ସୂଚନା ଅନୁସାରେ, ଖୋରାଗୁଡ଼ା ଗ୍ରାମର ୪ ଜଣ, କଦମଗୁଡ଼ା ଗ୍ରାମର ଜଣେ ଏବଂ ବଡ଼ାଗୁଡ଼ା ଗ୍ରାମର ଜଣେ ବ୍ୟକ୍ତି ବିଲୁଆ କାମୁଡ଼ାରେ ଆହତ ହୋଇଛନ୍ତି। ବିଲୁଆଟି ହଠାତ୍ ଗାଁ ଭିତରକୁ ପଶି ରାସ୍ତାରେ ଯାଉଥିବା ଓ କାମ କରୁଥିବା ଲୋକଙ୍କ ଉପରେ ଆକ୍ରମଣ କରିଥିବା ଜଣାପଡ଼ିଛି।

ଆହତ ସମସ୍ତଙ୍କୁ ତୁରନ୍ତ ବୈପାରିଗୁଡ଼ା ମେଡିକାଲକୁ ନିଆଯାଇ ଚିକିତ୍ସା କରାଯାଉଛି। ଡାକ୍ତରୀ ଦଳ ସେମାନଙ୍କ ସ୍ୱାସ୍ଥ୍ୟାବସ୍ଥା ଉପରେ ନଜର ରଖିଥିବା ବେଳେ, ଆବଶ୍ୟକ ଚିକିତ୍ସା ଓ ଆଣ୍ଟି-ରେବିଜ୍ ବ୍ୟବସ୍ଥା କରାଯାଉଛି।

ଘଟଣା ପରେ ଅଞ୍ଚଳବାସୀଙ୍କ ମଧ୍ୟରେ ଆତଙ୍କ ଖେଳିଯାଇଛି। ଖବର ପାଇ ବନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ବିଲୁଆକୁ ଧରିବା ପାଇଁ ଅଭିଯାନ ଆରମ୍ଭ କରିଛନ୍ତି। ସେହିପରି ଗ୍ରାମବାସୀଙ୍କୁ ଏକାକୀ ବାହାରକୁ ନଯିବା, ପିଲାମାନଙ୍କୁ ସତର୍କ ରଖିବା ଏବଂ କୌଣସି ବନ୍ୟଜନ୍ତୁ ଦେଖିଲେ ତୁରନ୍ତ ବନ ବିଭାଗକୁ ସୂଚନା ଦେବାକୁ ପରାମର୍ଶ ଦିଆଯାଇଛି।

ନିକଟ ଅତୀତରେ କୋରାପୁଟ ସମେତ ଦକ୍ଷିଣ ଓଡ଼ିଶାର ବିଭିନ୍ନ ଅଞ୍ଚଳରେ ବନ୍ୟଜନ୍ତୁ ଗାଁ ମୁହାଁ ହେବାର ଘଟଣା ବଢ଼ୁଛି। ଏହି ଘଟଣା ପୁଣିଥରେ ମଣିଷ ଓ ବନ୍ୟଜନ୍ତୁ ସଂଘର୍ଷକୁ ସାମ୍ନାକୁ ଆଣିଛି। ବିଲୁଆକୁ କେବେ କାବୁ କରାଯିବ ଏବଂ ଅଞ୍ଚଳବାସୀଙ୍କ ସୁରକ୍ଷା ପାଇଁ ବନ ବିଭାଗ କିପରି ପଦକ୍ଷେପ ନେବ, ତାହା ଉପରେ ଏବେ ସମସ୍ତଙ୍କ ନଜର ରହିଛି।

ବୈପାରିଗୁଡ଼ା: କୋରାପୁଟ ଜିଲ୍ଲାର ବୈପାରିଗୁଡ଼ା ବ୍ଲକରେ ବିଲୁଆ ଆତଙ୍କ ଦେଖିବାକୁ ମିଳିଛି। ହଠାତ୍ ଏକ ବିଲୁଆ ଗାଁ ଭିତରକୁ ପଶି ଏକାଧିକ ଲୋକଙ୍କୁ ଆକ୍ରମଣ କରିବାରୁ ସମଗ୍ର ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି। ଏହି ଆକ୍ରମଣରେ ମୋଟ ୬ ଜଣ ଗୁରୁତର ଆହତ ହୋଇଥିବା ବେଳେ ସମସ୍ତଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି।