2026 தமிழ்நாடு சட்டமன்ற தேர்தலில் வெற்றி பெற்றுள்ள தமிழக வெற்றிக் கழகத்தின் பெயரைக் கூட சொல்லாமல் திமுக தவிர்ப்பது அரசியல் களத்தில் பேசுபொருளாக மாறியுள்ளது.

மாபெரும் வெற்றி பெற்ற தவெக

2026 தமிழ்நாடு சட்டமன்ற தேர்தலில் தமிழக வெற்றிக் கழகம் 108 தொகுதிகளில் வெற்றி பெற்றுள்ளது. திமுக 59 இடங்களிலும், அதன் கூட்டணி 14 இடங்களிலும், அதிமுக 47 இடங்களிலும், அதன் கூட்டணி கட்சிகள் 6 இடங்களிலும் வெற்றி பெற்றது. தமிழ்நாடு அரசியலில் முதல்முறையாக களம் கண்ட தமிழக வெற்றிக் கழகம் 34 சதவிகித வாக்குகள் வாங்கி வரலாற்று சாதனைப் படைத்துள்ளது. தனித்துப் போட்டியிட்ட அக்கட்சி தலைவர் விஜய் என்ற ஒற்றை மனிதனுக்காகவே மக்கள் ஆட்சி அதிகாரம் செய்யும் பொறுப்பை வழங்கியுள்ளது.

தமிழ் சினிமாவில் முன்னணி நடிகராக தனக்கென கோடிக்கணக்கான ரசிகர்களை வயது வித்தியாசமில்லாமல் கொண்டிருக்கும் விஜயை திமுக, அதிமுக ஆகிய பிரதான திராவிட கட்சிகள் சரியாக கணிக்க தவறியுள்ளது. ஆளும் கட்சியாக இருந்த திமுக இந்த தேர்தலில் எதிர்கட்சி அந்தஸ்து பெற்றிருக்கிறது. அதிமுக 3ம் இடத்திற்கு தள்ளப்பட்டிருக்கிறது. மே 7ம் தேதி விஜய் தமிழ்நாட்டின் முதலமைச்சராக பதவியேற்கவுள்ளதாக சொல்லப்படுகிறது.