Saturday, 21 Sep, 1.24 pm ସମାଜ

ହୋମ
ତ୍ୱଚା ପାଇଁ ଏହି ଉପାୟରେ ବ୍ୟବହାର କରନ୍ତୁ ଗୋଲାପ ଜଳ

ସଭିଏଁ ଇଚ୍ଛା କରିଥାଆନ୍ତି ତାଙ୍କ ମୁହଁ ସୁନ୍ଦର ଓ ଉଜ୍ଜଳ ଦେଖାଯାଉ। ଏଥିପାଇଁ ବଜାରରେ ବିକ୍ରି ହେଉଥିବା ବିଭିନ୍ନ କ୍ରିମ ମଧ୍ୟ ବ୍ୟବହାର କରିଥାଆନ୍ତି। ଏହି କ୍ରିମ ଓ ଅନ୍ୟାନ୍ୟ ବିୟୁଟି ଦ୍ରବ୍ୟ ସହ ଆପଣ ଗୋଲାପ ଜଳକୁ ସାମିଲ କରନ୍ତୁ। ଗୋଲାପ ଜଳ ଏପରି ଏକ ପ୍ରାକୃତିକ ଉପାୟ ଯାହା ଆପଣଙ୍କ ତ୍ୱଚାକୁ ସୁନ୍ଦର କରିଥାଏ। ଗୋଲାପ ଜଳରେ ପ୍ରାକୃତିକ ତତ୍ତ୍ୱ ଓ ଆଣ୍ଟିସେଫଟିକ ଗୁଣ ରହିଛି। ଏହା ଆପଣଙ୍କ ମୁହଁରେ ଥିବା ଦୂଷିତ ପଦାର୍ଥକୁ ବାହାର କରିଥାଏ।
ଏହାର ନିୟମିତ ବ୍ୟବହାର କରିବା ମୁହଁ ପାଇଁ ଆଶୀର୍ବାଦ ଅଟେ। ଏଥିରେ ଥିବା ଆଣ୍ଟିସେଫଟିକ ଗୁଣ ଆପଣଙ୍କ ମୁହଁର ପିଏଚ ସ୍ତରକୁ ସନ୍ତୁଳିତ ରଖିଥାଏ।
ଗୋଲାପ ଜଳର ବ୍ୟବହାର ଦ୍ୱାରା ଆପଣ ସତେଜ ଅନୁଭବ କରିଥାଆନ୍ତି। ଏତଦ ବ୍ୟତୀତ ଏହା ସମସ୍ତ ପ୍ରକାରର ସ୍କିନ ପାଇଁ ମଧ୍ୟ ଲାଭଦାୟକ ଅଟେ।
ବଜାରରରେ ବିକ୍ରି ହେଉଥିବା ବିଭିନ୍ନ କମ୍ପାନୀର ଗୋଲାପ ଜଳ ବ୍ୟବହାର କରି ପାରିବେ। ମାତ୍ର ଆୟୁର୍ବେଦିକ ଗୋଲାପ ଜଳ ମୁହଁ ପାଇଁ ବେଶ ହିତକାରକ ଅଟେ।
ଗୋଲାପ ଜଳର ନିୟମିତ ବ୍ୟବହାର ମୁହଁର ଶୁଷ୍କତାକୁ ଦୂର କରିଥାଏ।
ବାହାରକୁ ଯାଇଥିଲେ ଘରକୁ ଆସି ତୁରନ୍ତ ଗୋଲାପ ଜଳରେ ମୁହଁ ପୋଛିବା ଦ୍ୱାରା ବାହାରର ଅପରିଷ୍କାର ପଦାର୍ଥ ମୁହଁର ଚର୍ମ ଭିତରକୁ ଯାଇପାରିନଥାଏ। ଫଳରେ ଆପଣଙ୍କ ମୁହଁର ରଙ୍ଗରେ କୌଣସି ପ୍ରଭାବ ପକାଇନଥାଏ।
ଆପଣ ନିୟମିତ ରାତିରେ ଗୋଲାପ ଜଳରେ ମୁହଁ ପୋଛି ଶୋଇବା ଦ୍ୱାରା ମୁହଁ ଉଜ୍ୱଳ ଓ ଗୋରା ହୋଇଥାଏ।
ନିୟମିତ ଏକ ମାସ ଦିନକୁ ୨ ଥର ଗୋଲାପ ଜଳରେ ମୁହଁ ପୋଛିଲେ ଆପଣ ନିଜେ ଅନୁଭବ କରିବେ ଏହା ମୁହଁ ପାଇଁ ଖୁବ ଉପକାରୀ।
ଗ୍ଲିସରିନ ସହ ଗୋଲାପ ଜଳ ମିଶାଇ ସପ୍ତାହକୁ ୩ ରୁ ୪ଥର ଲଗାନ୍ତୁ। ଏହା ମୁହଁକୁ ଉଜ୍ୱଳ ଓ ଗୋରା କରିଥାଏ।
ଯେକୌଣସି କ୍ରିମ ବ୍ୟବହାର କରିବା ପୂର୍ବରୁ ମୁହଁରେ ଅଳ୍ପ ଗୋଲାପ ଜଳ ଲଗାନ୍ତୁ। ଏହା ତ୍ୱଚା ପାଇଁ ବେଶ ହିତକାରକ।

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: The Samaja Odia
Top