ਜੰਮੂ ਕਸ਼ਮੀਰ ਦੇ ਮੁੱਖ ਮੰਤਰੀ ਉਮਰ ਅਬਦੁੱਲਾ ਤੇ ਪੀਪਲਜ਼ ਡੈਮੋਕਰੈਟਿਕ ਪਾਰਟੀ (ਪੀ ਡੀ ਪੀ) ਦੀ ਮੁਖੀ ਮਹਿਬੂਬਾ ਮੁਫ਼ਤੀ ਨੇ ਗੰਦਰਬਲ ਮੁਕਾਬਲੇ ਸਬੰਧੀ ਅਧਿਕਾਰੀਆਂ ਦੇ ਬਿਆਨਾਂ 'ਤੇ ਸਵਾਲ ਚੁੱਕੇ ਹਨ। ਉਮਰ ਅਬਦੁੱਲਾ ਨੇ ਕਿਹਾ ਕਿ ਇਸ ਮੁਕਾਬਲੇ ਵਿੱਚ 29 ਸਾਲ ਦਾ ਸਥਾਨਕ ਨੌਜਵਾਨ ਮਾਰਿਆ ਗਿਆ, ਜਿਸ ਦੀ ਪਾਰਦਰਸ਼ੀ ਅਤੇ ਸਮਾਂਬੱਧ ਜਾਂਚ ਹੋਣੀ ਚਾਹੀਦੀ ਹੈ।
ਮਹਿਬੂਬਾ ਮੁਫ਼ਤੀ ਨੇ ਮੀਡੀਆ ਨੂੰ ਕਿਹਾ, ''ਪਹਿਲਾਂ ਫੌਜ ਨੇ ਉਸ ਨੂੰ ਵਿਦੇਸ਼ੀ ਅਤਿਵਾਦੀ ਦੱਸਿਆ, ਫਿਰ ਕਿਹਾ ਕਿ ਉਹ ਸਥਾਨਕ ਹੈ ਅਤੇ ਅਤਿਵਾਦ ਨਾਲ ਜੁੜਿਆ ਹੋਇਆ ਹੈ।'' ਉਨ੍ਹਾਂ ਦਾਅਵਾ ਕੀਤਾ ਕਿ ਰਾਸ਼ਿਦ ਅਨਾਥ ਸੀ ਅਤੇ ਐੱਨ ਜੀ ਓ ਚਲਾਉਂਦਾ ਸੀ।