Friday, 22 Jan, 6.19 pm Thenewsroom.co.in

Posts
କର୍ଣ୍ଣାଟକ ଶିବାମୋଗାରେ ଡାଇନାମାଇଟ୍ ବିସ୍ଫୋରଣରେ ୮ ମୃତ, ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ

ବେଙ୍ଗାଲୁରୁ – କର୍ଣ୍ଣାଟକର ଶିବାମୋଗାରେ ଗୁରୁବାର ରାତି ୧୦ଟା ୨୦ ମିନିଟରେ ସମୟରେ ଡାଇନାମାଇଟ୍ ବିସ୍ଫୋରଣ ଘଟି ୮ ଜଣ ଶ୍ରମିକଙ୍କ ମୃତ୍ୟୁ ଘଟିଛି। ଏହି ଘଟଣାର ଉଚ୍ଚସ୍ତରୀୟ ତଦନ୍ତ ପାଇଁ ମୁଖ୍ୟମନ୍ତ୍ରୀ ବି.ଏସ୍ ୟେଦୁରୁପ୍ପା ନିର୍ଦ୍ଦେଶ ଦେଇଛନ୍ତି। ଶୁକ୍ରବାର ସକାଳେ ପୋଲିସ ଏବଂ ଅଧିକାରୀଙ୍କ ଟିମ୍ ହୁନାସୋଡୁ ଗାଁ ଘଟଣାସ୍ଥଳରେ ପହଞ୍ଚିଥିଲେ। ସମଗ୍ର ଅଞ୍ଚଳକୁ ସିଲ୍ କରାଯାଇଛି |

ପୋଲିସର ସୂଚନାନୁସାରେ, ପଥର ଭାଙ୍ଗିବା ପାଇଁ ବିସ୍ଫୋରକ ସାମଗ୍ରୀ (ଜେଲାଟିନ୍ ବାଡି) ଏକ ଟ୍ରକରେ ନିଆଯାଉଥିଲା ଶିବାମୋଗାର ଅବାଲଗେରେ ଗ୍ରାମ ନିକଟରେ ଏହି ବିସ୍ଫୋରଣ ଘଟିଥିଲା । ଏହି ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ ଏହାର ଶବ୍ଦ ଶିବାମୋଗାର ନିକଟତମ ଜିଲ୍ଲା ଚିକମାଗାଲୁର ପର୍ଯ୍ୟନ୍ତ ଶୁଣାଯାଇଥିଲା ଏବଂ ଆଖପାଖ ଅଞ୍ଚଳରେ ଭୂକମ୍ପ ଭଳି ଝଟକା ଅନୁଭୂତ ହୋଇଥିଲା ।

କିଛି ଲୋକଙ୍କ କହିବା ଅନୁସାରେ ଗୋଟିଏ ପରେ ଗୋଟିଏ ୫୦ଟି ଡାଇନାମାଇଟ୍ ବିସ୍ଫୋରଣ ଘଟିଛି । ଏହି ବିସ୍ଫୋରଣ ଯୋଗୁଁ ଆଖପାଖ ଘରର ଗ୍ଲାସ ଭାଙ୍ଗି ଯାଇଥିଲା। ଲୋକମାନେ ଭୂକମ୍ପ ଭୟରେ ଘରୁ ବାହାରକୁ ପଳି ଆସିଥିଲେ। ବିସ୍ଫୋରକ ଗନ୍ଧ ଓ ଝଟକା ମଧ୍ୟ ୮-୧୦ କିଲୋମିଟର ପର୍ଯ୍ୟନ୍ତ ଅନୁଭୂତ ହୋଇଥିଲା । ଶିବାମୋଗା ହେଉଛି କର୍ଣ୍ଣାଟକର ମୁଖ୍ୟମନ୍ତ୍ରୀ ବି.ଏସ୍ ୟେଦୁରୁପ୍ପାଙ୍କ ଗୃହ ଜିଲ୍ଲା ।

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Thenewsroom.co.in
Top