Friday, 13 Dec, 12.04 pm ਡੇਲੀ ਹਮਦਰਦ

ਅੰਤਰਰਾਸ਼ਟਰੀ
ਅਮਰੀਕਾ ਅਤੇ ਚੀਨ ਵਿਚਾਲੇ ਵਪਾਰ ਸਮਝੌਤੇ ਲਈ ਬਣੀ ਸਹਿਮਤੀ

ਵਾਸ਼ਿੰਗਟਨ, 12 ਦਸੰਬਰ, ਹ.ਬ. : ਅਮਰੀਕਾ ਅਤੇ ਚੀਨ ਦੇ ਵਿਚਾਲੇ ਪਹਿਲੇ ਪੜਾਅ ਦੇ ਵਪਾਰ ਸਮਝੋਤੇ 'ਤੇ ਸਹਿਮਤੀ ਬਣ ਗਈ। ਇਸ ਨਾਲ ਦੋਵੇਂ ਦੇਸ਼ਾਂ ਦੇ ਵਿਚਾਲੇ ਪਿਛਲੇ 17 ਮਹੀਨਿਆਂ ਤੋਂ ਚਲ ਰਿਹਾ ਟਰੇਡ ਵਾਰ ਫਿਲਹਾਲ ਰੁਕ ਜਾਵੇਗਾ। ਅਮਰੀਕੀ ਮੀਡੀਆ ਦੇ ਮੁਤਾਬਕ ਰਾਸਟਰਪਤੀ ਟਰੰਪ ਇਸ ਸਮਝੌਤੇ 'ਤੇ ਹਸਤਾਖਰ ਕਰ ਚੁੱਕੇ ਹਨ, ਸਿਰਫ ਅਧਿਕਾਰਕ ਹੋਣਾ ਬਾਕੀ ਹੈ।
ਸਮਝੌਤੇ ਦੀ ਸਰਤਾਂ ਮੁਤਬਕ ਲਗਭਗ 11 ਲੱਖ ਕਰੋੜ ਦੇ ਚੀਨੀ ਵਪਾਰ 'ਤੇ 15 ਦਸੰਬਰ ਤੱਕ ਲੱਗਿਆ ਪ੍ਰਸਤਾਵਿਤ ਅਮਰੀਕੀ ਟੈਰਿਫ ਟਲ ਜਾਵੇਗਾ। ਜਿਹੜੇ ਉਤਪਾਦਾਂ 'ਤੇ ਟੈਕਸ ਲਾਇਆ ਜਾਣਾ ਸੀ ਉਨ੍ਹਾਂ ਵਿਚ ਇਲੈਕਟਰਾਨਿਕ ਅਤੇ ਖਿਡੌਣੇ ਵੀ ਸ਼ਾਮਲ ਸੀ।
ਚੀਨ ਤੋਂ ਆਉਣ ਵਾਲੇ ਸਮਾਨ 'ਤੇ ਪਹਿਲਾਂ ਤੋਂ ਲੱਗ ਰਹੇ ਕੁਝ ਟੈਰਿਫ ਵਿਚ 50 ਫ਼ੀਸਦੀ ਤੱਕ ਕਟੌਤੀ ਕੀਤੀ ਜਾਵੇਗੀ। ਸਮਝੌਤੇ ਦੇ ਤਹਿਤ ਚੀਨ ਅਮਰੀਕੀ ਖੇਤੀਬਾੜੀ ਉਤਪਾਦਾਂ 'ਤੇ ਟੈਕਸ ਘਟਾ ਕੇ ਖਰੀਦ ਵਧਾਉਣ ਲਈ ਰਾਜ਼ੀ ਹੋਇਆ ਹੈ। ਅਮਰੀਕਾ ਅਤੇ ਚੀਨ ਦੇ ਵਿਚਾਲੇ ਅਕਤੂਬਰ ਤੋਂ ਇਸ ਸਬੰਧ ਵਿਚ ਵਾਰਤਾ ਚਲ ਰਹੀ ਸੀ। ਅਮਰੀਕੀ ਰਾਸ਼ਟਰਪਤੀ ਟਰੰਪ ਨੇ ਉਦੋਂ ਸੰਕੇਤ ਦਿੱਤੇ ਸਨ ਕਿ ਇਸ ਸਾਲ ਦੇ ਆਖਰ ਤੱਕ ਪਹਿਲੇ ਪੜਾਅ ਦੀ ਡੀਲ ਹੋ ਸਕਦੀ ਹੈ । ਹਾਲਾਂਕਿ ਪਿਛਲੇ ਦਿਨੀਂ ਟਰੰਪ ਦੇ ਇੱਕ ਬਿਆਨ ਤੋਂ ਸਨਸਨੀ ਮਚ ਗਈ ਸੀ । ਜਿਸ ਵਿਚ ਟਰੰਪ ਨੇ ਕਿਹਾ ਸੀ ਕਿ ਉਹ ਸਮਝੌਤੇ ਦੇ ਲਈ 2020 ਦੀਆਂ ਚੋਣਾਂ ਤੱਕ ਉਡੀਕ ਕਰ ਸਕਦੇ ਹਨ।
ਦੂਜੇ ਪਾਸੇ ਅਮਰੀਕਾ-ਚੀਨ ਵਿਚਾਲੇ ਸਮਝੌਤੇ ਦੀ ਰਿਪੋਰਟ ਨਾਲ ਦੁਨੀਆ ਭਰ ਦੇ ਸ਼ੇਅਰ ਬਾਜ਼ਾਰਾਂ ਵਿਚ ਤੇਜ਼ੀ ਆਈ ਹੈ। ਭਾਰਤ ਸਣੇ ਦੂਜੇ ਏਸ਼ਿਆਈ ਬਾਜ਼ਾਰਾਂ ਵਿਚ ਵੀ ਤੇਜ਼ੀ ਦੇਖੀ ਜਾ ਰਹੀ ਹੈ।

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Daily Hamdard
Top