10-ம் வகுப்பு, 12-ம் வகுப்பு, டிப்ளமோ உள்ளிட்ட கல்வித் தகுதி பெற்றவர்கள் இந்த வாய்ப்பைப் பயன்படுத்திக் கொள்ளலாம்.

கப்பல் கட்டுமானத் துறையில் பணிபுரிய விரும்பும் இளைஞர்களுக்கு இந்த அறிவிப்பு சிறந்த வாய்ப்பாகக் கருதப்படுகிறது. தகுதியானவர்கள் ஆன்லைன் மூலம் விண்ணப்பிக்கலாம்.

கொச்சின் ஷிப்யார்டு என்றால் என்ன?

கேரள மாநிலம் கொச்சியில் செயல்பட்டு வரும் கொச்சின் ஷிப்யார்டு லிமிடெட், மத்திய கப்பல் மற்றும் நீர்வழிப் போக்குவரத்து அமைச்சகத்தின் கீழ் இயங்கும் முன்னணி பொதுத்துறை நிறுவனம் ஆகும். இந்நிறுவனத்தில் டேங்கர் கப்பல்கள், சரக்கு கப்பல்கள், கடல்சார் கட்டுமானக் கப்பல்கள் உள்ளிட்ட பல்வேறு கப்பல்கள் வடிவமைக்கப்பட்டு கட்டப்பட்டு வருகின்றன.

என்னென்ன பணியிடங்கள்?

இந்த ஆட்சேர்ப்பின் மூலம் பின்வரும் பணியிடங்கள் நிரப்பப்படுகின்றன.

Scaffolder Trainee (சாரம் அமைக்கும் பயிற்சியாளர்) – 60 காலியிடங்கள்
Safety Assistant (பாதுகாப்பு உதவியாளர்) – 13 காலியிடங்கள்
கல்வித் தகுதி
Scaffolder Trainee
குறைந்தபட்சம் 10-ம் வகுப்பு தேர்ச்சி.
அதிகபட்சம் 12-ம் வகுப்பு வரை கல்வி பெற்றவர்கள் விண்ணப்பிக்கலாம்.

Safety Assistant: 10-ம் வகுப்பு தேர்ச்சி. Fire Safety பிரிவில் ஓராண்டு டிப்ளமோ படிப்பு முடித்திருக்க வேண்டும். தொழிற்சாலை, கட்டுமான நிறுவனம் அல்லது பொதுத்துறை நிறுவனங்களில் பாதுகாப்புத் துறையில் குறைந்தது ஓராண்டு அனுபவம் அல்லது பயிற்சி பெற்றிருக்க வேண்டும்.

வயது வரம்பு: Safety Assistant பணிக்கு அதிகபட்ச வயது 45.
அரசு விதிகளின்படி எஸ்சி/எஸ்டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும் வயது தளர்வு வழங்கப்படும்.

Scaffolder Trainee பணிக்கு அதிகபட்ச வயது 23.

சம்பளம் எவ்வளவு?

Scaffolder Trainee

பயிற்சி கால உதவித்தொகை – ரூ.10,000
பயிற்சி நிறைவுக்குப் பிறகு மாத ஊதியம் – ரூ.20,100

Safety Assistant

மாத ஊதியம் – ரூ.23,300
தேர்வு எப்படி நடைபெறும்?

விண்ணப்பங்கள் பரிசீலிக்கப்பட்ட பிறகு, செய்முறைத் தேர்வு, உடல் தகுதித் தேர்வு ஆகியவற்றின் அடிப்படையில் தகுதியானவர்கள் தேர்வு செய்யப்படுவார்கள்.

விண்ணப்பிக்கும் முறை

தகுதியும் ஆர்வமும் உள்ளவர்கள் அதிகாரப்பூர்வ அறிவிப்பை முழுமையாகப் படித்துவிட்டு ஆன்லைன் மூலம் விண்ணப்பிக்க வேண்டும்.

விண்ணப்பத் தொடக்க தேதி: 30.06.2026. கடைசி தேதி: 22.07.2026

விண்ணப்பங்கள் அதிகாரப்பூர்வ இணையதளம் மூலமாக மட்டுமே ஏற்கப்படும்.

இளைஞர்களுக்கு சிறந்த வாய்ப்பு

மத்திய அரசின் பொதுத்துறை நிறுவனத்தில் பணியாற்ற விரும்பும் இளைஞர்களுக்கு இந்த ஆட்சேர்ப்பு ஒரு நல்ல வாய்ப்பாகும். குறிப்பாக 10-ம் வகுப்பு, 12-ம் வகுப்பு அல்லது ஃபயர் சேஃப்டி டிப்ளமோ முடித்தவர்கள் தங்களின் தகுதிக்கேற்ப இந்த பணிகளுக்கு விண்ணப்பித்து அரசு நிறுவனத்தில் பணிபுரியும் வாய்ப்பைப் பெறலாம்.

Author : என்.நாகராஜன்