மாருதி பிரெஸ்ஸா இந்திய சந்தையில் மிகவும் பிரபலமான ஒரு எஸ்யூவி ஆகும். இது பெட்ரோல் மற்றும் சிஎன்ஜி ஆகிய இரண்டு வகை மேனுவல்-ஆட்டோமேட்டிக் டிரான்ஸ்மிஷன் ஆப்ஷன்களில் கிடைக்கிறது.

இதை வாங்குவதற்கு முழுத் தொகையையும் செலுத்தாமல், EMI மூலம் கார் வாங்க விரும்பினால், நீங்கள் நிதி உதவி பெற வேண்டும். உங்களிடம் சுமார் ரூ.2 லட்சம் இருந்தால், மீதமுள்ள தொகையை உங்கள் தவணைக்காலத்தில் EMI மூலம் செலுத்தலாம்.

இந்த காருக்கு செலுத்தவேண்டிய முன்பணம்

மாருதி பிரெஸ்ஸாவின் விலை, அதன் வேரியண்ட்டைப் பொறுத்து மாநிலத்திற்கு மாநிலம் மாறுபடுகிறது. இதன் விலை, அடிப்படை வேரியண்ட்டிலிருந்து அதிக அம்சங்கள் கொண்ட டாப் வேரியண்ட் வரை வேறுபடுகிறது. ஒரு காரை வாங்கும்போது, ​​எக்ஸ்-ஷோரூம் விலையை மட்டுமல்ல, ஆன்-ரோடு விலையையும் சரிபார்க்க வேண்டும். எக்ஸ்-ஷோரூம் விலையுடன் RTO, காப்பீடு மற்றும் பிற அவசியமான கட்டணங்களையும் சேர்த்தால், காரின் ஆன்-ரோடு விலை கிடைக்கும்.

பிரெஸ்ஸா காரை வாங்க நீங்கள் ரூ.2 லட்சம் முன்பணம் செலுத்தினால், மீதமுள்ள தொகையைச் செலுத்த வங்கி அல்லது நிதி நிறுவனத்திடமிருந்து கார் கடன் பெறலாம். வங்கியின் வட்டி விகிதம், கடன் காலம், கடன் தகுதி விவரம் மற்றும் பிற நிபந்தனைகளைப் பொறுத்து, கடன் தொகை மற்றும் மாதத் தவணை மாறுபடலாம்.

நீங்கள் ஒரு வங்கியில் சுமார் 9 சதவீத வட்டி விகிதத்தில் கார் கடன் வாங்கினால், மாதாந்திரத் தவணையானது (EMI) கடன் தொகை மற்றும் தவணைக்காலத்தின் அடிப்படையில் நிர்ணயிக்கப்படுகிறது. நீங்கள் நீண்ட தவணைக்காலத்தைத் தேர்ந்தெடுத்தால், ஒவ்வொரு மாதமும் செலுத்தப்படும் மாதாந்திரத் தவணை குறையும், ஆனால் வட்டி அதிகரிக்கும். நீங்கள் குறுகிய தவணைக்காலத்தில் கடன் வாங்கினால், ஒவ்வொரு மாதமும் செலுத்தப்படும் மாதாந்திரத் தவணை அதிகரிக்கும், ஆனால் செலுத்தப்படும் வட்டி குறையும்.

ஒவ்வொரு மாதமும் எவ்வளவு EMI வரும்.?

பிரெஸ்ஸா மாடலுக்கு, நீங்கள் ரூ.2 லட்சம் முன்பணம் செலுத்தினால், சுமார் ரூ.12.62 லட்சம் கடனுக்கு 9 சதவீத வட்டியில், 7 ஆண்டுகளுக்கு மாதம் சுமார் ரூ.20,318 மாதத் தவணையாகச் செலுத்த வேண்டும். இந்த கணக்கீட்டின்படி, 7 ஆண்டுகளில் நீங்கள் சுமார் ரூ.4.43 லட்சம் வட்டியாகச் செலுத்துவீர்கள். காரின் விலையைக் கணக்கிடும்போது, ​​முன்பணம் மற்றும் மாதத் தவணையை மட்டுமல்லாமல், கடனுக்கான வட்டியையும் நீங்கள் சரிபார்க்க வேண்டும்.

பவர்டிரெய்ன், அம்சங்கள் மற்றும் பாதுகாப்பு

மாருதி பிரெஸ்ஸா 1.5-லிட்டர் பெட்ரோல் என்ஜின் மூலம் இயக்கப்படுகிறது. இது மேனுவல் மற்றும் ஆட்டோமேட்டிக் டிரான்ஸ்மிஷன் தேர்வுகளில் கிடைக்கிறது. சிஎன்ஜி (CNG) பதிப்பும் உள்ளது. வாடிக்கையாளர்கள் தங்களின் தேவைகள் மற்றும் பட்ஜெட்டுக்கு ஏற்ப பெட்ரோல், சிஎன்ஜி, மேனுவல் அல்லது ஆட்டோமேட்டிக் தேர்வுகளில் ஒன்றைத் தேர்ந்தெடுக்கலாம்.

அம்சங்களை பொறுத்தவரை, இதில் பெரிய தொடுதிரை இன்ஃபோடெயின்மென்ட் சிஸ்டம், வயர்லெஸ் சார்ஜிங், ஹெட்-அப் டிஸ்ப்ளே, சன்ரூஃப், ஸ்மார்ட்போன் இணைப்பு மற்றும் ஆம்பியன்ட் லைட்டிங் உள்ளிட்ட பல்வேறு நவீன அம்சங்களை வாடிக்கையாளர்களுக்கு வழங்குகிறது.

பாதுகாப்பிற்காக, 6 ஏர்பேக்குகள், EBD உடன் கூடிய ABS, ஹில்-ஹோல்ட் கண்ட்ரோல், ESP, ISOFIX மற்றும் பின்புற பார்க்கிங் சென்சார்கள் போன்ற அம்சங்கள் உள்ளன. இருப்பினும், 360-டிகிரி கேமரா போன்ற அம்சங்கள் உயர் ரக மாடல்களில் கிடைக்கின்றன.

Author : ஸ்ரீராம் ஆராவமுதன்