ନୂଆଦିଲ୍ଲୀ: ନେପାଳରେ ଆସିଥିବା ଜଳ ପ୍ରଳୟରେ ଶହ ଶହ ଲୋକ ପ୍ରାଣ ହରାଇଛନ୍ତି। ଏବେବି ହଜାର ହଜାର ଲୋକ ଫସିଥିବା ଆଶଙ୍କା କରାଯାଉଛି। ହେଲେ ଏହି ବିପଦ ସମୟରେ ବି ସୁଯୋଗ ଖୋଜୁଛନ୍ତି ଲୋକେ। ନେପାଳରେ ହୋଇଥିବା ପ୍ରଳୟଙ୍କରୀ ବନ୍ୟା ଏବେ ବିହାରର ଗଣ୍ଡକ ନଦୀ କୂଳରେ ରହୁଥିବା ଲୋକଙ୍କ ପାଇଁ ରୋଜଗାରର ମାଧ୍ୟମ ପାଲଟିଛି। ବଡ଼ କଥା ହେଲା ନିଜ ଜୀବନକୁ ବାଜି ଲଗାଇ ସ୍ଥାନୀୟ ବାସିନ୍ଦା ଉଛୁଳା ନଦୀ ଗର୍ଭରେ ପଶୁଛନ୍ତି।ଏହି ସାମଗ୍ରୀଗୁଡ଼ିକୁ ଲୋକେ ନିଜ ଘରୋଇ ବ୍ୟବହାରରେ ଲଗାଉଛନ୍ତି କିମ୍ବା ବଜାରରେ ବିକ୍ରି କରି ଦେଉଛନ୍ତି। ତିବ୍ଦତ ସୀମାରେ ଅଟକି ରହିଛନ୍ତି DRDOର ପୂର୍ବତନ ମୁଖ୍ୟ ସତୀଶ ରେଡ୍ଡୀ ଓ ତାଙ୍କ ପତ୍ନୀ, ସାଙ୍ଗରେ ଥିବା ୩୧ ଯାତ୍ରୀ ମଧ୍ୟ ସୁରକ୍ଷିତ ଅବଶ୍ୟ ଏଭଳି ଦୁଃସାହସିକ କାର୍ଯ୍ୟ ଯୋଗୁ କୌଣସି ବଡ଼ ଦୁର୍ଘଟଣା ଘଟିବାର ଆଶଙ୍କା ଦେଖାଦେଇଛି। ଏଥିପାଇଁ ସତର୍କତା ଦୃଷ୍ଟିରୁ ସ୍ଥାନୀୟ ଏସଡିଏମ ଚାନ୍ଦନୀ କୁମାରୀ ଜନସାଧାରଣଙ୍କୁ ନଦୀ କୂଳକୁ ନଯିବା ପାଇଁ ସତର୍କ କରାଇ ଦେଇଛନ୍ତି। ବିନା କାରଣରେ ନଦୀକୁ ଓହ୍ଲାଉଥିବା ଲୋକଙ୍କୁ ଚିହ୍ନଟ କରାଯିବ ବୋଲି ସେ କହିଛନ୍ତି। ବର୍ତ୍ତମାନ ନଦୀର ଜଳସ୍ତର ସ୍ୱାଭାବିକ ଥିଲେ ମଧ୍ୟ ସୁରକ୍ଷା ଦୃଷ୍ଟିରୁ ପୋଲିସ ଓ ପ୍ରଶାସନିକ ଟିମ୍ ସମ୍ପୂର୍ଣ୍ଣ ଆଲର୍ଟ ଅଛନ୍ତି ଏବଂ ଲୋକଙ୍କୁ ବାରଣ କରାଯାଉଛି। ନିୟମ ଉଲ୍ଲଂଘନ କଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରଶାସନ ସ୍ପଷ୍ଟ କରିଛି।