କେନ୍ଦୁଝର : ମଦ ପିଆକୁ ନେଇ ଅଘଟଣ । ମଦ ପିଇବା ପାଇଁ ସ୍ତ୍ରୀ ଟଙ୍କା ନଦେବାରୁ ଆତ୍ମହତ୍ୟା କଲେ ସ୍ୱାମୀ । ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ଘଟଗାଁ ଥାନା ଭୋଳବେଡ଼ା ଗାଁରେ । ମୃତକ ହେଲେ ୬୦ ବର୍ଷିୟ ପଦ୍ମନାଭ ନାଏକ । ଗତକାଲି ବିଳମ୍ବିତ ରାତିରେ ମଦକୁ ନେଇ ଉଭୟ ସ୍ୱାମୀ ସ୍ତ୍ରୀଙ୍କ ମଧ୍ୟରେ ବଚସା ହୋଇଥିଲା ।
ଏହାପରେ ସ୍ତ୍ରୀଙ୍କ ଠାରୁ ଟଙ୍କା ନମିଳିବାରୁ ପଦ୍ମନାଭ ରାଗରେ ଘରେ ଥିବା କୀଟନାଶକ ପି' ଦେଇଥିଲେ । ଘଟଣା ପରେ ପରିବାର ଲୋକେ ତାଙ୍କୁ ସଙ୍ଗେସଙ୍ଗେ ଘଟଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେପଟେ ଘଟଣାକୁ ନେଇ ପୋଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ।