ଏପର୍ଯ୍ୟନ୍ତ ସଂପୃକ୍ତ କିରାଣି ଜଣଙ୍କ ଜାମିନ ପାଇନଥିବା ବେଳେ ସଦର ଥାନା ପୋଲିସ ପକ୍ଷରୁ ଶିକ୍ଷା ବିଭାଗକୁ କୈାଣସି ତଥ୍ୟ ପ୍ରଦାନ କରାଯାଇନଥିବା ଜିଲ୍ଲା ଶିକ୍ଷାଧିକାରୀ ପବିତ୍ର ମୋହନ ବାରିକ କହିଛନ୍ତି। ଶିକ୍ଷା ବିଭାଗ ପକ୍ଷରୁ ସଦର ଥାନା ପୋଲିସକୁ ଏବାବଦରେ ତଥ୍ୟ ପ୍ରଦାନ ପାଇଁ ଚିଠି ଲେଖାଯିବା ପରେବି ପୋଲିସ ପକ୍ଷରୁ କୈାଣସି ଉତ୍ତର ମିଳିନଥିବାରୁ ସଂପୃକ୍ତ କିରାଣିଙ୍କୁ ନିଲମ୍ବନ କରାଯାଇନଥିବା ଜିଲ୍ଲା ଶିକ୍ଷାଧିକାରୀ ଶ୍ରୀ ବାରିକ କହିଛନ୍ତି। ଅପରପକ୍ଷରେ ଏସମ୍ପର୍କରେ ଶିକ୍ଷା ବିଭାଗରୁ କୈାଣସି ଚିଠି ପାଇନଥିବା ସଦରଥାନାଧିକାରୀ ପଦ୍ମାଳୟା ପ୍ରଧାନ କହିଛନ୍ତି। ସରକାରୀ ନିୟମ ଅନୁଯାୟୀ ଜଣେ ସରକାରୀ କର୍ମଚାରୀ ଗିରଫ ହୋଇ ୨୪ଘଣ୍ଟା ଜେଲରେ ରହିଲେ ତାଙ୍କୁ ଚାକିରୀରୁ ନିଲମ୍ବନ କରାଯିବା କଥା। କିନ୍ତୁ ଏକ୍ଷେତ୍ରରେ ସେହି ନିୟମକୁ ଖୋଲାଖୋଲି ଉଲ୍ଲଙ୍ଘନ କରାଯାଇଥିବା ନେଇ ଅଭିଯୋଗ ହୋଇଛି।