Dailyhunt Logo
  • Light mode
    Follow system
    Dark mode
    • Play Story
    • App Story
PM Modi Indonesia Visit: ਪੀਐਮ ਮੋਦੀ ਨੇ ਰਾਸ਼ਟਰਪਤੀ ਸੁਬੀਆਤੋ ਨਾਲ ਕੀਤਾ ਇੰਡੋਨੇਸ਼ੀਆ ਦੇ ਇਤਿਹਾਸਕ 'ਪ੍ਰੰਬਾਨਨ ਹਿੰਦੂ ਮੰਦਰ' ਦਾ ਦੌਰਾ

PM Modi Indonesia Visit: ਪੀਐਮ ਮੋਦੀ ਨੇ ਰਾਸ਼ਟਰਪਤੀ ਸੁਬੀਆਤੋ ਨਾਲ ਕੀਤਾ ਇੰਡੋਨੇਸ਼ੀਆ ਦੇ ਇਤਿਹਾਸਕ 'ਪ੍ਰੰਬਾਨਨ ਹਿੰਦੂ ਮੰਦਰ' ਦਾ ਦੌਰਾ

Living India News 4 months ago

ਦਿੱਲੀ : ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਬੁੱਧਵਾਰ ਨੂੰ ਆਪਣੀ ਇੰਡੋਨੇਸ਼ੀਆ ਯਾਤਰਾ ਦੌਰਾਨ ਰਾਸ਼ਟਰਪਤੀ ਪ੍ਰਬੋਵੋ ਸੁਬੀਆਤੋ ਨਾਲ ਯੋਗਿਆਕਾਰਤਾ ਵਿੱਚ ਸਥਿਤ ਮਸ਼ਹੂਰ 'ਪ੍ਰੰਬਾਨਨ ਮੰਦਰ' (Prambanan Temple) ਕੰਪਲੈਕਸ ਦਾ ਦੌਰਾ ਕੀਤਾ। ਇਹ ਇਤਿਹਾਸਕ ਮੰਦਰ ਯੂਨੈਸਕੋ (UNESCO) ਦੀ ਵਿਸ਼ਵ ਵਿਰਾਸਤ ਸੂਚੀ ਵਿੱਚ ਸ਼ਾਮਲ ਹੈ। ਦੋਵਾਂ ਨੇਤਾਵਾਂ ਨੇ ਇਸ ਵਿਰਾਸਤੀ ਸਥਾਨ ਦੇ ਸੁਰੱਖਿਆ ਅਤੇ ਜੀਰਨੋਧਾਰ (ਨਵੀਨੀਕਰਨ) ਪ੍ਰੋਜੈਕਟ ਦਾ ਰਸਮੀ ਉਦਘਾਟਨ ਵੀ ਕੀਤਾ, ਜਿਸ ਵਿੱਚ ਭਾਰਤ ਵੱਲੋਂ ਵਿਸ਼ੇਸ਼ ਸਹਾਇਤਾ ਦਿੱਤੀ ਜਾ ਰਹੀ ਹੈ।

ਪੀਐਮ ਮੋਦੀ ਆਪਣੇ ਤਿੰਨ ਦੇਸ਼ਾਂ (ਇੰਡੋਨੇਸ਼ੀਆ, ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ) ਦੇ ਦੌਰੇ ਦੇ ਪਹਿਲੇ ਪੜਾਅ ਤਹਿਤ ਸੋਮਵਾਰ ਨੂੰ ਜਕਾਰਤਾ ਪਹੁੰਚੇ ਸਨ ਅਤੇ ਅੱਜ ਆਪਣੇ ਪ੍ਰੋਗਰਾਮ ਮੁਕੰਮਲ ਕਰਕੇ ਉਹ ਆਸਟ੍ਰੇਲੀਆ ਲਈ ਰਵਾਨਾ ਹੋਣਗੇ।

ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਸ਼ਾਨਦਾਰ ਤਸਵੀਰ

ਇਸ ਇਤਿਹਾਸਕ ਦੌਰੇ ਲਈ ਦੋਵੇਂ ਆਗੂ ਵਿਸ਼ੇਸ਼ ਜਹਾਜ਼ ਰਾਹੀਂ ਯੋਗਿਆਕਾਰਤਾ ਪਹੁੰਚੇ। ਮੰਦਰ ਜਾਣ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਮੋਦੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' (ਟਵਿੱਟਰ) 'ਤੇ ਇੱਕ ਪੋਸਟ ਸਾਂਝੀ ਕਰਦਿਆਂ ਲਿਖਿਆ, "ਰਾਸ਼ਟਰਪਤੀ ਪ੍ਰਬੋਵੋ ਸੁਬੀਆਤੋ ਨਾਲ ਯੋਗਿਆਕਾਰਤਾ ਤੋਂ ਪ੍ਰੰਬਾਨਨ ਮੰਦਰ ਜਾ ਰਿਹਾ ਹਾਂ।" ਉਨ੍ਹਾਂ ਨੇ ਜਹਾਜ਼ ਦੇ ਅੰਦਰੋਂ ਦੋਵਾਂ ਨੇਤਾਵਾਂ ਦੇ ਹੱਥ ਮਿਲਾਉਂਦੇ ਹੋਏ ਇੱਕ ਖ਼ੂਬਸੂਰਤ ਤਸਵੀਰ ਵੀ ਸਾਂਝੀ ਕੀਤੀ ਅਤੇ ਇਸ ਸ਼ਾਨਦਾਰ ਮੰਦਰ ਦੀ ਤਾਰੀਫ਼ ਕੀਤੀ।

EVM ਤੇ ਬ੍ਰਹਮੋਸ ਮਿਜ਼ਾਈਲ ਸਣੇ ਕਈ ਅਹਿਮ ਮੁੱਦਿਆਂ 'ਤੇ ਹੋਏ ਸਮਝੌਤੇ

ਮੰਦਰ ਦੇ ਦੌਰੇ ਤੋਂ ਪਹਿਲਾਂ, ਪੀਐਮ ਮੋਦੀ ਅਤੇ ਰਾਸ਼ਟਰਪਤੀ ਸੁਬੀਆਤੋ ਵਿਚਕਾਰ ਇੱਕ ਉੱਚ-ਪੱਧਰੀ ਦੁਵੱਲੀ ਬੈਠਕ ਹੋਈ। ਇਸ ਦੌਰਾਨ ਭਾਰਤੀ ਇਲੈਕਟ੍ਰਾਨਿਕ ਵੋਟਿੰਗ ਮਸ਼ੀਨਾਂ (EVM) ਦੇ ਨਿਰਯਾਤ, ਬ੍ਰਹਮੋਸ ਮਿਜ਼ਾਈਲ ਅਤੇ ਖੇਤੀਬਾੜੀ ਖੇਤਰ ਵਿੱਚ ਆਪਸੀ ਸਹਿਯੋਗ ਵਰਗੇ ਅਹਿਮ ਮੁੱਦਿਆਂ 'ਤੇ ਵਿਸਥਾਰਪੂਰਵਕ ਚਰਚਾ ਹੋਈ। ਦੋਵਾਂ ਦੇਸ਼ਾਂ ਨੇ ਭਾਰਤੀ ਈਵੀਐਮ ਦੇ ਨਿਰਯਾਤ ਨੂੰ ਲੈ ਕੇ ਇੱਕ ਸਹਿਮਤੀ ਪੱਤਰ (MoU) 'ਤੇ ਦਸਤਖਤ ਵੀ ਕੀਤੇ। ਪ੍ਰਧਾਨ ਮੰਤਰੀ ਨੇ ਭਾਰਤ ਅਤੇ ਇੰਡੋਨੇਸ਼ੀਆ ਦੀ ਸਾਂਝੀ ਸੰਸਕ੍ਰਿਤੀ ਨੂੰ ਦੋਵਾਂ ਦੇਸ਼ਾਂ ਦੇ ਸਬੰਧਾਂ ਦੀ ਅਸਲ ਤਾਕਤ ਦੱਸਿਆ।

सम्बंधित ख़बरें

13 ਸਾਲ ਪਹਿਲਾਂ ਰੇਲ ਹਾਦਸੇ 'ਚ ਦੋਵੇਂ ਲੱਤਾਂ ਗਵਾ ਚੁੱਕਿਆ ਸੋਨੂ ਕੁਮਾਰ ਲਾਚਾਰ, ਗਠੀਏ ਨਾਲ ਪੀੜਤ ਪਤਨੀ ਘਰਾਂ 'ਚ ਕੰਮ ਕਰਕੇ ਪਾਲ ਰਹੀ ਪਰਿਵਾਰ

By Sonam Malhotra 12 Jul 2026,

By Sonam Malhotra 12 Jul 2026,

ਸਾਬਕਾ ਖਾੜਕੂ ਨਿਸ਼ਾਨ ਸਿੰਘ ਕਲਾਨੌਰ ਦਾ ਵੱਡਾ ਦਾਅਵਾ: ਜਸਵੰਤ ਸਿੰਘ ਖਾਲੜਾ ਦੀ ਸ਼ਹਾਦਤ ਦਾ ਬਦਲਾ ਲੈਣ ਲਈ ਅੰਮ੍ਰਿਤਸਰ ਜੇਲ੍ਹ 'ਚ ਐਸ.ਐਸ.ਪੀ. ਅਜੀਤ ਸੰਧੂ 'ਤੇ ਕੀਤਾ ਸੀ ਹਮਲਾ

By Sonam Malhotra 12 Jul 2026,

ਜਾਣੋ ਪ੍ਰੰਬਾਨਨ ਮੰਦਰ ਦਾ ਇਤਿਹਾਸ ਅਤੇ ਮਹੱਤਵ

ਪ੍ਰੰਬਾਨਨ ਮੰਦਰ ਕੰਪਲੈਕਸ ਯੋਗਿਆਕਾਰਤਾ ਸ਼ਹਿਰ ਤੋਂ ਲਗਭਗ 17 ਕਿਲੋਮੀਟਰ ਉੱਤਰ-ਪੂਰਬ ਵਿੱਚ ਸਥਿਤ ਹੈ ਅਤੇ ਇਸਨੂੰ ਇੰਡੋਨੇਸ਼ੀਆ ਦਾ ਸਭ ਤੋਂ ਵੱਡਾ ਹਿੰਦੂ ਮੰਦਰ ਮੰਨਿਆ ਜਾਂਦਾ ਹੈ। 10ਵੀਂ ਸਦੀ ਵਿੱਚ ਬਣਿਆ ਇਹ ਵਿਸ਼ਾਲ ਕੰਪਲੈਕਸ ਭਗਵਾਨ ਸ਼ਿਵ ਨੂੰ ਸਮਰਪਿਤ ਹੈ। ਯੂਨੈਸਕੋ ਮੁਤਾਬਕ, ਇਸ ਦੇ ਕੇਂਦਰ ਵਿੱਚ ਤਿੰਨ ਮੁੱਖ ਮੰਦਰ ਹਨ, ਜੋ ਤਿੰਨ ਮਹਾਨ ਹਿੰਦੂ ਦੇਵਤਿਆਂ-ਸ਼ਿਵ, ਵਿਸ਼ਨੂੰ ਅਤੇ ਬ੍ਰਹਮਾ ਨੂੰ ਸਮਰਪਿਤ ਹਨ। ਇਨ੍ਹਾਂ ਮੰਦਰਾਂ ਦੀਆਂ ਕੰਧਾਂ 'ਤੇ ਪਵਿੱਤਰ ਰਾਮਾਇਣ ਮਹਾਕਾਵਿ ਦੀਆਂ ਕਹਾਣੀਆਂ ਨੂੰ ਬਹੁਤ ਹੀ ਖ਼ੂਬਸੂਰਤ ਨੱਕਾਸ਼ੀ ਰਾਹੀਂ ਉਕਰਿਆ ਗਿਆ ਹੈ।

2029 ਤੋਂ ਪਹਿਲਾਂ ਕੰਮ ਮੁਕੰਮਲ ਕਰਨ ਦਾ ਟੀਚਾ: ਪੀਐਮ ਮੋਦੀ

ਮੰਦਰ ਦੇ ਦੌਰੇ ਤੋਂ ਬਾਅਦ ਦੋਵਾਂ ਦੇਸ਼ਾਂ ਵੱਲੋਂ ਇੱਕ ਸਾਂਝਾ ਬਿਆਨ ਜਾਰੀ ਕੀਤਾ ਗਿਆ। ਇਸ ਮੌਕੇ ਪੀਐਮ ਮੋਦੀ ਨੇ ਦੱਸਿਆ ਕਿ ਰਾਸ਼ਟਰਪਤੀ ਸੁਬੀਆਤੋ ਨੇ ਸਾਲ 2029 ਤੋਂ ਪਹਿਲਾਂ ਇਸ ਮੰਦਰ ਦੇ ਜੀਰਨੋਧਾਰ ਦਾ ਕੰਮ ਪੂਰਾ ਕਰਨ ਦਾ ਭਰੋਸਾ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਇੰਡੋਨੇਸ਼ੀਆ ਦੇ ਰਾਸ਼ਟਰਪਤੀ ਬਹੁਤ ਹੀ ਯੋਜਨਾਬੱਧ ਤਰੀਕੇ ਨਾਲ ਕੰਮ ਕਰਦੇ ਹਨ, ਇਸ ਲਈ ਉਨ੍ਹਾਂ ਨੂੰ ਪੂਰਾ ਵਿਸ਼ਵਾਸ ਹੈ ਕਿ ਇਹ ਕੰਮ ਸਮੇਂ ਸਿਰ ਪੂਰਾ ਹੋਵੇਗਾ ਅਤੇ ਉਹ ਦੁਬਾਰਾ ਇੰਡੋਨੇਸ਼ੀਆ ਆ ਕੇ ਇਸ ਦਾ ਜਸ਼ਨ ਮਨਾਉਣਗੇ। ਪ੍ਰਧਾਨ ਮੰਤਰੀ ਨੇ ਇਸ ਮਹਾਨ ਅਤੇ ਗੌਰਵਸ਼ਾਲੀ ਵਿਰਾਸਤ ਦੇ ਪੁਨਰ-ਨਿਰਮਾਣ ਦਾ ਹਿੱਸਾ ਬਣਨ 'ਤੇ ਮਾਣ ਜਤਾਇਆ।

ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ

NIA's big action: ਦਿੱਲੀ, ਯੂਪੀ ਅਤੇ ਮਹਾਰਾਸ਼ਟਰ ਸਮੇਤ ਕਈ ਰਾਜਾਂ 'ਚ 20 ਥਾਵਾਂ 'ਤੇ ਛਾਪੇਮਾਰੀ

ਖ਼ਬਰਾਂ ਦੇ ਅਪਡੇਟਸ ਲਈ LIVING INDIA NEWS 2 4/7 LIVE ਨਾਲ ਜੁੜੇ ਰਹੋ।

Dailyhunt
Disclaimer: This content has not been generated, created or edited by Dailyhunt. Publisher: Living India News