ଶ୍ରୀନଗର: କାଶ୍ମୀରରେ ପହଲଗାମ ଭଳି ହମଲା। ଆସିଲେ, ପରିଚୟ ପଚାରିଲେ। ବନ୍ଧୁକ ଗୁଳିରେ ମାରିଲେ। ଆତଙ୍କବାଦୀମାନେ ଦକ୍ଷିଣ କାଶ୍ମୀରର କୁଲଗାମ ଜିଲ୍ଲାରେ ଏକ ଇଟା ଭାଟିରେ କାମ କରୁଥିବା ଛତିଶଗଡ଼ର ଦୁଇଜଣ ଶ୍ରମିକଙ୍କୁ ଗୁଳି କରି ହତ୍ୟା କରିଛନ୍ତି। ଏହି ଆକ୍ରମଣରେ ଉଭୟ ଶ୍ରମିକଙ୍କ ମୃତ୍ୟୁ ଘଟିଛି। ସୁରକ୍ଷା ବାହିନୀ ଆଖପାଖ ଅଞ୍ଚଳକୁ ଘେରାବନ୍ଦୀ କରିଛନ୍ତି।ସେମାନେ ନିକଟରୁ ଗୁଳି ଚଳାଇବା ପୂର୍ବରୁ ଦୁଇ ଶ୍ରମିକଙ୍କୁ ସେମାନଙ୍କ ନାମ ପଚାରିଥିବା ଜଣାପଡ଼ିଛି। ଉଭୟ ଶ୍ରମିକ ନିକଟରେ ଏକ ଭଡା ଘରେ ରହୁଥିଲେ। ଗୁଳି ମାରିବା ପରେ ଉଭୟ ତଳେ ପଡ଼ିଗଲେ, ଏବଂ ଆତଙ୍କବାଦୀମାନେ ସେମାନଙ୍କୁ ମୃତ ଭାବି ଚାଲିଯାଇଥିଲେ। ଆତଙ୍କବାଦୀମାନେ ଚାଲିଯିବା ପରେ, ସ୍ଥାନୀୟ ଲୋକଙ୍କ ସହାୟତାରେ ସହକର୍ମୀମାନେ ରକ୍ତ ଜୁଡୁବୁଡୁ ଶ୍ରମିକମାନଙ୍କୁ ଅନନ୍ତନାଗର ସରକାରୀ ମେଡିକାଲ କଲେଜରେ ଭର୍ତ୍ତି କରିଥିଲେ।
ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ଉଭୟ ମୃତକ ଛତିଶଗଡ଼ର ବୋଲି ଜଣାପଡ଼ିଛି। ପ୍ରଧାନମନ୍ତ୍ରୀଙ୍କୁ ହାତ ଯୋଡ଼ି କ୍ଷମା ମାଗିଲେ ରୁଚିକା, ମୋଦୀ କହିଲେ- ଭୁଲ୍ରୁ ଶିଖିବାର ସୁଯୋଗ ମିଳୁ ବିଳମ୍ବିତ ରାତିରେ, ଜଣକଙ୍କୁ ଉତ୍ତମ ଚିକିତ୍ସା ପାଇଁ ଶ୍ରୀନଗରର SKIMSକୁ ପଠାଯାଇଥିଲା। ଦୀପକଙ୍କ ଛାତିରେ ଗୁଳି ବାଜିଥିଲା।
ଭୂପେନ୍ଦ୍ରଙ୍କ ପେଟରେ ଗୁଳି ବାଜିଥିଲା। ଏହା ନଅ ଦିନ ମଧ୍ୟରେ କାଶ୍ମୀରରେ ଦ୍ୱିତୀୟ ଆକ୍ରମଣ। ପୂର୍ବରୁ ଜୁଲାଇ ୨୨ରେ, ଆତଙ୍କବାଦୀମାନେ ଅନନ୍ତନାଗର ଲାଲ ଚୌକ୍ ଅଞ୍ଚଳରେ ଶ୍ରୀ ଅମରନାଥ ଯାତ୍ରା ଡ୍ୟୁଟିରେ ନିୟୋଜିତ ଜଣେ ପୋଲିସ ଅଧିକାରୀଙ୍କୁ ଗୁଳି କରି ହତ୍ୟା କରିଥିଲେ। ଅନ୍ୟପକ୍ଷରେ, ଗତବର୍ଷ ଏପ୍ରିଲ ୨୨ରେ ପହଲଗାମ ଆକ୍ରମଣ ପରେ ଏହା ଚଳିତ ବର୍ଷ ଦ୍ୱିତୀୟ ବଡ଼ ଆକ୍ରମଣ।