ସୂଚନା ଅନୁସାରେ ମୃତକ ରାହୁଲ ବାଇକରେ ପେଟ୍ରୋଲ ଭରି ବାହାରୁଥିବା ସମୟରେ ବିପରୀତ ଦିଗରୁ ଦ୍ରୁତ ବେଗରେ ଆସୁଥିବା ଏକ ନମ୍ବର ବିହୀନ ବାଇକ୍ ତାଙ୍କୁ ଜୋରଦାର ଧକ୍କା ଦେଇଥିଲା। ଧକ୍କା ଦେଇଥିବା ବାଇକ ଚାଳକ ଅତାବିରା ମିନାର ବନ୍ଧପଡ଼ାର ଗଙ୍ଗା ବାଗ(୨୭)। ଦୁର୍ଘଟଣା ପରେ ରାହୁଲଙ୍କ ମୃତ୍ୟୁ ହୋଇଥିବା ଜାଣି ଗଙ୍ଗା ଖସି ପଳାଇବାକୁ ଉଦ୍ୟମ କରୁଥିଲେ। ସେହି ସମୟରେ ଉପସ୍ଥିତ ସ୍ଥାନୀୟ ଲୋକେ ତାଙ୍କୁ କାବୁ କରିଥିଲେ। ପ୍ରାଥମିକ ଚିକିତ୍ସା ପରେ ଉକ୍ତ ଯୁବକଙ୍କୁ ପୁଲିସ ଜିମା ଦିଆଯାଇଛି। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଶବ ବ୍ୟବଚ୍ଛେଦ ପାଇଁ ବରଗଡ଼ ପଠାଇଛି।

ରାହୁଲଙ୍କ ଅକାଳ ବିୟୋଗରେ ସାରା ବାବେବିରା ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି। ଜଣେ ଭଲ ମଣିଷ ଓ ମେଳାପୀ ଯୁବକ ଭାବେ ସେ ପରିଚିତ ଥିଲେ। ଗ୍ରାମର ପ୍ରତ୍ୟେକ କାର୍ଯ୍ୟରେ ଆଗଭର ହେଉଥିଲେ। ତାଙ୍କର ଏକ ୭ ବର୍ଷର ଝିଅ ଏବଂ ମାତ୍ର ୧ ବର୍ଷର ପୁଅ ଅଛନ୍ତି। ପରିବାରର ରୋଜଗାରିଆ ପୁଅକୁ ହରାଇ ପିତାମାତା, ସ୍ତ୍ରୀ ଓ ପିଲାମାନେ ଅସହାୟ ହୋଇପଡ଼ିଛନ୍ତି।