ਪ੍ਰੋਗਰਾਮ ਦਾ ਆਗਾਜ਼ ਸੀ ਟੀ ਐੱਮ ਗੌਰਵ ਗੁਪਤਾ ਨੇ ਕੀਤਾ ਜਦੋਂਕਿ ਕਾਲਜ ਪ੍ਰਿੰਸੀਪਲ ਡਾ. ਗੁਰਚਰਨ ਦਾਸ ਨੇ ਪ੍ਰਧਾਨਗੀ ਕਰਦਿਆਂ ਮਹਿਮਾਨਾਂ ਦਾ ਸਵਾਗਤ ਕੀਤਾ।
ਸੀ ਟੀ ਐੱਮ ਗੌਰਵ ਗੁਪਤਾ ਨੇ ਕਿਹਾ ਕਿ ਨਸ਼ਾ ਅਜਿਹੀ ਬੁਰਾਈ ਹੈ ਜੋ ਵਿਅਕਤੀ, ਪਰਿਵਾਰ ਅਤੇ ਸਮਾਜ ਨੂੰ ਅੰਦਰੋਂ ਖੋਖਲਾ ਕਰ ਦਿੰਦੀ ਹੈ। ਨੌਜਵਾਨ ਆਪਣੀ ਊਰਜਾ ਨੂੰ ਸਿੱਖਿਆ, ਖੇਡਾਂ ਅਤੇ ਸਮਾਜ ਸੇਵਾ ਵਰਗੇ ਸਕਾਰਾਤਮਕ ਕੰਮਾਂ ਵਿੱਚ ਲਗਾਉਣ। ਮੁੱਖ ਬੁਲਾਰੇ ਡਾ. ਰਾਜੇਸ਼ ਧਮੀਜਾ ਨੇ ਕਿਹਾ ਕਿ ਨਸ਼ਾ ਸਿਰਫ਼ ਨਿੱਜੀ ਸਮੱਸਿਆ ਨਹੀਂ ਸਗੋਂ ਸਮਾਜਿਕ ਅਤੇ ਰਾਸ਼ਟਰੀ ਚੁਣੌਤੀ ਹੈ। ਉਨ੍ਹਾਂ ਨੌਜਵਾਨਾਂ ਨੂੰ ਚੌਕਸ ਕਰਦਿਆਂ ਕਿਹਾ ਕਿ ਜੇ ਨੌਜਵਾਨ ਪੀੜ੍ਹੀ ਨਸ਼ਿਆਂ ਦੇ ਜਾਲ ਵਿੱਚ ਫਸ ਜਾਂਦੀ ਹੈ ਤਾਂ ਦੇਸ਼ ਦਾ ਭਵਿੱਖ ਪ੍ਰਭਾਵਿਤ ਹੋਵੇਗਾ। ਪੁਲੀਸ ਨਸ਼ਾ ਛੁਡਾਊ ਟੀਮ ਦੇ ਇੰਚਾਰਜ ਐੱਸ ਆਈ ਸੁੰਦਰ ਸਿੰਘ ਨੇ ਕਾਨੂੰਨੀ ਅਤੇ ਸਿਹਤ ਸਬੰਧੀ ਜਾਣਕਾਰੀ ਸਾਂਝੀ ਕੀਤੀ।
ਪ੍ਰੋਗਰਾਮ ਵਿੱਚ ਜ਼ਿਲ੍ਹਾ ਰੈੱਡ ਕਰਾਸ ਸੁਸਾਇਟੀ ਤੋਂ ਸੁਰਿੰਦਰ ਚੁੱਘ, ਸੁਨੀਲ ਭਾਟੀਆ, ਦਲਬੀਰ ਸਿੰਘ, ਸਿਵਲ ਹਸਪਤਾਲ ਤੋਂ ਡਾ. ਗੁਰਵਿੰਦਰ ਕੌਰ, ਯੂਥ ਰੈੱਡ ਕਰਾਸ ਇੰਚਾਰਜ ਡਾ. ਮੀਨਾਕਸ਼ੀ ਕੋਹਲੀ, ਪ੍ਰੋ. ਵਿਨੋਦ ਕੁਮਾਰ, ਪ੍ਰੋ. ਸ਼ਿੰਪਾ, ਜਗਦੀਸ਼, ਮਨੀਸ਼ਾ ਜਾਖੜ, ਸੰਜੇ ਕੁਮਾਰ, ਪ੍ਰੋ. ਪ੍ਰਤਿਭਾ ਮਖੀਜਾ, ਮੇਜਰ ਰਜਨੀ ਵਰਮਾ ਆਦਿ ਹਾਜ਼ਰ ਸਨ।