ଓଡ଼ିଶାର ଭଦ୍ରକ ଜିଲ୍ଲାରେ ମଦ ଦୋକାନ ଲାଇସେନ୍ସ ବଣ୍ଟନ ପାଇଁ ଜିଲ୍ଲାପାଳ ଆଖିରେ କଳାପଟି ବାନ୍ଧି ଲଟେରି ମାଧ୍ୟମରେ ବିଜେତା ଚୟନ କରିଛନ୍ତି। ସୂଚନା ଅନୁସାରେ, ଭଦ୍ରକ ଅବକାରୀ ବିଭାଗ ପକ୍ଷରୁ ଜିଲ୍ଲାର ବିଭିନ୍ନ ସ୍ଥାନରେ ମୋଟ ୫୩ଟି ନୂଆ ଦେଶୀ ଓ ବିଦେଶୀ ମଦ ଦୋକାନ ଲାଇସେନ୍ସ ବଣ୍ଟନ ପାଇଁ ଏହି ଲଟେରିର ଆୟୋଜନ କରାଯାଇଥିଲା।
ଏହି ଲାଇସେନ୍ସ ପାଇବା ପାଇଁ ପ୍ରାୟ ୬୪୦ ରୁ ଅଧିକ ଲୋକ ଆବେଦନ କରିଥିଲେ, ଯେଉଁଥିପାଇଁ ସେଠାରେ ଆବେଦନକାରୀଙ୍କ ପ୍ରବଳ ଭିଡ଼ ଜମିଥିଲା। ତେବେ ସମ୍ପୂର୍ଣ୍ଣ ପ୍ରକ୍ରିୟାକୁ ନିରପେକ୍ଷ ଓ ସ୍ୱଚ୍ଛ ରଖିବା ପାଇଁ ନିଜେ ଜିଲ୍ଲାପାଳ ଆଖିରେ କଳାପଟି ବାନ୍ଧି ଲଟେରି ଟୋକନ୍ ଉଠାଇଥିଲେ।
ଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ ଏବଂ ଅବକାରୀ ବିଭାଗର ମୁଖ୍ୟଙ୍କ ଉପସ୍ଥିତିରେ ଏହି ଲଟେରି ପ୍ରକ୍ରିୟା ହୋଇଥିଲା। ଜିଲ୍ଲାପାଳ ନିଜେ ଏହି ଲଟେରି ଉଠାଇଥିଲେ। ତେଣୁ ଲଟେରି ଉଠାଇବା ସମୟରେ ସେ ନିଜ ଆଖିରେ ଏକ କଳା କପଡ଼ା ବାନ୍ଧି ଗୋଟିଏ ପରେ ଗୋଟିଏ ଟୋକନ୍ ବାହାର କରିଥିଲେ।
ସେଠାରେ ଉପସ୍ଥିତ ଥିବା ଆବେଦନକାରୀମାନେ ବଡ଼ ବଡ଼ ଏଲ୍ସିଡି (LCD) ସ୍କ୍ରିନ୍ ମାଧ୍ୟମରେ ଏହି ଲଟେରି ଉଠାଣର ଭିଡିଓ ସିଧାସଳଖ ଦେଖିପାରୁଥିଲେ। ଏହାକୁ ନେଇ କିଛି ଲୋକ ଅଭିଯୋଗ କରିଥିଲେ ଯେ ଜିଲ୍ଲାପାଳ ଆଖି ବନ୍ଦ କରି ମଦ ଲାଇସେନ୍ସ ବାଣ୍ଟୁଛନ୍ତି। କିନ୍ତୁ ପ୍ରକୃତରେ ଏହି ସମସ୍ତ ପ୍ରକ୍ରିୟା ସରକାରଙ୍କ ନିୟମ ଓ ନିର୍ଦ୍ଦେଶ ଅନୁସାରେ କରାଯାଉଥିଲା ବୋଲି ଅବକାରୀ ବିଭାଗ ସ୍ପଷ୍ଟ କରିଛି।
About the Author
Author
Post navigation
Previous: ବିଭିନ୍ନ ପ୍ରମୁଖ ଯୋଜନାର ସମନ୍ୱୟରେ ସୁଦୃଢ଼ ହେବ ସ୍କୁଲ ଶିକ୍ଷା ବ୍ୟବସ୍ଥା- ଧର୍ମେନ୍ଦ୍ର ପ୍ରଧାନNext: ଦୁର୍ନୀତି ବିରୋଧରେ ଜିରୋ ଟଲରେନ୍ସ: ସରକାରୀ ଚାକିରିରୁ ବିଦା ହେଲେ ପୂର୍ବତନ ଅତିରିକ୍ତ ତହସିଲଦାର