ଏହି ଅବସରରେ ଫିଲ୍ମର ଟିମ୍ ତାଙ୍କୁ ଏବଂ ତାଙ୍କ ପ୍ରଶଂସକ ଉଭୟଙ୍କୁ ଏହି ସରପ୍ରାଇଜ୍ ଦେଇଛନ୍ତି।
ଫିଲ୍ମର ପ୍ରଥମ ପୋଷ୍ଟରଟି ବହୁତ ରହସ୍ୟମୟ ଏବଂ ଆକର୍ଷଣୀୟ ଦେଖାଯାଉଛି। ପୋଷ୍ଟରରେ ଅଲ୍ଲୁଙ୍କ ଫଟୋ ପ୍ରକୃତରେ ଭୟଙ୍କର ଦେଖାଯାଉଛି। ତାଙ୍କୁ ସମ୍ପୂର୍ଣ୍ଣ ଭାବରେ ଲଣ୍ଡା ଅବସ୍ଥାରେ ଦେଖାଯାଇଛି।

ଏହାସହ ତାଙ୍କର ଭାଲୁ ପରି ନଖ ଏବଂ ଲୋମଶ ହାତ ଫିଲ୍ମକୁ ଆହୁରି ରହସ୍ୟମୟ କରିବା ସହ ପ୍ରଂଶସକଙ୍କ ଉତ୍କଣ୍ଠା ବଢାଇ ଦେଇଛି। ଫିଲ୍ମ 'ରାକା' ରେ ଅଲ୍ଲୁଙ୍କ ଚରିତ୍ର ଅତ୍ୟନ୍ତ ଶକ୍ତିଶାଳୀ ଏବଂ ଭିନ୍ନ ହେବାକୁ ଯାଉଛି। ପୋଷ୍ଟର ସୂଚାଇ ଦେଉଛି ଯେ ଫିଲ୍ମର କାହାଣୀ ରୋମାଞ୍ଚକର ଏବଂ ଉଚ୍ଚ ସ୍ତରର। ପୋଷ୍ଟରରେ ଫିଲ୍ମର ରିଲିଜ୍ ତାରିଖ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ। ଆଟଲିଙ୍କ ନିର୍ଦ୍ଦେଶିତ ଏହି ଫିଲ୍ମ ଆକର୍ଷଣୀୟ ଏବଂ ଚମତ୍କାର ଲୁକ୍ ପ୍ରଦର୍ଶିତ କରିଛି। ଏହା ଆଟଲିଙ୍କ ଅଲ୍ଲୁ ଅର୍ଜୁନଙ୍କ ସହ ପ୍ରଥମ ଫିଲ୍ମ। ଏହି ଫିଲ୍ମଟି ସନ୍ ପିକଚର୍ସ ଦ୍ୱାରା ନିର୍ମିତ ହେଉଛି ଏବଂ ଦୀପିକା ପାଦୁକୋନ ଏଥିରେ ନାୟିକା ଭାବେ ସାମ୍ନାକୁ ଆସିବେ। ଏହା ଏକ ପ୍ୟାନ୍-ଇଣ୍ଡିଆ ଫିଲ୍ମ, ଅର୍ଥାତ୍ ଏହା ସମଗ୍ର ଦେଶରେ ଏକକାଳୀନ ମୁକ୍ତିଲାଭ କରିବ। ଦର୍ଶକମାନେ ଅନୁମାନ କରୁଛନ୍ତି ଯେ ଏହି ସିନେମାଟି ସାଇନ୍ସ ଫିକ୍ସନ୍ କିମ୍ବା ଥ୍ରୀଲର ଫିଲ୍ମ ଭଳି। ଏହା ବ୍ୟତୀତ, ଏହି ଫିଲ୍ମଟି ପ୍ରାୟ ସାତଟି ଭାଷାରେ ମୁକ୍ତିଲାଭ କରିବ।