ஒன் பிளஸ் நிறுவனம் தனது அடுத்த ஸ்மார்ட்போனான OnePlus Nord 6-ஐ இன்று இந்தியாவில் அறிமுகம் செய்ய உள்ளது. இந்த புதிய மொபைல் குறித்து ஏற்கெனவே தொழில்நுட்ப வட்டாரங்களில் பெரும் எதிர்பார்ப்பு நிலவி வருகிறது. சீனாவைத் தளமாகக் கொண்ட ஒன் பிளஸ் நிறுவனம் தனது உலகளாவிய வணிக உத்தியை மறுசீரமைத்து வரும் நிலையில், இந்த அறிமுகம் நடைபெறுகிறது.

இந்த சாதனம் இன்று இந்திய நேரப்படி இரவு 7 மணிக்கு அதிகாரப்பூர்வமாக வெளியிடப்பட உள்ளது. வெளியான டீசர்களின் அடிப்படையில், Nord 6-ல் பின்வரும் அம்சங்கள் எதிர்பார்க்கப்படுகின்றன.

என்னென்ன அம்சங்கள்?

டிஸ்ப்ளே & கேமிங்: இந்த ஸ்மார்ட்போனில் 1.5K ரெசல்யூஷன், 165Hz AMOLED டிஸ்ப்ளே இடம்பெறும் என கூறப்படுகிறது. மேலும், BGMI மற்றும் Call of Duty Mobile போன்ற கேம்களில் 165fps வரை கேமிங் அனுபவம் கிடைக்கும்.

பேட்டரி & சார்ஜிங்: Nord 6-ன் முக்கிய சிறப்பம்சமாக 9000mAh சிலிக்கான்-கார்பன் பேட்டரி, 80W வேகமான சார்ஜிங் இடம்பெறும் என எதிர்பார்க்கப்படுகிறது. இது நீண்ட நேர பயன்பாடு மற்றும் வேகமான சார்ஜிங் அனுபவத்தை வழங்கும்.

கேமரா அம்சங்கள்: இந்த சாதனத்தில் 50MP Sony LYTIA-600 முதன்மை கேமரா (OIS உடன்), 8MP அல்ட்ரா வைடு லென்ஸ், 32MP முன்பக்க கேமரா இடம்பெறும் என எதிர்பார்க்கப்படுகிறது.

சாப்ட்வேர் & அப்டேட்கள்: இந்த மொபைல் Android 16 அடிப்படையிலான OxygenOS 16, 4 முக்கிய அப்டேட்கள், 6 ஆண்டு பாதுகாப்பு அப்டேட்கள் என நீண்டகால மென்பொருள் ஆதரவுடன் வரும் என உறுதியளித்துள்ளது.

வடிவமைப்பு & நிறங்கள்: வடிவமைப்பைப் பொறுத்தவரை, ஃப்ரெஷ் மின்ட், ஹோலோகிராஃபிக் க்விக் சில்வர் மற்றும் பிட்ச் பிளாக் போன்ற வண்ணங்களை எதிர்பார்க்கலாம்.

OnePlus Nord 6 விலை விவரம்: இந்த மொபைலின் அதிகாரப்பூர்வ விலை இன்னும் அறிவிக்கப்படவில்லை. இருப்பினும், Nord 6 விலை ₹35,000 முதல் ₹40,000 வரை இருக்கும் என நிறுவனம் சூசகமாக தெரிவித்துள்ளது. இது கடந்த ஆண்டு வெளியான Nord 5-ஐ விட விலையில் குறிப்பிடத்தக்க உயர்வாகும். இந்த அறிமுக விழா இன்று இந்திய நேரப்படி இரவு 7 மணிக்கு தொடங்குகிறது. இந்த நிகழ்வை, OnePlus நிறுவனத்தின் அதிகாரப்பூர்வ YouTube, Instagram, Facebook சேனல்களில் நேரலையாகக் காணலாம்.

: வயிற்றுப் புற்றுநோயைத் தடுக்க, தினமும் இந்த 5 உணவுகளை கட்டாயம் சாப்பிடுங்க..!