Dailyhunt Logo
  • Light mode
    Follow system
    Dark mode
    • Play Story
    • App Story

ଲଗାଣ ବର୍ଷାରେ ଗଛ ପଡ଼ି ଭାଙ୍ଗିଲା ଘର କ୍ଷତିଗ୍ରସ୍ତଙ୍କୁ ପଲିଥିନ ପ୍ରଦାନ କଲେ ତହସିଲଦାର

ମାଲକାନଗିରି(ସତ୍ୟପାଠବ୍ୟୁରୋ ): ଲଗାଣ ବର୍ଷାରେ ସାରା ରାଜ୍ୟ ବେହାଲ। ମାଲକାନଗିରି ଜିଲ୍ଲାରେ ୪ ଦିନ ଧରି ବର୍ଷା ଲାଗି ରହିଥିବାବେଳେ କେଉଁଠି ଗଛ ପଡ଼ି ରାସ୍ତା ଅବରୋଧ ତ କେଉଁଠି କାନ୍ଥ ଭୁଶୁଡ଼ି ପଡ଼ିଥିବା ଦେଖିବାକୁ ମିଳିଛି। କୋରୁକୋଣ୍ଡା ବ୍ଲକ ଅନ୍ତର୍ଗତ ସୋମନାଥପୁର ପଞ୍ଚାୟତର କଣ୍ଡେଲଗୁଡ଼ା ଗ୍ରାମରେ ଘଟିଛି। ସୂଚନା ଅନୁଯାୟୀ, ଗତ ଦୁଇ ଦିନ ଧରି ଜିଲ୍ଲାରେ ଲଗାଣ ବର୍ଷା ଜାରି ରହିଥିବାବେଳେ ଶନିବାର ଭୋର ସମୟରେ ଗ୍ରାମର ନନ୍ଦ ଆଦବାରୀଙ୍କ ଘର ନିକଟରେ ଥିବା ଏକ ବିରାଟ ବୃକ୍ଷ ଉପୁଡ଼ି ତାଙ୍କ ଘର ଉପରେ ପଡ଼ିଥିଲା।

ଫଳରେ ଘରଟି ବ୍ୟାପକ ଭାବେ କ୍ଷତିଗ୍ରସ୍ତ ହୋଇଥିଲା। ସେହିପରି ନିକଟରେ ଥିବା ପାର୍ବତୀ ଆଦବାରୀଙ୍କ ଆବାସ ଘର ଉପରେ ମଧ୍ୟ ଗଛର ବଡ଼ ବଡ଼ ଡାଳ ପଡ଼ିବାରୁ ଘରର ଗୋଟିଏ କାନ୍ଥ ସମ୍ପୂର୍ଣ୍ଣ ଭାଙ୍ଗିଯାଇଥିଲା। ନନ୍ଦ ଆଦବାରୀଙ୍କ ଆଜବେଷ୍ଟ ଘରର ମଧ୍ୟ ଅଧିକାଂଶ ଅଂଶ କ୍ଷତିଗ୍ରସ୍ତ ହୋଇଥିବା ଜଣାପଡ଼ିଛି। ଖବର ପାଇ କୁଡୁମୁଲୁଗୁମ୍ମା ଅଗ୍ନିଶମ ବାହିନୀର ଏକ ଟିମ୍ ଘଟଣାସ୍ଥଳରେ ପହଞ୍ଚି ମେସିନ ସାହାଯ୍ୟରେ ଗଛର ଡାଳ କାଟି ରାସ୍ତା ଓ ଘର ଉପରୁ ସଫା କରିଥିଲେ। ପରବର୍ତ୍ତୀ ସମୟରେ କୁଡୁମୁଲୁଗୁମ୍ମା ତହସିଲଦାର କୃଷ୍ଣଚନ୍ଦ୍ର ଦାସ ଘଟଣାସ୍ଥଳରେ ପହଞ୍ଚି କ୍ଷତିଗ୍ରସ୍ତ ଉଭୟ ପରିବାରଙ୍କୁ ଭେଟି ପ୍ରଶାସନ ପକ୍ଷରୁ ଜରିପାଲ (ପଲିଥିନ) ପ୍ରଦାନ କରିଥିଲେ। ଏହାସହ କ୍ଷତିଗ୍ରସ୍ତ ଉଭୟ ପରିବାରଙ୍କୁ ତୁରନ୍ତ ସରକାରୀ ସହାୟତା ଓ କ୍ଷତିପୂରଣ ପ୍ରଦାନ କରିବାକୁ ଗ୍ରାମବାସୀ ପ୍ରଶାସନ ନିକଟରେ ଦାବି କରିଛନ୍ତି।

Dailyhunt
Disclaimer: This content has not been generated, created or edited by Dailyhunt. Publisher: Satya Patha