ଏହି ଦୁଇଦିନିଆ ନିବେଶକ ସମ୍ମିଳନୀରେ ଓଡ଼ିଶା ସରକାର ମେଟାଲ୍ ଓ ଡାଉନ୍ ଷ୍ଟ୍ରିମ୍ ଶିଳ୍ପ, ପେଟ୍ରୋକେମିକାଲ୍ସ, ଗ୍ରୀନ୍ ଏନର୍ଜି, ଫୁଡ୍ ପ୍ରୋସେସିଂ, ଟେକ୍ସଟାଇଲ୍, ଇଲେକ୍ଟ୍ରୋନିକ୍ସ, ପୋର୍ଟ ଓ ଲଜିଷ୍ଟିକ୍ସ ଭଳି କ୍ଷେତ୍ରରେ ଥିବା ନିବେଶ ସୁଯୋଗକୁ ସାମ୍ନାକୁ ଆଣିବା ଆଶା କରାଯାଉଛି। ଦୁବାଇ କେବଳ ୟୁଏଇ ନୁହେଁ, ସମଗ୍ର ମଧ୍ୟପ୍ରାଚ୍ୟର ଏକ ପ୍ରମୁଖ ବ୍ୟବସାୟିକ ଓ ଆର୍ଥିକ ହବ୍ ହୋଇଥିବାରୁ ଏହି ମଞ୍ଚ ଜରିଆରେ ୟୁଏଇ ସହ ମଧ୍ୟପ୍ରାଚ୍ୟରେ କାରବାର କରୁଥିବା ବଡ଼ ବଡ଼ ଅନ୍ତର୍ଜାତୀୟ କମ୍ପାନୀଙ୍କୁ ଓଡ଼ିଶାରେ ନିବେଶ ପାଇଁ ଆକୃଷ୍ଟ କରିବାର ସୁଯୋଗ ରହିଛି।
ମୁଖ୍ୟମନ୍ତ୍ରୀଙ୍କ ଏହି ଦୁବାଇ ଗସ୍ତରୁ ନୂଆ ନିବେଶ ପ୍ରସ୍ତାବ, ବଡ଼ ପ୍ରକଳ୍ପ ଏବଂ ରାଜ୍ୟରେ ଅଧିକ ନିଯୁକ୍ତି ସୃଷ୍ଟି ନେଇ ଆଶା ବଢ଼ିଛି। ସେପ୍ଟେମ୍ବର ୮-୯ର ଏହି ଇନଭେଷ୍ଟର୍ସ ମିଟ୍ ରୁ ଓଡ଼ିଶାକୁ କେତେ ନିବେଶ ପ୍ରତିଶ୍ରୁତି ମିଳୁଛି ଏବଂ କେଉଁ ବଡ଼ କମ୍ପାନୀ ଓଡ଼ିଶା ପ୍ରତି ଆଗ୍ରହ ଦେଖାଉଛନ୍ତି, ତାହା ଉପରେ ସମସ୍ତଙ୍କ ନଜର ରହିବ।