କିନ୍ତୁ ଏପର୍ଯ୍ୟନ୍ତ ବିଜେପୁର ମଣ୍ଡିରେ ଚାଷୀଙ୍କ ଧାନ କ୍ରୟ ହୋଇନଥିବା ଅଭିଯୋଗ ହୋଇଛି। ଏହାକୁ ନେଇ ଚାଷୀମାନେ ସରକାର ଓ ସ୍ଥାନୀୟ ପ୍ରଶାସନର ଅବହେଳା ଦାୟୀ ବୋଲି କହିଛନ୍ତି।ଏପଟେ ବର୍ଷା ଆରମ୍ଭ ହୋଇଥିବାରୁ ମଣ୍ଡିରେ ପଡ଼ିଥିବା ଧାନ ନଷ୍ଟ ହେବା ଆଶଙ୍କା ଚାଷୀଙ୍କ ଚିନ୍ତାକୁ ବଢ଼ାଇଛି। ଏହାକୁ ନେଇ କେତେକ ଚାଷୀ ଉପଜିଲ୍ଲାପାଳ ପଦ୍ମନାଭ ସାମନ୍ତରାୟଙ୍କ ନିକଟରେ କାନ୍ଦି କାନ୍ଦି ନିଜ ଦୁଃଖ ଜଣାଇଥିବା ଦେଖାଯାଇଥିଲା।ଚାଷୀଙ୍କ ଅଭିଯୋଗ ଅନୁଯାୟୀ, ପ୍ରାୟ ୧୦୦୦ କ୍ୱିଣ୍ଟାଲ ଧାନ ଏପର୍ଯ୍ୟନ୍ତ କ୍ରୟ ହୋଇନାହିଁ। ରିପୋର୍ଟ ଲେଖାଯିବା ସୁଦ୍ଧା ଚାଷୀମାନେ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଜାରି ରଖିଥିଲେ।ଧାନ କ୍ରୟ ନ ହେବା ପର୍ଯ୍ୟନ୍ତ ଆନ୍ଦୋଳନ ଜାରି ରଖିବେ ବୋଲି ଚାଷୀମାନେ ଚେତାବନୀ ଦେଇଛନ୍ତି। କେତେକ ଚାଷୀ ହତାଶା ପ୍ରକାଶ କରି ଆତ୍ମହତ୍ୟା କରିବା ପର୍ଯ୍ୟନ୍ତ ସ୍ଥିତି ସୃଷ୍ଟି ହୋଇଥିବା କଥା କହିଛନ୍ତି।