தவெக அரசு எடுத்தவுடன் எல்லாம் செய்ய வேண்டும் என நினைப்பது நடைமுறையில் சாத்தியமே இல்லை என துரை வைகோ எம்.பி., தெரிவித்துள்ளார்.

சென்ற ஆட்சியில் பணியாற்றிய அதிகாரிகள் இடமாற்றம் என்பது இப்போது தான் நடந்து கொண்டிருக்கிறது. திமுக ஆட்சியில் இருக்கும்போது குற்ற சம்பவங்கள் நடந்தது பற்றி கேள்வியெழுப்பியுள்ளீர்கள். எப்போதும் குற்ற சம்பவங்களை தடுக்க முடியாது. ஆனால் படிப்படியாக குறைக்க முடியும். அதை செய்பவர்கள் மீது நடவடிக்கை இந்த தவெக ஆட்சியும் எடுக்கிறார்கள். வடமாநிலங்களை ஒப்பிடும்போது அங்கு எவ்வளவு குற்றங்கள் நடைபெறுகிறது என்பதை நாம் புரிந்துக் கொள்ளலாம்.

நான் முதலமைச்சர் விஜய்க்கு கோரிக்கை ஒன்றை வைக்கிறேன். உங்களுக்கு ஒரு வருட கால அவகாசம் கொடுத்தாலும் சரி குற்றங்களை குறைப்பதற்கான நடவடிக்கைகளை எடுக்க வேண்டும். சரியான அதிகாரிகளை நியமிக்க வேண்டும் என கேட்டுக்கொள்கிறேன்.

காவி உடை.. வள்ளுவரை கலங்கப்படுத்தாதீங்க.. ஆளுநருக்கு அமைச்சர் அருண்ராஜ் கடும் கண்டனம்!

சினிமாவில் தான் அப்படி நடக்கும்

வளர்ந்த நாடுகளில் கூட குற்ற சம்பவங்களை முழுவதுமாக தடுக்க முடியாது. ஆனால் தவெக அரசு எடுத்தவுடன் எல்லாம் செய்ய வேண்டும் என நினைக்கிறீர்கள். சினிமாவில் தான் அதைப் பார்க்க முடியாது. நடைமுறையில் அது சாத்தியமில்லை. தவெக ஆட்சிக்கு வந்து ஒரு மாதம் கூட ஆகவில்லை. ஒவ்வொரு துறையில் மாற்றம் கொண்டு வர நேரம் தேவை. தேர்தல் நேரத்தில் ஆட்சிக்கு வந்ததும் மாற்றம் வரும் என சொல்லலாம். ஆனால் நடைமுறையில் சாத்தியமில்லை. அதற்கு நேரம் எடுக்கும்.

24 மணி நேரத்தில் மாற்றத்தை கொண்டு வர சினிமாவில் மட்டும் தான் முடியும். இந்த தேர்தலில் யாருக்கும் பெரும்பான்மை கிடைக்காத நிலையில் மறுதேர்தல் அல்லது, குடியரசுத்தலைவர் ஆட்சியோ வைக்கும் சூழல் வரும். அதை தடுக்கவே காங்கிரஸ், கம்யூனிஸ்ட் கட்சிகள்,விசிக ஆகியவை தவெகவுக்கு ஆதரவு கொடுத்தது. அதுவும் நிபந்தனையுடன் தான் ஆதரவு கொடுத்தது” என துரை வைகோ தெரிவித்துள்ளார்.

Author : பேச்சி ஆவுடையப்பன்