ସେମାନଙ୍କୁ ରାଜଧାନୀ ଦିଲ୍ଲୀରେ ବଡ଼ଧରଣର ଆକ୍ରମଣ କରିବା ପାଇଁ କୁହାଯାଇଥିଲା।

ପୋଲିସ ଯୋଜନାବଦ୍ଧ ଭାବେ ଚଢ଼ାଉ କରି ଯେଉଁ ଚାରିଜଣଙ୍କୁ ଧରିଛି, ସେମାନେ ହେଲେ- ଶୁଭଦୀପ ସିଂ (୨୩), ଗୁରଜନ୍ତ ସିଂ (୨୨), ସାଜନ ସିଂ (୨୮) ଏବଂ ଗଗନପ୍ରୀତ (୨୪)। ସେମାନଙ୍କ ପାଖରୁ ଦୁଇଟି ବିଦେଶୀ ପିସ୍ତଲ, ନଅଟି ଅଫୁଟା ଗୁଳି ଏବଂ ପାଞ୍ଚଟି ମୋବାଇଲ୍ ଫୋନ୍ ମିଳିଛି।

ପୋଲିସ ପ୍ରଥମେ ଅମୃତସରରୁ ଶୁଭଦୀପକୁ ଗିରଫ କରିଥିଲା। ତାକୁ ପଚରାଉଚରା କରିବା ପରେ ପଞ୍ଜାବରୁ ଗୁରଜନ୍ତ ଏବଂ ସାଜନଙ୍କୁ ଗିରଫ କରାଯାଇଥିଲା। ଶେଷରେ ଏପ୍ରିଲ ୨୪ ରେ ଗଗନପ୍ରୀତକୁ ଦିଲ୍ଲୀରୁ ଧରାଯାଇଥିଲା। ପୋଲିସ ଆଗରେ ସେମାନେ ମାନିଛନ୍ତି ଯେ, ପୋଲିସ ଆଖିରେ ଧୂଳି ଦେବା ପାଇଁ ସେମାନେ ବିଦେଶୀ ନମ୍ବର ଏବଂ ଇଣ୍ଟରନେଟ୍ ମାଧ୍ୟମରେ ପାକିସ୍ତାନୀ ଲୋକଙ୍କ ସହ ସବୁବେଳେ ଯୋଗାଯୋଗରେ ରହୁଥିଲେ।

ତଦନ୍ତରୁ ଜଣାପଡ଼ିଛି ଯେ, ଏହି ଗୋଷ୍ଠୀ ପାକିସ୍ତାନ ସୀମାରୁ ଡ୍ରୋନ୍ ସାହାଯ୍ୟରେ ପଠାଯାଉଥିବା ଅସ୍ତ୍ରଶସ୍ତ୍ର ଏବଂ ନିଶାଦ୍ରବ୍ୟ ଆଣୁଥିଲେ। ଗଗନପ୍ରୀତ ଦିଲ୍ଲୀର ବିଭିନ୍ନ ପୋଲିସ ଷ୍ଟେସନ ଏବଂ ମନ୍ଦିର-ମସଜିଦ୍ ଭଳି ଧାର୍ମିକ ସ୍ଥାନଗୁଡ଼ିକ ଉପରେ ନଜର ରଖି ଭିଡିଓ ତିଆରି କରୁଥିଲା ଏବଂ ତାକୁ ବିଦେଶକୁ ପଠାଉଥିଲା। ଗୁରଜନ୍ତ ଏବଂ ସାଜନଙ୍କ ନାମରେ ପୂର୍ବରୁ ମଧ୍ୟ ନିଶାଦ୍ରବ୍ୟ କାରବାର ମାମଲା ରହିଛି, ସେମାନେ ମୁଖ୍ୟତଃ ଡ୍ରୋନରେ ଆସୁଥିବା ସାମଗ୍ରୀକୁ ଲୁଚାଇ ରଖିବା କାମ କରୁଥିଲେ।

About the Author

Author

Post navigation
Previous: ପ୍ରବଳ ବର୍ଷା ପାଇଁ କନ୍ଧମାଳରେ ଜୁଲାଇ ୩ରେ ବନ୍ଦ ରହିବ ସମସ୍ତ ସ୍କୁଲ, ଜିଲ୍ଲାପାଳଙ୍କ ବଡ଼ ନିଷ୍ପତ୍ତିNext: ୨ୟ ଦିନରେ ଡାକ୍ତରଙ୍କ କାର୍ଯ୍ୟବନ୍ଦ ଆନ୍ଦୋଳନ: ଗାଁଠୁ ସହର ସବୁଠି ରୋଗୀ ହନ୍ତସନ୍ତ, ଚେତାବନୀ ଦେଲା ସଂଘ