ଦିନ ପ୍ରାୟ ୧:୪୫ ମିନିଟ୍ ସମୟରେ ସେ ତାଙ୍କ ବାପାଙ୍କ ସହ ଫୋନରେ କଥା ହୋଇଥିଲେ ଏବଂ ଏକ ଅଟୋରିକ୍ସା ବ୍ୟବସ୍ଥା କରିବାକୁ କହିଥିଲେ। ଭଉଣୀଙ୍କ କଥା ଅନୁଯାୟୀ ତାଙ୍କ ସାନ ଭାଇ ଜଗତସିଂହପୁରରୁ ଏକ ଅଟୋ ଧରି ଭୁବନେଶ୍ୱର ଷ୍ଟେସନରେ ପହଞ୍ଚିଥିଲେ। କିନ୍ତୁ ସେଠାରେ ପହଞ୍ଚିବା ପରେ ସେ ଦେଖିଥିଲେ ଯେ ସୁଭଦ୍ରାଙ୍କ ମୋବାଇଲ୍ ଫୋନ୍ ସୁଇଚ୍ ଅଫ୍ ରହିଛି। ଦୀର୍ଘ ସମୟ ଧରି ଷ୍ଟେସନରେ ଅପେକ୍ଷା କରିବା ପରେ ମଧ୍ୟ ଭଉଣୀଙ୍କର କୌଣସି ପତ୍ତା ନ ମିଳିବାରୁ ସେ ନିରାଶ ହୋଇ ଘରକୁ ଫେରିଥିଲେ। ଏହି ଘଟଣାକୁ ନେଇ ସୁଭଦ୍ରାଙ୍କ ସ୍ୱାମୀ ପ୍ରକାଶ ମଲ୍ଲିକ ବେଙ୍ଗାଲୁରୁ ସରକାରୀ ରେଳବାଇ ପୋଲିସ (ଜିଆରପି) ନିକଟରେ ଏକ ଲିଖିତ ଅଭିଯୋଗ କରିଛନ୍ତି। ପ୍ରକାଶଙ୍କ ଅଭିଯୋଗକୁ ଭିତ୍ତି କରି ପୋଲିସ ଏକ ନିଖୋଜ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି। ତେବେ ବର୍ତ୍ତମାନ ସୁଦ୍ଧା ମା' ଓ ଛୁଆଙ୍କର କୌଣସି ସନ୍ଧାନ ମିଳିପାରିନାହିଁ ।