ନୂଆଦିଲ୍ଲୀ, ୨୬।୦୭ : କାନାଡ଼ାରେ ଅନୁଷ୍ଠିତ ବିଶ୍ୱ ଜୁନିୟର ସ୍କ୍ୱାଶ୍ ଚାମ୍ପିଅନସିପରେ ଭାରତର ଅନାହତ ସିଂହ ଚାମ୍ପିଅନ ଆଖ୍ୟା ଅର୍ଜନ କରି ଇତିହାସ ରଚିଛନ୍ତି। ସେ ଫାଇନାଲରେ ଇଜିପ୍ଟର ରୁକାୟା ସାଲେମଙ୍କୁ ୧୧-୩, ୧୧-୭, ୧୧-୯ ସେଟରେ ପରାସ୍ତ କରିଥିଲେ। ଭାରତର ପ୍ରଥମ ଖେଳାଳି ଭାବେ ସେ ଜୁନିୟର ବିଶ୍ୱ ଚାମ୍ପିଅନ ଆଖ୍ୟା ଅର୍ଜନ କରିଛନ୍ତି।ସେ ପ୍ରଥମ ରାଉଣ୍ଡରେ ଅଷ୍ଟ୍ରେଲିଆର ଲିଲି ୱିଲସନଙ୍କୁ ୩-୦ରେ ପରାସ୍ତ କରିଥିଲେ। ଏହାପରେ ସେ ହଂକଂର ପୁଇ ୟିନ ଚୋଲେ ଓ ମାଲେସିଆର ଡୋୟେସ ୟେ ସାନ ଲିଙ୍କୁ ହରାଇ କ୍ୱାର୍ଟର ଫାଇନାଲ୍ରେ ପ୍ରବେଶ କରିଥିଲେ। କ୍ୱାର୍ଟର ଫାଇନାଲରୁ ଫାଇନାଲ୍ ପର୍ଯ୍ୟନ୍ତ ସେ ୩ଜଣ ଇଜିପ୍ଟ ଖେଳାଳିଙ୍କୁ ସାମ୍ନା କରିଥିଲେ। କ୍ୱାର୍ଟରରେ ହବିବା ରିଜକଙ୍କୁ ସେ ୩-୧ରେ ପରାସ୍ତ କରିଥିଲେ।