Dailyhunt Logo
  • Light mode
    Follow system
    Dark mode
    • Play Story
    • App Story
Budget Hatchbacks: ஹேட்ச்பேக்-னாலே நாங்க தான்.. சிட்டியில் ஆதிக்கம் - குறைஞ்ச விலை, நிறைஞ்ச மைலேஜ் மாடல்கள்

Budget Hatchbacks: ஹேட்ச்பேக்-னாலே நாங்க தான்.. சிட்டியில் ஆதிக்கம் - குறைஞ்ச விலை, நிறைஞ்ச மைலேஜ் மாடல்கள்

ABP Nadu 4 months ago

Budget Hatchbacks: இந்திய ஆட்டோமொபைல் சந்தையில் கிடைக்கும் டாப் 5 எண்ட்ரி லெவல் ஹேட்ச்பேக் கார் மாடல்களின் விவரங்கள் கீழே பட்டியலிடப்பட்டுள்ளன.

என்ட்ரி லெவல் ஹேட்ச்பேக் கார்கள்..

கடந்த 50 ஆண்டுகளுக்கும் மேலாக, ஹேட்ச்பேக் கார்கள் இந்திய ஆட்டோமொபைல் சந்தையின் முதுகெலும்பாக இருந்து வருகின்றன. எஸ்யுவி கார்கள் பிரபலமடைய தொடங்குவதற்கு முன்பும், செடான் கார்கள் அறிமுகமாவதற்கு முன்பும், ஹேட்ச்பேக் கார்கள் நடைமுறைக்கு ஏற்ற குடும்பக் கார்களாகக கொண்டாடப்பட்டன. எஸ்யுவி கார்களின் மோகம் அதிகரித்து இருந்தாலும்,நாட்டில் அதிகம் விற்பனையாகும் கார் வகைகளில் ஹேட்ச்பேக் தொடர்கிறது. பார்க்கிங் சிக்கல் நிறைந்த நகரங்களிலும், முக்கிய நாட்களில் போக்குவரத்து நெரிசல் காரணமாக ஒன்று அல்லது இரண்டு மணிநேரத்தை எளிதாக வீணடிக்கக் கூடிய இடங்களிலும் இவை மிகவும் நடைமுறைக்கு ஏற்றவையாக இருக்கின்றன. அந்த வகையில் தினசரி அலுவலகப் பயணங்களுக்கு ஏற்ற 5 ஆரம்ப நிலை ஹேட்ச்பேக் கார்களின் விவரங்கள் கீழே பட்டியலிடப்பட்டுள்ளன.

சிட்டிக்கு ஏற்ற ஹேட்ச்பேக்

1. மாருதி சுசூகி ஆல்டோ

மாருதி சுசூகி ஆல்டோ சுமார் 30 ஆண்டுகளாக இந்திய சந்தையில் உள்ளது. இந்த ஹேட்ச்பேக் ப்ராண்டின் போர்ட்ஃபோலியோவில் உள்ள மிகப்பழமையான மாடல்களில் ஒன்றாகும். ஆல்டோவில் K10C 3 சிலிண்டர் நேட்சுரலி ஆஸ்பிரேட்டட் பெட்ரோல் இன்ஜின் பொருத்தப்பட்டுள்ளது. இது 65.71 bhp மற்றும் 89 Nm ஆற்றலை உற்பத்தி செய்கிறது. 5 ஸ்பீட் மேனுவல் மற்றும் AGS ஆட்டோமேட்டிக் டிரான்ஸ்மிஷன் ஆப்ஷன்களை கொண்டுள்ளது. இதன் சிறிய அளவு காரணமாக நகரப் பயன்பாட்டிற்கு மிகவும் பொருத்தமான காராக விளங்குகிறது. ரூ.3.69 லட்சம் (எக்ஸ்-ஷோரூம்) என்ற தொடக்க விலையை கொண்டுள்ள இந்த காரானது, அதிகபட்சமாக சிஎன்ஜி எடிஷனில் கிலோவிற்கு சுமார் 34 கிலோ மீட்டர் தூரம் வரை மைலேஜ் அளிப்பதாக அறிவிக்கப்பட்டுள்ளது.

2. ரெனால்ட் க்விட்

ரெனால்ட் க்விட் சமீபத்தில் சில சிறிய அப்க்ரேட்களை பெற்றது. அதனுடன் மாடலின் வேரியன்ட் வரிசையையும் குறைத்து, இரண்டே வேரியன்ட்களாக மாற்றியுள்ளது. ரெனால்ட் க்விட், 68.06 bhp சக்தியையும் 92.5 Nm டார்க்கையும் உற்பத்தி செய்யும் 1.0லி 3-சிலிண்டர் நேட்சுரலி ஆஸ்பிரேட்டட் பெட்ரோல் இன்ஜின் மூலம் இயக்கப்படுகிறது. இது 5 ஸ்பீட் மேனுவல் அல்லது 5 ஸ்பீட் AMT டிரான்ஸ்மிஷனுடன் இணைக்கப்பட்டுள்ளது. ரூ. 4.53 லட்சம் (எக்ஸ்-ஷோரூம்) என்ற தொடக்க விலையை கொண்டுள்ள ரெனால்ட் க்விட்டானது, அதிகபட்சமாக சுமார் 22 கிலோ மீட்டர் மைலேஜ் வழங்குவதாக கூறப்படுகிறது.

3. ஹுண்டாய் க்ராண்ட் ஐ10 நியோஸ்

ஹுண்டாய் நிறுவனத்தின் விரிவான தயாரிப்பு வரிசையில் க்ராண்ட் ஐ10 நியோஸ், எண்ட்ரி லெவல் கார் மாடலாகும். இது 81 bhp மற்றும் 113.8 Nm ஆற்றலை உற்பத்தி செய்யும் 1.2L நேட்சுரலி ஆஸ்பிரேட்டட் 4 சிலிண்டர் கப்பா பெட்ரோல் இன்ஜின் மூலம் இயக்கப்படுகிறது. 5 ஸ்பீட் மேனுவல் அல்லது 5 ஸ்பீட் AMT டிரான்ஸ்மிஷனுடன் இணைக்கப்பட்டுள்ளது. ரூ.5.59 லட்சம் என்ற தொடக்க விலையை கொண்டுள்ள இந்த காரானது, அதிகபட்சமாக சிஎன்ஜி எடிஷனில் 27 கிலோ மீட்டர் தூரம் வரை மைலேஜ் வழங்குவதாக கூறப்படுகிறது.

4. டாடா டியாகோ

டாடா நிறுவனத்தின் ஆரம்ப நிலை ஹேட்ச்பேக் காரான டியாகோ, ஆண்டின் தொடக்கத்தில் ஃபேஸ்லிஃப்ட் அப்டேட்டை பெற்றது. இதில் 86 bhp மற்றும் 113 Nm ஆற்றலை உற்பத்தி செய்யும் 1.2L 3-சிலிண்டர் நேட்சுரலி ஆஸ்பிரேட்டட் பெட்ரோல் இன்ஜின் இடம்பெற்றுள்ளது. அதில்5 ஸ்பீட் மேனுவல் மற்றும் பேடில் ஷிஃப்டர்களுடன் கூடிய AMT ட்ரான்ஸ்மிஷன் ஆப்ஷன்கள் கிடைக்கின்றன. இந்த செக்மென்ட்டிலேயே அதிக அம்சங்கள் நிறைந்த கார் என்று டாடா டியாகோவை குறிப்பிடலாம். இதன் சிறிய தோற்றம் நகரப் போக்குவரத்தில் எளிதாக பயணிக்க அனுமதிக்கின்றன. ரூ. 4.69 லட்சம் (எக்ஸ் - ஷோரூம்) என்ற தொடக்க விலையை கொண்டுள்ள டாடா டியாகோவின் சிஎன்ஜி எடிஷன் அதிகபட்சமாக 28 கிலோ மீட்டர் மைலேஜ் அளிப்பதாக கூறப்படுகிறது.

Off Road SUV: ஆஃப் ரோட் கிங், 4 ஸ்டார் ரேட்டிங், கெத்தான ரக்கட் லுக் - GenZ-க்கு ரூ.7,900 போதும், முழு EMI விவரங்கள்

5. சிட்ரோயன் C3X

ஆரம்ப நிலை ஹேட்ச்பேக் பிரிவைப் பொறுத்தவரை, சிட்ரோயன் C3X குறைத்து மதிப்பிடப்பட்ட காராகும். இந்த ஹேட்ச்பேக்கிற்கு ரேலி பந்தயப் பாரம்பரியம் உள்ளது. 80.46 bhp மற்றும் 115 Nm ஆற்றலை உற்பத்தி செய்யும் 1.2L 3 சிலிண்டர் நேட்சுரலி ஆஸ்பிரேட்டட் பெட்ரோல் மற்றும் 108.5 bhp மற்றும் 190 Nm ஆற்றலை உற்பத்தி செய்யும் 1.2L 3 சிலிண்டர் டர்போசார்ஜ்டு பெட்ரோல் என C3X இரண்டு வெவ்வேறு இன்ஜின் ஆப்ஷன்களை கொண்டுள்ளது இதில், முதலாவது 5 ஸ்பீட்மேனுவல் டிரான்ஸ்மிஷனுடன் இணைக்கப்பட்டுள்ளது. இரண்டாவது 6 ஸ்பீட் மேனுவல் மற்றும் 6 ஸ்பீட் டார்க் கன்வெர்ட்டர் ஆட்டோமேட்டிக் டிரான்ஸ்மிஷனுடன் இணைக்கப்பட்டுள்ளது. ரூ. 4.99 லட்சம் (எக்ஸ்-ஷோரூம்) என்ற தொடக்க விலையை கொண்டுள்ள, சிட்ரோயன் C3X-ன் சிஎன்ஜி வேரியண்ட் அதிகபட்சமாக 28 கிலோ மீட்டர் தூரம் வரை மைலேஜ் அளிக்கிறதாம்.

Author : குலசேகரன் முனிரத்தினம்

Dailyhunt
Disclaimer: This content has not been generated, created or edited by Dailyhunt. Publisher: ABP Nadu