ଏହି ଭିଡିଓରେ ସେ ରାଜ୍ୟସଭାରେ ଦେଇଥିବା କିଛି ଭାଷଣର ଅଂଶକୁ ଯୋଡ଼ି ପ୍ରସ୍ତୁତ କରିଛନ୍ତି। ଭିଡିଓର କ୍ୟାପ୍ସନରେ ଲେଖିଛନ୍ତି-"ଚୁପ୍ ଅଛି, ହାରିନାହିଁ… ଆମ୍ ଆଦମୀଙ୍କୁ ମୋର ମେସେଜ୍।"

ଭିଡିଓରେ ରାଘବ କହିଛନ୍ତି ଯେ, ସେ ସଂସଦରେ ସେମାନେ ପ୍ରସଙ୍ଗ ଉଠାଇଛନ୍ତି ଯାହା ସାଧାରଣତଃ ଉଠାଯାଏ ନାହିଁ। "ମୁଁ ସବୁବେଳେ ଜନତାଙ୍କ ସମସ୍ୟା ଉପରେ କଥା କହେ। ତେବେ ଜନସାଧାରଣଙ୍କ ପ୍ରସଙ୍ଗ ଉଠାଇବା କ'ଣ ଅପରାଧ?" ବୋଲି ସେ ପ୍ରଶ୍ନ କରିଛନ୍ତି।

ସେ ଆହୁରି କହିଛନ୍ତି ଯେ, ବିଭିନ୍ନ ସମୟରେ ସେ ଏୟାରପୋର୍ଟରେ ମହଙ୍ଗା ଖାଦ୍ୟ ଦର, ଜୋମାଟୋ ଓ ବ୍ଲିଙ୍କିଟ୍ ଡେଲିଭରି କର୍ମଚାରୀଙ୍କ ସମସ୍ୟା, ଖାଦ୍ୟରେ ଅପମିଶ୍ରଣ, ଟୋଲ୍ ପ୍ଲାଜା ଓ ବ୍ୟାଙ୍କ ଚାର୍ଜ, ମଧ୍ୟବିତ୍ତଙ୍କ ଉପରେ ଟ୍ୟାକ୍ସ ଭାର ଏବଂ ଟେଲିକମ୍ ରିଚାର୍ଜ ସମସ୍ୟା ଭଳି ବିଷୟ ଉପରେ ସଂସଦରେ କଥା କହିଥିଲେ।

ରାଘବ ଚଢା ଏହି ମଧ୍ୟ ପ୍ରଶ୍ନ କରିଛନ୍ତି ଯେ, ଯଦି ଏହି ପ୍ରସଙ୍ଗ ଉଠାଇବାରେ ସାଧାରଣ ଲୋକଙ୍କୁ ଲାଭ ମିଳୁଛି, ତେବେ ତାହାରେ ଆମ ଆଦମୀ ପାର୍ଟିର କ'ଣ କ୍ଷତି ହେଉଛି?

ସେ ଅଭିଯୋଗ କରିଛନ୍ତି ଯେ, ତାଙ୍କୁ ସଂସଦରେ କହିବାକୁ ରୋକିବା ପାଇଁ ଚେଷ୍ଟା ହେଉଛି। "ମୋର କଥା କହିବା ଉପରେ କାହିଁକି ରୋକ ଲଗାଯାଉଛି?" ବୋଲି ସେ ପ୍ରଶ୍ନ ଉଠାଇଛନ୍ତି।