Tuesday, 24 Mar, 11.25 pm ਨਵਾਂ ਜ਼ਮਾਨਾ

ਰਾਸ਼ਟਰੀ
ਸ਼ਾਹੀਨ ਬਾਗ ਦਾ ਧਰਨਾ ਚੁਕਵਾਇਆ

ਨਵੀਂ ਦਿੱਲੀ : ਪੁਲਸ ਨੇ ਨਾਗਰਿਕਤਾ ਕਾਨੂੰਨਾਂ ਖਿਲਾਫ 100 ਤੋਂ ਵੱਧ ਦਿਨਾਂ ਤੋਂ ਸ਼ਾਹੀਨ ਬਾਗ ਵਿਚ ਚੱਲ ਰਿਹਾ ਧਰਨਾ ਮੰਗਲਵਾਰ ਚੁਕਵਾ ਦਿੱਤਾ। ਡੀ ਸੀ ਪੀ ਸ੍ਰੀ ਆਰ ਪੀ ਮੀਣਾ ਨੇ ਕਿਹਾ, 'ਅਸੀਂ ਕੋਰੋਨਾ ਵਾਇਰਸ ਤੇ ਲਾਕਡਾਊਨ ਕਾਰਨ ਸਵੇਰੇ ਧਰਨਾਕਾਰੀਆਂ ਨੂੰ ਉੱਠ ਜਾਣ ਦੀ ਬੇਨਤੀ ਕੀਤੀ ਸੀ, ਉਹ ਨਹੀਂ ਮੰਨੇ ਤਾਂ ਉਨ੍ਹਾਂ ਨੂੰ ਉੱਥੋਂ ਉਠਾ ਦਿੱਤਾ ਗਿਆ। 6 ਬੀਬੀਆਂ ਸਣੇ 9 ਲੋਕਾਂ ਨੂੰ ਹਿਰਾਸਤ ਵਿਚ ਵੀ ਲਿਆ ਗਿਆ।' ਇਸ ਤੋਂ ਪਹਿਲਾਂ ਜਾਮੀਆ ਦੇ ਬਾਹਰ ਚੱਲ ਰਿਹਾ ਪ੍ਰੋਟੈੱਸਟ ਵੀ ਪਿਛਲੇ ਹਫਤੇ ਬੰਦ ਹੋ ਗਿਆ ਸੀ। ਪਹਿਲੇ ਦਿਨ ਤੋਂ ਧਰਨੇ ਵਿਚ ਸ਼ਾਮਲ ਹੋਣ ਵਾਲੀ ਇਕ ਵਾਲੰਟੀਅਰ ਨੇ ਕਿਹਾ ਕਿ ਕੋਰੋਨਾ ਵਾਇਰਸ ਕਾਰਨ ਸਵੇਰੇ 7 ਵਜੇ ਮੌਕੇ 'ਤੇ 8-10 ਧਰਨਾਕਾਰੀ ਹੀ ਸਨ। ਭਾਰੀ ਪੁਲਸ ਫੋਰਸ ਨੇ ਉਨ੍ਹਾਂ ਨੂੰ ਉਥੋਂ ਹਟਾ ਦਿੱਤਾ ਅਤੇ ਸਟੇਜ ਤੋੜ ਦਿੱਤੀ। ਭਾਰਤ ਦਾ ਵਿਸ਼ਾਲ ਨਕਸ਼ਾ ਵੀ ਤੋੜ ਦਿੱਤਾ।
ਧਰਨਾ ਚੁਕਾਉਣ ਲਈ ਸੁਪਰੀਮ ਕੋਰਟ ਵੱਲੋਂ ਨਿਯੁਕਤ ਕੀਤੇ ਗਏ ਸਾਲਸਾਂ ਐਡਵੋਕੇਟ ਸੰਜੇ ਹੈਗੜੇ ਤੇ ਐਡਵੋਕੇਟ ਸਾਧਨਾ ਰਾਮਾਚੰਦਰਨ ਨੇ ਕਿਹਾ ਹੈ ਕਿ ਧਰਨੇ ਚੁੱਕੇ ਜਾਣ ਨੂੰ ਜਿੱਤ ਜਾਂ ਹਾਰ ਦੇ ਸਵਾਲ ਵਜੋਂ ਨਹੀਂ ਲਿਆ ਜਾਣਾ ਚਾਹੀਦਾ ਹੈ। ਉਹ ਪ੍ਰਸ਼ਾਸਨ ਤੇ ਪ੍ਰੋਟੈੱਸਟਰਾਂ ਨੂੰ ਅਪੀਲ ਕਰਦੇ ਹਨ ਕਿ ਅਜਿਹੀ ਕੋਈ ਗੱਲ ਨਾ ਕਰਨ, ਜਿਸ ਨਾਲ ਖਿਚਾਅ ਪੈਦਾ ਹੋਵੇ ਤੇ ਗਲੀਆਂ ਵਿਚ ਮੁਜ਼ਾਹਰੇ ਹੋਣ।
Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Daily Nawan Zamana
Top