Share this article:
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଗାଳିଗୁଲଜ ଓ ଘୃଣା କେବେବି କୌଣସି ସମସ୍ୟାର ସମାଧାନ କରିପାରିବ ନାହିଁ। ସେ ପଥଭ୍ରଷ୍ଟ ହୋଇଥିବା ଯୁବପିଢ଼ିଙ୍କୁ ଦଣ୍ଡ ଦେବା ବଦଳରେ ସେମାନଙ୍କ ପ୍ରତି ସହାନୁଭୂତି ଦେଖାଇ ଦେଶ ଗଠନର ସଠିକ୍ ରାସ୍ତା ଦେଖାଇବାକୁ ଆହ୍ୱାନ କରିଛନ୍ତି।
ସୋସିଆଲ ମିଡିଆ ଭିଡିଓ ବାର୍ତ୍ତାରେ ସେ ଦିଲ୍ଲୀର ଜନ୍ତର ମନ୍ତରରେ ତାଙ୍କ ଏବଂ ତାଙ୍କ ମାଆଙ୍କ ବିରୋଧରେ ଅଶାଳୀନ ଭାଷା ବ୍ୟବହାର ହୋଇଥିବା ଘଟଣାର ଉଲ୍ଲେଖ କରି କହିଛନ୍ତି ଯେ ଏହାକୁ ସମସ୍ତେ ଦେଖିଛନ୍ତି ଏବଂ ସମାଜରେ ରୋଷ ସ୍ୱାଭାବିକ ହେଲେ ମଧ୍ୟ ପିଲାବେଳ ହେଉଛି ଭୁଲ୍ ସୁଧାରିବାର ସମୟ।
ପ୍ରଧାନମନ୍ତ୍ରୀ ଏହି ଘଟଣାରେ ସମ୍ପୃକ୍ତ ପିଲାମାନଙ୍କୁ କ୍ଷମା କରିବାକୁ ଚାହୁଁଥିବା କହିବା ସହ ସେମାନଙ୍କୁ ଆଇନଗତ ମାମଲାରେ ଛନ୍ଦିବା ପରିବର୍ତ୍ତେ ଆପଣାର କରି ସଠିକ୍ ମାର୍ଗ ଦେଖାଇବାକୁ ସମସ୍ତଙ୍କୁ ଅନୁରୋଧ କରିଛନ୍ତି।
ଦଣ୍ଡ ଅପେକ୍ଷା ସଠିକ୍ ମାର୍ଗଦର୍ଶନ ଅଧିକ ଜରୁରୀ ବୋଲି ମତ ଦେଇ ସେ କହିଛନ୍ତି ଯେ ସହଯୋଗ ଓ ସକାରାତ୍ମକ ଦିଗନିର୍ଦ୍ଦେଶ ପାଇଲେ ଏହି ଯୁବକଯୁବତୀମାନେ ଭବିଷ୍ୟତରେ ଦାୟିତ୍ୱବାନ ନାଗରିକ ହୋଇପାରିବେ। ଯୁବପିଢ଼ି ନିଜ ଭୁଲରୁ ଶିକ୍ଷା ନେଇ ଆତ୍ମବିଶ୍ୱାସର ସହ ଆଗକୁ ବଢ଼ିବାକୁ ଏବଂ ଦେଶର ବିକାଶରେ ଅବଦାନ ରଖିବାକୁ ସେ ଆଶା ପ୍ରକାଶ କରିଛନ୍ତି।
ଶେଷରେ ପ୍ରଧାନମନ୍ତ୍ରୀ ଦେଶବାସୀଙ୍କୁ ଏକାଠି ହୋଇ ପ୍ରଗତି ପାଇଁ କାମ କରିବାକୁ ଆହ୍ୱାନ ଜଣାଇ ପୁଣି ଦୋହରାଇଛନ୍ତି ଯେ ଗାଳିଗୁଲଜ ଓ ଘୃଣା କେବେବି ସମସ୍ୟାର ସମାଧାନ କରିପାରିବ ନାହିଁ।
About the Author
Author
Post navigation
Previous: ଓଡ଼ିଶାରେ SIR-୨୦୨୬ ପାଇଁ ନୂଆ ସମୟସୀମା ଘୋଷଣା କଲା ନିର୍ବାଚନ ଆୟୋଗNext: ପର୍ଯ୍ୟଟକଙ୍କ ପାଇଁ ଖୋଲିଲା ଭିତରକନିକା ଜାତୀୟ ଉଦ୍ୟାନ