ଦେଶ-ବିଦେଶରୁ ଆସୁଥିବା ଲକ୍ଷ ଲକ୍ଷ ଭକ୍ତଙ୍କ ପାଇଁ ଏହି ବୈଠକରେ ଆଇନ ଶୃଙ୍ଖଳା, ଭିଡ଼ ନିୟନ୍ତ୍ରଣ, ଟ୍ରାଫିକ ବ୍ୟବସ୍ଥା ଓ ସୁରକ୍ଷା ଉପରେ ଆଲୋଚନା କରାଯାଇଛି।

ବୈଠକ ପରେ ଡିଜିପି ଗଣମାଧ୍ୟମକୁ କହିଛନ୍ତି ଯେ, ରଥଯାତ୍ରା ପାଇଁ ୧୨,୦୦୦ ରୁ ଅଧିକ ପୁଲିସ କର୍ମଚାରୀ ମୁତୟନ ହେବେ। ସୁରକ୍ଷା ପାଇଁ ୨୦୦ ରୁ ଅଧିକ ପ୍ଲାଟୁନ୍ ପୁଲିସ ଫୋର୍ସ ସହ ଆର.ଏ.ଏଫ୍ (RAF), ଏନ୍.ଏସ୍.ଜି (NSG), ସ୍ୱତନ୍ତ୍ର ସୁରକ୍ଷା ଦଳ ଏବଂ ହୋମଗାର୍ଡମାନଙ୍କୁ ପୁରୀର ପ୍ରମୁଖ ସ୍ଥାନଗୁଡ଼ିକରେ ମୁତୟନ କରାଯିବ। ଭକ୍ତ ଓ ସାଧାରଣ ଜନତା ଯେପରି ସହଜରେ ଯାତାୟାତ କରିପାରିବେ, ସେଥିପାଇଁ ପ୍ରଶାସନକୁ ସହଯୋଗ କରିବାକୁ ଏବଂ ପୁଲିସର ଟ୍ରାଫିକ ନିୟମ ମାନିବାକୁ ଡିଜିପି ଅନୁରୋଧ କରିଛନ୍ତି।

ସୁରକ୍ଷା ବ୍ୟବସ୍ଥା ଉପରେ ଭରସା ରଖି ଡିଜିପି କହିଛନ୍ତି ଯେ, ସବୁ ବିଭାଗର ମିଳିତ ଚେଷ୍ଟା ଏବଂ ଜନସାଧାରଣଙ୍କ ସହଯୋଗ ମିଳିଲେ ରଥଯାତ୍ରା ବହୁତ ଶାନ୍ତିପୂର୍ଣ୍ଣ ଓ ଶୃଙ୍ଖଳିତ ଭାବେ ଶେଷ ହେବ। ଏହି ବୈଠକରେ ଅତିରିକ୍ତ ଡିଜିପି ଆର.ପି. କୋଚେ, ସୌମେନ୍ଦ୍ର ପ୍ରିୟଦର୍ଶୀ, ଅରୁଣ ବୋଥ୍ରା, ସଞ୍ଜୟ କୁମାର, ଅମିତାଭ ଠାକୁର, ରାଜେଶ କୁମାରଙ୍କ ସହ ସେଣ୍ଟ୍ରାଲ ରେଞ୍ଜ ଆଇଜି ଏବଂ ଅନ୍ୟାନ୍ୟ ବରିଷ୍ଠ ପୁଲିସ ଅଧିକାରୀମାନେ ଉପସ୍ଥିତ ଥିଲେ।

About the Author

Author

Post navigation
Previous: ଆମେରିକାରେ ଓଡ଼ିଆ ସଂସ୍କୃତିର ଜୟଗାନ: ୫୭ତମ 'ଓସା' ସମ୍ମିଳନୀରେ ଯୋଗଦେଲେ ଅଚ୍ୟୁତ ସାମନ୍ତNext: ମୋଦୀଙ୍କ ଗସ୍ତ ପୂର୍ବରୁ ଭାରତ ପ୍ରେମରେ ଅଷ୍ଟ୍ରେଲିଆ: ପିଏମ୍ ଆଲବାନିଜ୍ କହିଲେ- 'ଆମ ପାଇଁ ସବୁଠୁ ଗୁରୁତ୍ୱପୂର୍ଣ୍ଣ ସହଯୋଗୀ ହେଉଛି ଭାରତ'