ਖੰਨਾ 'ਚ ਕਰੋੜਾਂ ਦੀ ਚੋਰੀ: ਵਿਸ਼ਵਾਸਪਾਤਰ ਨੌਕਰ ਨੇ ਪਤਨੀ ਨਾਲ ਮਿਲ ਕੇ ਮਾਲਕਾਂ ਨੂੰ ਲਾਇਆ ਚੂਨਾ, ਮਾਸੂਮ ਬੱਚਿਆਂ ਨੇ ਖੋਲ੍ਹਿਆ ਪਿਤਾ ਦਾ ਰਾਜ਼

ਖੰਨਾ: ਸ਼ਹਿਰ ਦੇ ਇੱਕ ਨਾਮੀ ਉਦਯੋਗਪਤੀ ਦੇ ਘਰ ਹੋਈ ਕਰੋੜਾਂ ਰੁਪਏ ਦੀ ਚੋਰੀ ਦੇ ਮਾਮਲੇ ਨੂੰ ਪੁਲਿਸ ਨੇ ਸੁਲਝਾ ਲਿਆ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਸ ਵਾਰਦਾਤ ਨੂੰ ਕਿਸੇ ਬਾਹਰੀ ਵਿਅਕਤੀ ਨੇ ਨਹੀਂ, ਸਗੋਂ ਪਿਛਲੇ ਕਈ ਸਾਲਾਂ ਤੋਂ ਘਰ ਵਿੱਚ ਕੰਮ ਕਰ ਰਹੇ ਇੱਕ ਭਰੋਸੇਯੋਗ ਨੌਕਰ ਨੇ ਆਪਣੀ ਪਤਨੀ ਨਾਲ ਮਿਲ ਕੇ ਅੰਜਾਮ ਦਿੱਤਾ ਸੀ। ਪੁਲਿਸ ਨੇ ਦੋਸ਼ੀ ਪਤੀ-ਪਤਨੀ ਨੂੰ ਗ੍ਰਿਫਤਾਰ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਕੋਵਿਡ ਕਾਲ ਤੋਂ ਬਣਿਆ ਸੀ ਪਰਿਵਾਰ ਦਾ ਹਿੱਸਾ

ਜਾਣਕਾਰੀ ਅਨੁਸਾਰ ਸੁਲੇਖ ਰਾਮ ਬਿਲਡਿੰਗ ਨਿਵਾਸੀ ਉਦਯੋਗਪਤੀ ਪਰਿਵਾਰ ਨੇ ਕੋਵਿਡ ਦੇ ਸਮੇਂ ਬਜ਼ੁਰਗ ਮਹਿਲਾ ਸੁਵੇਲਾ ਕੰਵਰ (65) ਦੀ ਦੇਖਭਾਲ ਲਈ ਨਨਕੂ ਉਰਫ ਪੱਪੂ ਚੌਧਰੀ ਨੂੰ ਕੰਮ 'ਤੇ ਰੱਖਿਆ ਸੀ। ਨਨਕੂ ਆਪਣੇ ਪਰਿਵਾਰ ਸਮੇਤ ਘਰ ਦੇ ਅੰਦਰ ਬਣੇ ਕੁਆਰਟਰ ਵਿੱਚ ਹੀ ਰਹਿੰਦਾ ਸੀ। ਲੰਬੇ ਸਮੇਂ ਤੱਕ ਕੰਮ ਕਰਨ ਕਾਰਨ ਉਸ ਨੇ ਪਰਿਵਾਰ ਦਾ ਅਟੁੱਟ ਵਿਸ਼ਵਾਸ ਜਿੱਤ ਲਿਆ ਸੀ, ਜਿਸ ਕਾਰਨ ਉਸ ਨੂੰ ਘਰ ਦੀਆਂ ਅਲਮਾਰੀਆਂ ਅਤੇ ਕੀਮਤੀ ਸਾਮਾਨ ਬਾਰੇ ਪੂਰੀ ਜਾਣਕਾਰੀ ਸੀ।

ਦੁਬਈ ਤੋਂ ਆਈ ਧੀ ਨੇ ਖੋਲ੍ਹਿਆ ਚੋਰੀ ਦਾ ਭੇਦ

ਚੋਰੀ ਦਾ ਪਤਾ ਉਦੋਂ ਲੱਗਾ ਜਦੋਂ ਪਰਿਵਾਰ ਦੀ ਧੀ ਦੁਬਈ ਤੋਂ ਵਾਪਸ ਪਰਤੀ। ਜਦੋਂ ਉਸ ਨੇ ਇੱਕ ਸਮਾਰੋਹ ਵਿੱਚ ਜਾਣ ਲਈ ਆਪਣੀ ਅਲਮਾਰੀ ਖੋਲ੍ਹੀ ਤਾਂ ਉਸ ਦੇ ਹੋਸ਼ ਉੱਡ ਗਏ। ਅਲਮਾਰੀ ਵਿੱਚੋਂ ਕਰੋੜਾਂ ਰੁਪਏ ਦੇ ਕੀਮਤੀ ਗਹਿਣੇ ਗਾਇਬ ਸਨ। ਜਦੋਂ ਨੌਕਰ ਨਨਕੂ ਤੋਂ ਪੁੱਛਗਿੱਛ ਕੀਤੀ ਗਈ ਤਾਂ ਉਸ ਨੇ ਸਾਫ਼ ਇਨਕਾਰ ਕਰ ਦਿੱਤਾ, ਪਰ ਉਸ ਦੀ ਬਦਲੀ ਹੋਈ ਜੀਵਨ ਸ਼ੈਲੀ ਨੇ ਸ਼ੱਕ ਪੈਦਾ ਕਰ ਦਿੱਤਾ। ਪਤਾ ਲੱਗਾ ਕਿ ਨਨਕੂ ਆਪਣੇ ਪਿੰਡ (ਯੂ.ਪੀ.) ਵਿੱਚ ਆਲੀਸ਼ਾਨ ਕੋਠੀ ਬਣਵਾ ਰਿਹਾ ਹੈ ਅਤੇ ਮਹਿੰਗੇ ਮੋਬਾਈਲਾਂ ਤੇ ਕੱਪੜਿਆਂ 'ਤੇ ਖਰਚਾ ਕਰ ਰਿਹਾ ਹੈ।

सम्बंधित ख़बरें

By Anil_Thakur 4 Apr 2026,

ਸਰਕਾਰੀ ਸਕੂਲ 'ਚ ਅੱਧੀ ਰਾਤ ਨੂੰ ਮਰਦ-ਜਨਾਨੀ ਨੇ ਮਾਰਿਆ ਡਾਕਾ, ਮਿਡ-ਡੇ-ਮੀਲ ਦਾ ਰਾਸ਼ਨ ਤੇ ਸਿਲੰਡਰ ਵੀ ਨਾ ਛੱਡੇ

By Sonam Malhotra 4 Apr 2026,

ਮਾਸੂਮ ਬੱਚਿਆਂ ਦੀ ਜ਼ਬਾਨੀ ਨਿਕਲਿਆ ਸੱਚ

ਮਾਮਲੇ ਵਿੱਚ ਸਭ ਤੋਂ ਵੱਡਾ ਖੁਲਾਸਾ ਨਨਕੂ ਦੇ 10 ਸਾਲਾ ਪੁੱਤਰ ਨੇ ਕੀਤਾ। ਜਦੋਂ ਪਰਿਵਾਰ ਨੇ ਬੱਚਿਆਂ ਨਾਲ ਗੱਲ ਕੀਤੀ ਤਾਂ ਮਾਸੂਮ ਬੱਚੇ ਨੇ ਦੱਸਿਆ ਕਿ ਉਸ ਦਾ ਪਿਤਾ ਘਰ ਦੇ ਅੰਦਰ ਹੀ ਜ਼ਮੀਨ ਪੁੱਟ ਕੇ ਗਹਿਣੇ ਲੁਕਾਉਂਦਾ ਸੀ। ਬੱਚੇ ਦੀ ਨਿਸ਼ਾਨਦੇਹੀ 'ਤੇ ਜਦੋਂ ਉਸ ਥਾਂ ਦੀ ਖੁਦਾਈ ਕੀਤੀ ਗਈ ਤਾਂ ਉੱਥੋਂ ਚੋਰੀ ਕੀਤੇ ਗਏ ਗਹਿਣੇ ਬਰਾਮਦ ਹੋਏ, ਜਿਸ ਤੋਂ ਬਾਅਦ ਨਨਕੂ ਦਾ ਸਾਰਾ ਝੂਠ ਫੜਿਆ ਗਿਆ।

ਪੁਲਿਸ ਕਾਰਵਾਈ ਅਤੇ ਪੁਰਾਣਾ ਅਪਰਾਧਿਕ ਰਿਕਾਰਡ

ਡੀਐਸਪੀ ਕਰਮਜੀਤ ਸਿੰਘ ਗਰੇਵਾਲ ਨੇ ਦੱਸਿਆ ਕਿ ਪੁਲਿਸ ਨੇ ਮੁਲਜ਼ਮ ਨਨਕੂ ਅਤੇ ਉਸ ਦੀ ਪਤਨੀ ਸਪਨਾ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਿਸ ਰਿਮਾਂਡ ਦੌਰਾਨ ਹੁਣ ਤੱਕ ਪੰਜ ਤੋਲੇ ਸੋਨਾ ਬਰਾਮਦ ਕੀਤਾ ਜਾ ਚੁੱਕਾ ਹੈ ਅਤੇ ਬਾਕੀ ਗਹਿਣਿਆਂ ਦੀ ਬਰਾਮਦਗੀ ਲਈ ਛਾਪੇਮਾਰੀ ਜਾਰੀ ਹੈ। ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਕਿ ਨਨਕੂ 'ਤੇ ਸਾਲ 2019 ਵਿੱਚ ਮੰਡੀ ਗੋਬਿੰਦਗੜ੍ਹ ਵਿੱਚ ਵੀ ਚੋਰੀ ਦਾ ਕੇਸ ਦਰਜ ਸੀ, ਪਰ ਉਸ ਨੇ ਇਹ ਗੱਲ ਛੁਪਾ ਕੇ ਖੰਨਾ ਵਿੱਚ ਨੌਕਰੀ ਹਾਸਲ ਕੀਤੀ ਸੀ।

ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ

ਪੰਜਾਬ 'ਚ ਇੱਟਾਂ ਦੀਆਂ ਕੀਮਤਾਂ ਨੂੰ ਲੱਗੀ ਅੱਗ: ਹੁਣ ₹8800 'ਚ ਮਿਲਣਗੀਆਂ ਇੱਕ ਹਜ਼ਾਰ ਇੱਟਾਂ, ਜਾਣੋ ਵਾਧੇ ਦਾ ਕਾਰਨ

ਖ਼ਬਰਾਂ ਦੇ ਅਪਡੇਟਸ ਲਈ LIVING INDIA NEWS 2 4/7 LIVE ਨਾਲ ਜੁੜੇ ਰਹੋ।