ଭୁବନେଶ୍ୱର: ଚିକିଟି ବ୍ଲକ ଅଧ୍ୟକ୍ଷ ତଥା ବିଜୁ ଜନତା ଦଳର ବରିଷ୍ଠ ରାଜନେତା ଆପନା ସେଠୀଙ୍କ ବିୟୋଗରେ ଗଭୀର ଶୋକ ପ୍ରକାଶ କରିଛନ୍ତି ବିରୋଧୀ ଦଳ ନେତା ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ।

ବିଜୁ ବାବୁଙ୍କ ସହଯୋଗୀ ତଥା ଜଣେ ସମର୍ପିତ କର୍ମୀ ଭାବେ ବିଜେଡି ପାଇଁ ସେ ଉତ୍ସର୍ଗୀକୃତ ଭାବେ କାମ କରିଛନ୍ତି। ଆଞ୍ଚଳିକ ବିକାଶ ତଥା ସଂଗଠନକୁ ମଜଭୁତ କରିବାରେ ତାଙ୍କର ଅବଦାନ ସର୍ବଦା ଅବିସ୍ମରଣୀୟ ରହିବ।"ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଏପରି ଦୁଃଖଦ ସମୟରେ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ନବୀନ ପଟ୍ଟନାୟକ ନିଜର ଗଭୀର ସମବେଦନା ଜଣାଇଛନ୍ତି।