ଦିଶାଙ୍କ ମୃତ୍ୟୁର ପ୍ରକୃତ କାରଣ କ'ଣ, ଏହା ଦୁର୍ଘଟଣା ଥିଲା ନା ଏହା ପଛରେ ଅନ୍ୟ କୌଣସି ଅପରାଧିକ ଷଡ଼ଯନ୍ତ୍ର ଥିଲା-ସେ ଦିଗରେ ସିବିଆଇ ତଦନ୍ତରେ ସ୍ପଷ୍ଟତା ଆସିପାରେ।୨୦୨୦ ଜୁନ୍ ୮ ତାରିଖରେ ଦିଶା ସାଲିଆନଙ୍କ ମୃତ୍ୟୁ ଘଟିଥିଲା। ମୁମ୍ବାଇର ଏକ ଉଚ୍ଚ ଅଟ୍ଟାଳିକାର ୧୪ତମ ମହଲାରୁ ଖସି ତାଙ୍କ ମୃତ୍ୟୁ ହୋଇଥିବା ନେଇ ସେତେବେଳେ ସୂଚନା ଆସିଥିଲା। ତେବେ ମୃତ୍ୟୁକୁ ନେଇ ବିଭିନ୍ନ ପ୍ରଶ୍ନ ଓ ସନ୍ଦେହ ଉଠିଥିଲା।

ଦିଶାଙ୍କ ମୃତ୍ୟୁର ମାତ୍ର କିଛି ଦିନ ପରେ, ଜୁନ୍ ୧୪ରେ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତଦେହ ମୁମ୍ବାଇସ୍ଥିତ ତାଙ୍କ ବାସଭବନରୁ ମିଳିଥିଲା। ଏହି ଦୁଇ ଘଟଣାକୁ ନେଇ ପରବର୍ତ୍ତୀ ସମୟରେ ବିଭିନ୍ନ ଆଲୋଚନା ଓ ଦାବି ସାମ୍ନାକୁ ଆସିଥିଲା।ଦିଶାଙ୍କ ବାପା ସତୀଶ ସାଲିଆନ ଗତ ବର୍ଷ ବମ୍ବେ ହାଇକୋର୍ଟରେ ପିଟିସନ୍‌ ଦାୟର କରି ତାଙ୍କ ଝିଅଙ୍କୁ ଗଣଦୁଷ୍କର୍ମ ପରେ ହତ୍ୟା କରାଯାଇଥିବା ଅଭିଯୋଗ କରିଥିଲେ। ସେ ମାମଲାର ସିବିଆଇ ତଦନ୍ତ ଦାବି କରିବା ସହ ଶିବସେନା (UBT) ନେତା ଆଦିତ୍ୟ ଠାକରେଙ୍କ ବିରୋଧରେ ଏଫଆଇଆର ରୁଜୁ କରିବାକୁ ମଧ୍ୟ ଦାବି କରିଥିଲେ।ତେବେ ଏହି ଅଭିଯୋଗଗୁଡ଼ିକର ସତ୍ୟତା ତଦନ୍ତ ଦ୍ୱାରା ହିଁ ସ୍ପଷ୍ଟ ହୋଇପାରିବ। ସିବିଆଇ ତଦନ୍ତ ଆରମ୍ଭ ହେବା ପରେ ଘଟଣାର ପ୍ରକୃତ ତଥ୍ୟ ସାମ୍ନାକୁ ଆସିବା ନେଇ ଆଶା ବଢ଼ିଛି।