இந்த பெயர் மாற்றம், 1993 ஆம் ஆண்டு நிறுவப்பட்ட போது இருந்த அதன் ஆரம்ப அடையாளமான “Cricinfo” பெயருக்கு மீண்டும் திரும்புகிறது. இந்த தளம் உலகளவில் மிக நம்பகமான மற்றும் அதிக ஈடுபாட்டுடன் பயன்படுத்தப்படும் கிரிக்கெட் தளமாகத் தொடரும் என்றும், JioStar வழங்கும் உயர்தர கிரிக்கெட் உள்ளடக்க அனுபவத்தில் தனித்துவமான பங்கை வகிக்கும் என்றும் தெரிவிக்கப்பட்டுள்ளது.
“உலகம் முழுவதும் கிரிக்கெட் ரசிகர்களுக்கான மிக முக்கியமான தளமாக Cricinfo-வை தொடர்ந்து மேம்படுத்துவோம். இது அதன் ஆரம்பக் கொள்கைகளுக்கு உண்மையாக இருந்து, ரசிகர்களுக்கான சேவையை தொடரும். அடுத்த கட்ட வளர்ச்சியில் AI அடிப்படையிலான புதுமைகள் மூலம் கதை சொல்லும் முறையை மேம்படுத்துவோம்; ஆனால் அது எப்போதும் அசல் தன்மையுடன் இருக்கும்,” என்று Cricinfo-வின் Editor-in-Chief சாம்பித் பால் தெரிவித்தார்.
Cricinfo இப்போது cricinfo.com என்ற இணையதளத்தில் மற்றும் அதன் மொபைல் பயன்பாடுகளில் “Cricinfo” என்ற பெயரில் கிடைக்கும். espncricinfo.com வழியாக அணுகும் பயனர்கள் அல்லது முன்பிருந்த bookmarks மற்றும் links வழியாக சென்றாலும் தானாகவே புதிய தளத்துக்கு மாற்றப்படுவார்கள்; சேவையில் எந்தத் தடையும் இருக்காது. மூன்று தசாப்தங்களுக்கும் மேலான ஆசிரிய மரபும், உலகின் மிக விரிவான கிரிக்கெட் தரவுத்தளங்களில் ஒன்றும் கொண்ட Cricinfo, கிரிக்கெட் வரலாற்றின் முக்கிய பதிவாகத் தொடரும்.

Author : ராகேஷ் தாரா