21 ਘੰਟੇ ਦੇ ਰੈਸਕਿਊ ਆਪ੍ਰੇਸ਼ਨ ਮਗਰੋਂ ਬੀਤੀ ਦਿਨੀਂ ਸਵੇਰੇ ਲਗਭਗ 3.30 ਵਜੇ ਦੇ ਕਰੀਬ ਉਸ ਦੀ ਦੇਹ ਬੋਰਵੈੱਲ ਵਿਚੋਂ ਕੱਢੀ ਗਈ। ਫੌਜ, NDRF ਤੇ SDRF ਦੀਆਂ ਟੀਮਾਂ ਨੇ ਉਸ ਨੂੰ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਪਰ ਬੱਚੇ ਦੀ ਜਾਨ ਨਹੀਂ ਬਚਾਈ ਜਾ ਸਕੀ।

ਜ਼ਿਕਰਯੋਗ ਹੈ ਕਿ ਨਿਰਵੈਰ ਸਿੰਘ ਆਪਣੇ ਪਿਤਾ ਮਨਜੀਤ ਸਿੰਘ ਨਾਲ ਖੇਤ ਜਾਣ ਦੀ ਜਿੱਦ 'ਤੇ ਅੜ ਗਿਆ ਸੀ। ਪਿਤਾ ਆਪਣੇ ਪੁੱਤਰ ਦੀ ਜ਼ਿੱਦ ਅੱਗੇ ਝੁਕ ਗਿਆ ਤੇ ਉਸ ਨੂੰ ਆਪਣੇ ਨਾਲ ਖੇਤ ਵਿਚ ਲੈ ਗਿਆ। ਸਵੇਰੇ ਲਗਭਗ 6.30 ਵਜੇ ਨਿਰਵੈਰ ਸਿੰਘ ਆਪਣੇ ਪਿਤਾ ਨਾਲ ਦਾਦੇ ਲਈ ਖਾਣਾ ਲੈ ਕੇ ਖੇਤ ਪਹੁੰਚੇ ਪਰ ਅੱਧੇ ਘੰਟੇ ਬਾਅਦ ਹੀ ਨਿਰਵੈਰ ਖੇਡਦੇ ਹੋਏ ਫਿਸਲ ਕੇ 220 ਫੁੱਟ ਡੂੰਘੇ ਬੋਰਵੈੱਲ ਵਿਚ ਡਿੱਗ ਪਿਆ।