ଏହି ଶିବିରରେ ଜିଲ୍ଲାର ବିଭିନ୍ନ ପ୍ରାନ୍ତରୁ ବହୁ ସଂଖ୍ୟାରେ ଯୁବକ-ଯୁବତୀ, ଛାତ୍ରଛାତ୍ରୀ ଓ ବରିଷ୍ଠ ନାଗରିକମାନେ ଯୋଗଦେଇଥିଲେ। ଯୋଗ ଓ ଧ୍ୟାନ ମାଧ୍ୟମରେ ଶାରୀରିକ ଓ ମାନସିକ ସ୍ୱାସ୍ଥ୍ୟ ସୁଦୃଢ଼ କରିବା ସହିତ ନିଶାମୁକ୍ତ ସମାଜ ଗଢ଼ିବାରେ ଯୁବମାନଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି ଅତିଥିମାନେ ମତ ପ୍ରକାଶ କରିଥିଲେ। ଅତିଥିମାନେ ତାଙ୍କର ଅଭିଭାଷଣରେ କହିଥିଲେ ଯେ, ଆଧୁନିକ ଜୀବନ ଶୈଳୀରେ ଯୋଗ ଓ ଧ୍ୟାନ ଅତ୍ୟନ୍ତ ଆବଶ୍ୟକ, ଯାହା ମନକୁ ସ୍ଥିର କରିବା ସହିତ ଶରୀରକୁ ସୁସ୍ଥ ରଖିଥାଏ। ଏହାସହିତ ଯୁବପିଢ଼ିଙ୍କୁ ନିଶାଦ୍ରବ୍ୟରୁ ଦୂରେଇ ସୁସ୍ଥ ଓ ସଚେତନ ସମାଜ ଗଢ଼ିବାକୁ ସେମାନେ ଆହ୍ୱାନ କରିଥିଲେ। ଏହି କାର୍ଯ୍ୟକ୍ରମକୁ ଯୁବମୋର୍ଚ୍ଚା ପଦାଧିକାରୀ ସୁମିତ୍ ପ୍ରଧାନ, ଅଙ୍କିତା ପଣ୍ଡା, ଧର୍ମେନ୍ଦ୍ର ପ୍ରଧାନ, ହରି ଚନ୍ଦ୍ର ଦାସ, ଉମେଶ ଚନ୍ଦ୍ର ଦାସ, ଶକ୍ତି ଶଙ୍କର ପାଣିଗ୍ରାହୀ, ରଂଜିତ କୁମାର ପଣ୍ଡିତ, ରାଜେଶ ରଣା, ବିଜୟ କୁମାର ପୃଷ୍ଟି, ଶୁଚିସ୍ମିତା ସେଠି, ଲିପ୍ସା ନାୟକ, ପ୍ରିୟଙ୍କା ରଣା, ଇତିଶ୍ରୀ ପଣ୍ଡା, ଉମେଶ ବେହେରା, ଓ଼ମ ସତ୍ୟମ ଆଦି ସହଯୋଗ କରିଥିଲେ।