍ତ୍ତମାନ ଉପଲବ୍ଧ ଟିକା କିଛି ମାତ୍ରାରେ ସୁରକ୍ଷା ପ୍ରଦାନ କରୁଛି । ବୈଜ୍ଞାନିକଙ୍କ ଅନୁସାରେ, ନୂଆ ଭୂତାଣୁ ପ୍ରକାର ଯେତିକି ସମସ୍ୟା ଉତ୍ପନ୍ନ କରୁଛି, ସେହି ହାରରେ ଏହା ବିରୋଧରେ ଶକ୍ତିଶାଳୀ ଟିକାର ବିକାଶ ଆବ ଆବଶ୍ୟକ କି ନାହିଁ ତାହା ସ୍ପଷ୍ଟ ହୋଇନାହିଁ ।