ଗୁଜୁରାଟର ଓପନର ବ୍ୟାଟ୍ସମ୍ୟାନ୍ ସାଇ ସୁଦର୍ଶନ ପ୍ରଥମ ଓଭରରୁ ଆକ୍ରମଣାତ୍ମକ ଢ଼ଙ୍ଗରେ ଖେଳ ଆରମ୍ଭ କରିଥିଲେ । ମାତ୍ର ସେ ଏହାକୁ ବଡ଼ ପାଳିରେ ପରିବର୍ତ୍ତନ କରିପାରିନଥିଲେ । ସେ ୭ ବଲରୁ ୧୨ କରିବାରେ ସକ୍ଷମ ହୋଇଥିଲେ । ଅଧିନାୟକ ଶୁଭମନ ଗିଲ ଏବଂ ବଟଲର ଯୋଡ଼ି ଦଳୀୟ ସ୍କୋରକୁ ଆଗକୁ ବଢ଼ାଇଥିଲେ । ବଟଲର ୨୭ ବଲରୁ ୫୨ ରନ କରିଛନ୍ତି ।

ବଟଲରଙ୍କ ପରେ ଓ୍ବାଶିଂଟନ୍ ସୁନ୍ଦର ଗିଲଙ୍କ ସହ ମିଶି ଦିଲ୍ଲୀ ବୋଲରଙ୍କୁ ଧୂଲେଇ କରିବା ଆରମ୍ଭ କରିଥିଲେ । ଗିଲ ୪୫ ବଲରୁ ୭୦ ରନ କରିଥିବାବେଳେ ଓ୍ବାଶିଂଟନ୍ ସୁନ୍ଦର ୩୨ ବଲରୁ ୫୫ ରନ କରିଛନ୍ତି । ସେପଟେ ଦିଲ୍ଲୀ ପକ୍ଷରୁ ମୁକେଶ କୁମାର ୨ ଓ୍ବିକେଟ ଅକ୍ତିଆର କରିଥିବାବେଳେ କୁଲଦୀପ ଯାଦବ ଏବଂ ଲୁଙ୍ଗି ନିଙ୍ଗଡି ଗୋଟିଏ ଲେଖାଏଁ ଓ୍ବିକେଟ୍ ନେବାରେ ସକ୍ଷମ ହୋଇଛନ୍ତି ।