ସେହିପରି ଜିଲ୍ଲାରେ ମନମୁଖୀ ଶାସନ କରୁଥିବା ଅତିରିକ୍ତ ଜିଲା ଶିକ୍ଷାଧକାରୀ(ଏଡିଇଓ) ଡ. ପ୍ରଭାତୀ କୁମାରୀ ମହାପାତ୍ରଙ୍କ ତୁରନ୍ତ ବଦଳି ଦାବି କରିଛନ୍ତି। ଶିକ୍ଷକ ସଂଗଠନ ଓଷ୍ଟା, ସଂସ୍କାରବାଦୀ ଅନୁଷ୍ଠାନ, କେସି ହାଇସ୍କୁଲ ପୁରାତନ ଛାତ୍ର ସଂଘ ସଦ ଓ ଗଞ୍ଜାମ ଜିଲା ବିକାଶ ମଞ୍ଚ ମିଳିତ ଆନୁକୂଲ୍ୟରେ ଏହି ଧାରଣା ଦିଆଯାଇଛି । ଧାରଣାରେ ସଂସ୍କାରବାଦୀ ପ୍ରତିଷ୍ଠାତା ତ୍ରିନାଥ ମହାରଣା, ଓଷ୍ଟା ସମ୍ପାଦକ ବିଜୟ ବେହେରା, ବିକାଶ ମଞ୍ଚ ସଭାପତି ରାଜେନ୍ଦ୍ର ପଣ୍ଡା ପ୍ରମୁଖ ସାମିଲ ଅଛନ୍ତି ।

ଏହା ୧୮୫୬ ମସିହାରେ ପ୍ରତିଷ୍ଠିତ ହୋଇଥିଲା। ଖଲ୍ଲିକୋଟର ତତ୍କାଳୀନ ରାଜାଙ୍କ ଅବଦାନ ଯୋଗୁଁ ଏହାର ନାମ ଖଲ୍ଲିକୋଟ କଲେଜିଏଟ୍ ହାଇସ୍କୁଲ ରଖାଯାଇଛି । ଏଠାରେ କେ. ସି. ବାଳିକା ହାଇସ୍କୁଲ ଏବଂ କେସି ପ୍ରାଥମିକ ବିଦ୍ୟାଳୟ ମଧ୍ୟ ସଂଲଗ୍ନ ହୋଇ ରହିଛି । ବର୍ତ୍ତମାନ ଏହି ବିଦ୍ୟାଳୟକୁ ସମ୍ପୂର୍ଣ୍ଣ ସରକାରୀକରଣ କରିବା ଏବଂ ଏହାର ଭିତ୍ତିଭୂମିର ଉନ୍ନତି ପାଇଁ ବିଭିନ୍ନ ସମୟରେ ପୁରାତନ ଛାତ୍ର ଓ ଅଭିଭାବକ ମାନେ ଦାବି କରିଆସୁଛନ୍ତି । ଏପରିକି ୨ ବର୍ଷ ତଳେ ରାଜ୍ୟ ସରକାର କେସି ହାଇସ୍କୁଲକୁ ଐତିହ୍ୟ ବିଦ୍ୟାଳୟ ଭାବେ ଘୋଷଣା କରିଥିଲେ । ସେହିକ୍ରମରେ ଏହି ବିଦ୍ୟାଳୟକୁ ପ୍ରାୟ ୨୫ ଲକ୍ଷ ଟଙ୍କା ଆସିଥିଲା। ହେଲେ ଉକ୍ତ ଟଙ୍କା ଖର୍ଚ୍ଚ ହୋଇ ନପାରି ଫେରି ଯାଇଥିଲା ।