ଏହି ସନ୍ଦିଗ୍ଧ ଆକାଶମାର୍ଗୀୟ ଗତିବିଧି ପରେ ସୀମାନ୍ତରେ ଥିବା ସେନାବାହିନୀକୁ ହାଇ ଆଲର୍ଟରେ ରଖାଯାଇଛି। ଡ୍ରୋନ୍ ମାଧ୍ୟମରେ ସୀମା ପାରରୁ କୌଣସି ଅସ୍ତ୍ରଶସ୍ତ୍ର କିମ୍ବା ନିଶାଦ୍ରବ୍ୟ ଖସାଯାଇଛି କି ନାହିଁ, ସେ ନେଇ ଯାଞ୍ଚ କରିବା ପାଇଁ ଶନିବାର ସକାଳୁ ପୋଲିସ, ସେନା ଏବଂ ପାରାମିଲିଟାରୀ ଫୋର୍ସ ପକ୍ଷରୁ ମିଳିତ କୋମ୍ବିଂ ଅପରେସନ୍ ଜାରି ରହିଛି।
ସୂଚନାଯୋଗ୍ୟ ଯେ, ସନ୍ଦିଗ୍ଧ ଜଙ୍ଗଲୀ ଅଞ୍ଚଳରେ ଆତଙ୍କବାଦୀଙ୍କ ଗତିବିଧି ନେଇ ଗୋଇନ୍ଦା ସୂଚନା ମିଳିବା ପରେ ଜମ୍ମୁ-କାଶ୍ମୀରର ବିଭିନ୍ନ ସ୍ଥାନରେ ସୁରକ୍ଷା ବାହିନୀ ପକ୍ଷରୁ ସର୍ଚ୍ଚ ଅପରେସନ୍ ଆରମ୍ଭ କରାଯାଇଛି। ଉଧମପୁର-କଠୁଆ ଜଙ୍ଗଲିଆ ଅଞ୍ଚଳ ସମେତ ରାଜୌରୀର ଗାଇବାସ, ମିଥିୟାନୀ, ମୋଗଲା ଏବଂ ନାର୍ଲା ଅଞ୍ଚଳରେ ମଧ୍ୟ ୨ ଜଣ ସନ୍ଦିଗ୍ଧ ସଶସ୍ତ୍ର ବ୍ୟକ୍ତିଙ୍କୁ ଦେଖିବା ପରେ ସୁରକ୍ଷା ବାହିନୀ ସମ୍ପୂର୍ଣ୍ଣ ଅଞ୍ଚଳକୁ ଘେରାଉ କରି ଯାଞ୍ଚ ଚଳାଇଛନ୍ତି।