ਇਸ ਤੋਂ ਬਾਅਦ ਉਨ੍ਹਾਂ ਇਤਿਹਾਸਕ ਤੇ ਸ਼ਕਤੀਪੀਠ ਮਾਂ ਭਦਰਕਾਲੀ ਮੰਦਿਰ 'ਚ ਮੱਥਾ ਟੇਕਿਆ। ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਤੇਜਿੰਦਰ ਸਿੰਘ ਗੋਲਡੀ ਤੇ ਹੋਰ ਭਾਜਪਾ ਵਰਕਰਾਂ ਨੇ ਸੂਬਾ ਪ੍ਰਧਾਨ ਅਰਚਨਾ ਗੁਪਤਾ ਦਾ ਸਵਾਗਤ ਕੀਤਾ। ਅਰਚਨਾ ਗੁਪਤਾ ਨੇ ਕਿਹਾ ਕਿ ਔਰਤਾਂ ਸਮਾਜ ਦੀ ਤਾਕਤ, ਸੱਭਿਆਚਾਰ ਤੇ ਲੀਡਰਸ਼ਿਪ ਦੀ ਮਜ਼ਬੂਤ ਨੀਂਹ ਹਨ। ਅੱਜ ਔਰਤਾਂ ਆਪਣੀ ਪ੍ਰਤਿਭਾ, ਸਮਰਪਣ ਤੇ ਲੀਡਰਸ਼ਿਪ ਯੋਗਤਾਵਾਂ ਨਾਲ ਦੇਸ਼ ਤੇ ਸਮਾਜ ਨੂੰ ਨਵੀਂ ਦਿਸ਼ਾ ਦੇਣ ਲਈ ਹਰ ਖੇਤਰ ਵਿਚ ਕੰਮ ਕਰ ਰਹੀਆਂ ਹਨ। ਮਹਿਲਾ ਸ਼ਕਤੀ ਦੀ ਸ਼ਲਾਘਾ ਕਰਦਿਆਂ ਉਨ੍ਹਾਂ ਕਿਹਾ ਕਿ ਔਰਤਾਂ ਨਾ ਸਿਰਫ ਪਰਿਵਾਰ ਦੀ ਰੀੜ੍ਹ ਦੀ ਹੱਡੀ ਹਨ ਸਗੋਂ ਸਮਾਜ ਨਿਰਮਾਣ ਤੇ ਰਾਸ਼ਟਰ ਦੀ ਤਰੱਕੀ ਪਿੱਛੇ ਪ੍ਰੇਰਕ ਸ਼ਕਤੀ ਵੀ ਹਨ। ਇਸ ਮੌਕੇ ਭਾਜਪਾ ਸੂਬਾ ਸਕੱਤਰ ਰਾਹੁਲ ਰਾਣਾ, ਜ਼ਿਲ੍ਹਾ ਇੰਚਾਰਜ ਦੀਪਕ ਸ਼ਰਮਾ, ਜ਼ਿਲ੍ਹਾ ਮੀਡੀਆ ਇੰਚਾਰਜ ਲਲਿਤ ਮਾਟਾ, ਰਮੇਸ਼ ਸੈਣੀ, ਅਨੂ ਮਲਿਆਣ, ਸੰਜੈ ਸੀਕਰੀ, ਸੋਮਪਾਲ, ਰਿਸ਼ੀ ਪਾਲ ਮਥਾਣਾ, ਰਾਜ ਕੁਮਾਰ ਬੇਦੀ, ਸਾਬਕਾ ਚੇਅਰਮੈਨ ਗੁਰਦਿਆਲ ਸਨੇਹੜੀ, ਨਰਿੰਦਰ ਸਿੰਘ, ਅਨੂ ਚਕਰਪਾਣੀ, ਅੰਕੁਸ਼ ਗੋਇਲ ਤੋਂ ਇਲਾਵਾ ਕਈ ਅਹੁਦੇਦਾਰ ਤੇ ਕਾਰਕੁਨ ਮੌਜੂਦ ਸਨ।