ପୁରୀ ୩୧।୦୫ : ଓଡ଼ିଶା ପୋଲିସର ପୁଣି ଏନକାଉଣ୍ଟର । ବ୍ରହ୍ମପୁର, ଭୁବନେଶ୍ୱର, ଝାରସୁଗୁଡ଼ା ପରେ ଏବେ ପୁରୀରେ ପୋଲିସର ଏନକାଉଣ୍ଟର । ଦୁର୍ଦ୍ଦାନ୍ତ ଅପରାଧୀଙ୍କୁ ଏନକାଉଣ୍ଟର। ଶନିବାର ରାତିରେ ଅପରାଧୀ ଚନ୍ଦନ ଜେନାଙ୍କୁ ପୋଲିସ ଏନକାଉଣ୍ଟର କରିଛି। ଚନ୍ଦନର ଡାହାଣ ଗୋଡରେ ବାଜିଛି ଗୁଳି। ତାଙ୍କୁ ତୁରନ୍ତ ଉଦ୍ଧାର କରି ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ପୋଲିସ ଭର୍ତ୍ତି କରିଛି।ଚନ୍ଦନ ଗୋଡରେ ଗୁଳି ବାଜିଥିବା ବେଳେ ପୋଲିସ ହେପାଜତରେ ପୁରୀ ମୁଖ୍ୟ ଡାକ୍ତରଖାନାରେ ଚିକିତ୍ସା କରାଯାଉଛି। ଚନ୍ଦନ ଜେନାଙ୍କ ଘର କୋଣାର୍କ ଥାନା ଅଧୀନ ହାଟଦଣ୍ଡା ଅଞ୍ଚଳରେ। ଚନ୍ଦନ ନାଁରେ ବିଭିନ୍ନ ଥାନାରେ ଏକାଧିକ ମାମଲା ରହିଛି।